مبروك و عقيال متشترى اخواتها الكبار c4 .....
عرض للطباعة
مبروك و عقيال متشترى اخواتها الكبار c4 .....
شكرا ليكم جدا يا جماعة على التهنئة وكل عام وانتم بخير
معلش دخولى على النت قليل اليومين دول بسبب ضيق الوقت
لكن احب اقول حاجه كده على السريع
العربية ولله الحمد لغاية دلوقتى بنزين ومياه للريداتير وبس
وانا ساكن فى حته بعد المرج اسمها القلج وبيت والدى فى امبابة وروحت وجيت المشوار ده من على الدائرى كذا مره والحمد لله كله بيعدى بسلام
لكن انا حاسس ان العفشه فيها شغل ده مجرد احساس على الرغم انها ماشيه كويس ولكده سببين اولا انا لسه جديد لانج فى السواقة مابقاليش اسبوعين واكيد باكل مطبات مفاجأه وخصوصا لو ماعرفش السكة كويس ده غير ان مافيش مكان فى اللى بتردد عليهم يخلو من الشوارع المكسرة والبلاعات مش مطبات وبس والسبب التانى انى حاسس ان صاحب العربية اللى اشتريت منه ماكانش مهتم بيها كده ومهملها واحتمال يكون ظبطها على خفيف عشان يبيعها لانى لاحظت ان مقاس زيت الموتور عالى شويه عن العلامة اللى فوق بحوالى سم وواحد صاحبى سواق من زمان قاللى ان الزيت زياده لكن منسوبه ثابت يعنى مش بتاكل زيت
وان شاء الله قريب قريب هصور العربية بالنهار عشان اعرض حالتها دلوقتى على حضراتكم لانى ناوى انأنأ فيها كده واظبطها بنفسى
والف شكر مره تانية