جرب تنضف الزرار الاول بدون زيوت , لان الزيوت بتلم تراب واوساخ مع الوقت وهيعلق تاني
ولو التنضيف مجابش نتيجه يبقا غير الزرار , اظن مش هيكون غالي
عرض للطباعة
جرب تنضف الزرار الاول بدون زيوت , لان الزيوت بتلم تراب واوساخ مع الوقت وهيعلق تاني
ولو التنضيف مجابش نتيجه يبقا غير الزرار , اظن مش هيكون غالي
على فكرة العلبة بتاعة الزرار سوده مش بيضاء زى الاستاذ hon مبيقول و لا قصدك افك البلاستكة البيضة و كذلك المشكلة انى نضفتها باسبراى بس ملاحظتش شرائح النحاس دى كل اللى فى العلية دائرة كهربية اللى بتنور تحت الزرار اللون الاخضر ده و الحتة البلاستك اللى شرحتها بس حاسس ان البلاستكة البيضاء اللى بتطلع و تنزل الازاز هيه اللى بتعلق و حاسس المشكلة بسيطه بس لو روحت الكهربائى كعادتهم هيستسهل و يقلى غيره
فهل هيه فعلا قفلة فى الزرار و لا ممكن احط نقطة زيت و لو حطيت نقطة الزيت دى ممكن تبوظ حاجة فى موتور الازاز او تعمل قفلة فعلا
[overline][overline]تنضيف المفتاح مش انك ترش سبراى ع الدايرة اللى انت شايفها من تحت
لأ انت هتفك الجزئين من بعضهم
اللى فوق اللى فيه اليد اللى فيه اربع مفاتيح اللى انت بتحركهم بإيدك ( لونه رمادى)
من الجزء التانى اللى ملحومة عليه المفاتيح نفسها ( لونه اسود )
باستخدام مفك رفيع تدخله بين الكلبسات
ساعتها هتبقى ماسك الجزء التحتانى اللى فيه الاربع مفاتيح ( ملحومين ع الشريحة النحاس
تحاول تنضف من بره عن طريق الرش على البلاستيكة البيضا اللى فوق المفتاح
منفعش
يبقى تفك المفتاح نفسه وبراحة عشان متكسرش الكلبسات هما اتنين من قدام واتنين من ورا
وتنضف الشرايح النحاس الرفيعة اللى جوه المفتاح نفسه
( جرب بنفسك فى اسوأ الظروف متشتريش الوحدة اللى فيها الاربع مفاتيح دول .... هتشترى مفتاح واحد بحاولى 60 جنيه وكهربائى شاطر يفوره من جوه ويركبهولك مكان اللى بايظ عندك )[/overline][/overline]
انا كان عندى نفس المشكلة وبعد تغير الماتور المشكلة موجودة الكهربائى لاقىطرف سلك الارضى مفكوك من الفيشة الموجودة بين الباب وجسم العربية وبعد تركيبها رجعت الماتور واشتغل كويس بص عندك احتمال تكون الحالة مشابها
على فكرة يا جماعة الزرار فى باب اللى جنب السائق مش فى الكونسول الرئيسى و فكرة عمل الزار زى ما انا فاهم هو عبارة عن الراس السوده اللى بتنزل منها الازاز و دى عبارة عن فبرة عادية بها عصا بلاستيكة بيضاء بتشبط على البلاستكة البيضا عشان تحركها لتحت و لفوق عشان تنزل و تطلع الازاز و فيه دايرة كهربية بسيطه اوى عشان تنور اللمبة الخضرة اللى بتبين ان الزرا فيه كهربا و شغال
دى بكل بساطة (ده لو انا فاهم صح) فكرة عمل الزرار الكهربا بتاع الازاز
المشكلة بتاعتى تانى
ان البلاستكة البيضة بتعلق بعد ما اركب الفبرة السوده بتاع الزرار اللى بتدوس عليها لفوق عشان تطلع الازار و ده راجع لسببين فى اعتقادى
الاول العصا البلاستية فى الزرار نعمت و مش طايلة البلستكة البيضا
التانى البلستيكة البيضة قفشت و مش عايزة تتحرك و عايزة مثلا نقطة زيت
ارجو انى اكون وضحت الموضوع بدقة و لو حد عنده اسباب او حلول لمشكلتى يا ريت يوضحها
لان حاسس الموضوع بسيط يا اما غير وحدة الزرار ده بس بعد ما اتاكد عمليا انها مش شغاله و دى حاجه انا شككك فيه اصلا لانى لما انضف بالسبراى بيشتغل مرة و بعد كده يزرجن لما اتطلع الازاز بس انما انزلة عادى و لكن الحمد لله الكونسول الرئيسى شغال او ان حتة صغيرة تتبدل او اى حلول اخرى
شكرا