بص ياباشا هحكيلك على تجربتي
انا الحمد لله ربني كرمني وقدرت اشتري شقة من البنك العقاري المصري العربي
https://www.eal-bank.com/default.asp
البنك ده اولا بيبيع ليك حاجة ملكه 100%
ده بالاضافة انه ممكن يشتري اي شقة تعجبك بالسعر العادل اللي هو شايفه ويعيد بيعها ليك بالتقسيط
انا اخدت الشقة في بيانكي (تعتبر شقة مصيف بالنسبة لي) في ناس كتيرة جدا مقيمة هناك طول السنة
الميزة عندهم مقدم 15% والباقي لحد 15 سنة بفائدة تقريبا 10%
بص على الموقع وابحث عن الشقق الفاضية في المشروع بتاع زهراء بيانكي
روح المكان ده وبص عليه وفي ناس موجودة هناك تبع البنك مهمتهم يوروك الشقق الفاضية
لو انت جاهز معاك 100 الف هتعرف تاخد شقة هناك حلوة جدا كاش بس تكون من مالك مش من البنك
لان في ناس بتشتري كاش وترجع تبيع تاني (بصراحة مش عارف ليه ؟ ) وعلى فكرة بيبيعوها شاملة فرشها وتجهيزيها باقل من تمنها كاش
أسوأ حاجة هناك هو شارع الحنفية ضيق ورايح جاي
لكن يقال في الفترة الاخيرة انه هيتم مد كورنيش البحر من القلعة حتى طريق الساحل
طبعا لو حصل ده الدنيا هتتظبط وتروق
بس يوم الحكومة بسنة
ميزة المنطقة :
ميعرفش يدخلها الا اللي معاه عربية
مستويات اجتماعاية راقية الى حد ما
القرية على البحر مباشرة
هادئة جدا بعيد عن زحمة الدينة
وليك انت الحكم النهائي
لو حبيت تنورني هناك او احتجت معلومات
كلمني وانا تحت أمرك