يا جماعه دى مركز خدمة وصيانه رينو شوفته بالصدفه الباحته
فى مكان مش متوقع وكنت بعدى منه يوميآ
بس امبارح وانا وبعدى منه وبهرب من الزحمه لاقيت محلين كبار جمب بعض
ولونهم اصفر وعليهم علامة رينو ومكتوب عليهم مركز خدمة وصيانه !!
بس كان قافل واما سألت واحد قالى ده مركز خدمة رينو
وعربيات رينو كتير بتيجى المركز هنا
ده كل اللى اعرفه عنه للأسف
بس هل ده معتمد ولا ايه نظامه بضبط الله اعلم عايز اعرف
على العموم اللى عايز العنوان
هو فى الاسكندريه
العصافره .. جمال عبد الناصر بعد ما تطلع وتعدى الكوبرى وتنزل على الاكاديميه وتدخل شارع اسكندر ابراهيم اللى فى وش الاكاديميه
وتاخد اول ملف يقبلك .. الشارع اللى فى وشه علطول تدخله هتلاقيه على ايدك اليمين
وياريت اللى راحو من اسكندريه واللى يعرف عنه حاجه يبلغنا
بكده ممكن المركز ده يوفر على ناس كتير المشوره بتاعة العامريه وقرف التوكيل
المفضلات