حد بلاحظ الموضوع ده؟.....

**lastknight** · 22-07-2010 02:19 AM

السلام عليكم يا وحوش المنتدى.

أنا استلمت العربية من حوالى اسبوعين كده.

و فيه نقطة عاوز أسأل اذا كان حد لاحظها عنده..

لما آجى أركن أو و أنا لسه طالع أحيانا أحس بطقطقة كده فى الدواسات مع حركة الدركسيون( و كأن لفة الدركسيون بتسمع فى حاجة من تحت الدواسات) ..

مع العلم الملحوظة دى تقريبا من أول ما استلمت العربية (يعنى لا لحقت أخد ملفات جامد و لا حاجة),

يا ترى ده طبيعى؟؟

تحياتى.

**Egyzizo** · 22-07-2010 03:27 AM

أنا كان عندى الموضوع ده أول ما استلمت العربية فعلاً ، وسجلته علشان أقول لهم عليه فى أول صيانة ، بس شوية كده (على ألفين أو تلاتة) وراح، ومش عارف ايه اللى جابه وايه اللى مشاه بصراحة.

**cementman** · 22-07-2010 11:19 AM

المشاركة الأصلية كتبت بواسطة egyzizo

أنا كان عندى الموضوع ده أول ما استلمت العربية فعلاً ، وسجلته علشان أقول لهم عليه فى أول صيانة ، بس شوية كده (على ألفين أو تلاتة) وراح، ومش عارف ايه اللى جابه وايه اللى مشاه بصراحة.

لا مش طبيعية
عليك و على التوكيل بدرى بدرى كدة

**M.Radwan** · 22-07-2010 12:37 PM

لا مش بتحصل عندي خالص
روح التوكيل،

**gebreel** · 22-07-2010 03:32 PM

محصلتش عندي خالص اطلع على التوكيل و هتتحل بدون اي مشاكل ان شاء الله

**josephedward** · 22-07-2010 04:58 PM

انا ساعات بحسها لو راكن في أرض مائلة و مش مستوية... يعني زي مثلا طريق مش متسفلت... وهي مش طقطقة على قد ما هي زي مقاومة ضدي بس متوزعة على أجزاء صغيرة بتنتش واحدة ورا التانية....

**amr.elsayed** · 22-07-2010 05:47 PM

لما آجى أركن أو و أنا لسه طالع أحيانا أحس بطقطقة كده فى الدواسات مع حركة الدركسيون( و كأن لفة الدركسيون بتسمع فى حاجة من تحت الدواسات) ..

بص موضوع الاصوات دة بيكون صعب تحديده شوية لان الاصوات صعب تتوصف
لكن الصوت دة طبيعى لو بتسمعه قبل ما تتحرك بالعربية وهى واقفة وانت جايب اخـــر الدركسيون علشان تطلع من الركنة مثلا
ودة بيكون نتيجة ضغط الزيت من طلمبة البور ... لكن فى الصيانة قولهم عليها علشان تطمن اكتر .

المشاركة الأصلية كتبت بواسطة josephedward

انا ساعات بحسها لو راكن في أرض مائلة و مش مستوية... يعني زي مثلا طريق مش متسفلت... وهي مش طقطقة على قد ما هي زي مقاومة ضدي بس متوزعة على أجزاء صغيرة بتنتش واحدة ورا التانية....

دة بيكون نتيجة تحميل وزن العربية كله على تيل الفرامل ودى حاجة تانية غير اللى بيتكلم فيها صاحب الموضوع ...
وانا سمعت الصوت اللى انت تقصده واكدولى فى التوكيل انه عادى وجربت عربيتين لوجان تانين وفيهم نفس الصوت عند دوسة الفرامل فى الاراضى المائلة
وسألت ناس اعرفها قالولى نفس الكلام .... لا تقلق

**Eng.Geo** · 22-07-2010 11:30 PM

المشاركة الأصلية كتبت بواسطة ringoo

بص موضوع الاصوات دة بيكون صعب تحديده شوية لان الاصوات صعب تتوصف
لكن الصوت دة طبيعى لو بتسمعه قبل ما تتحرك بالعربية وهى واقفة وانت جايب اخـــر الدركسيون علشان تطلع من الركنة مثلا
ودة بيكون نتيجة ضغط الزيت من طلمبة البور ... لكن فى الصيانة قولهم عليها علشان تطمن اكتر .

دة بيكون نتيجة تحميل وزن العربية كله على تيل الفرامل ودى حاجة تانية غير اللى بيتكلم فيها صاحب الموضوع ...
وانا سمعت الصوت اللى انت تقصده واكدولى فى التوكيل انه عادى وجربت عربيتين لوجان تانين وفيهم نفس الصوت عند دوسة الفرامل فى الاراضى المائلة
وسألت ناس اعرفها قالولى نفس الكلام .... لا تقلق

+11111

**lastknight** · 23-07-2010 03:32 AM

المشاركة الأصلية كتبت بواسطة ringoo

[gdwl]بص موضوع الاصوات دة بيكون صعب تحديده شوية لان الاصوات صعب تتوصف
لكن الصوت دة طبيعى لو بتسمعه قبل ما تتحرك بالعربية وهى واقفة وانت جايب اخـــر الدركسيون علشان تطلع من الركنة مثلا
ودة بيكون نتيجة ضغط الزيت من طلمبة البور ... لكن فى الصيانة قولهم عليها علشان تطمن اكتر .[/gdwl]

باشا..الموضوع مش صوت بقدر ما هو احساس منقول للقدم...

النهاردةبعد ما ركنت قعدت أجيب طارة الدركسيون يمين و شمال وكنت حاسس بالحركة لما بحط رجلى على المساحة اللى تحت الدواسات( الدبرياج و الفرامل و كده)..

المهم ما عرفش ليه قلت طب ما شيل الدواسة الجلد و حطيت رجلى عل نفس المكان و قعدت ألف فى الدركسيون ما حسيتش بحاجة!

ما أعرفش بأه هل الاحساس اختفى بسبب كتر لف الدركسيون و لا عشان شلت الدواسة الجلد؟! ..

اليومين الجايين حأشوف المشوار ده مصدره ايه ...

تحياتى

الموضوع: حد بلاحظ الموضوع ده؟.....

LinkBack

أدوات الموضوع

عرض

-

-

-

-

-

-

المواضيع المتشابهه

أسف لو الموضوع مؤلم بس اللى عنده مدفن فى السيدة نفيسة ياريت يقرأ الموضوع

بلاحظ اثناء الجري دخول هواء من الهويات اللي في التبلوة

بلاحظ ان نسبة كبيرة من قائدي الكارينز سيدات !؟

الكلمات الدلالية لهذا الموضوع

المفضلات

المفضلات

ضوابط المشاركة