الموضوع: ستروينى جديد بــ ax

ايه ده ؟؟؟؟؟ ماحدش عايز يقولى حتى مبروك واحد مش 1000؟؟؟
انا مندهش!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!

المشاركة الأصلية كتبت بواسطة aymangalal510

السلام عليكم اخوانى الافاضل محتاج مساعدتكم بحكم خبرتكم
وفقنى الله فى شراء ستروين ax (بالمناسبة الصح ستروين ولا سيتروين؟؟)
مو 95 1400سى سى دواخل فبريقة وحالته جيده جداَ يعنى مش محتاجه مصاريف بإستثناء التكييف و هى دى العقبة اللى قدامى دلوقتى المفروض ان اصلا فيها تكييف بس الراجل اللى اشتريت منه قالى ان الكمبروسر بتاعها بايظ وشاله وماعرفش باظ منه ولا هوه مشتريها كده وماعرفش ايه الوموجود من التكييف من الوصلات والخراطيم والمكونات بتاعته عموماً بخلاف ذلك كل حاجه لغاية دلوقتى تمام وقالى ان التكييف بحاجاته يعمل حوالى 1000 جنيه اكتر او اقل حاجه بسيطة استيراد طبعا وقالى فى واحد عند ايهاب جلال بتاع الستروين االى فى صقر قريش عنده صنايعى اسمه طارق ممكن يركبهولك ويظبطة ويخليه تمام فى حدود السعر المذكور
فهل الكلام ده مظبوط؟؟؟؟ دى اول حاجه
تانى حاجه هوه كان عارض العربية على 18500 وانا خلصت معاه بالعافية على 17250 هل متوسط السعر بالنسبة للحاله كويس؟؟؟
اسمع طبعا ان قطع الغيار مش منتشرة بجانب انها غاليه شويه بالنسبة لباقى الماركات
لكن فى نفس الوقت اللى عجبنى انها فيها امكانيات كتير من اول الحجم لغاية سعة الموتور مرورا بالكماليات الاصليه اللى فيها بالاضافة الى ان قطع الغيار معمرة مش مستهلكة زى الفيات وانا ما قررتش انى اشتر ى الستروين بالذات الا بعد ما جمعت عنها معلومات وسألت ناس مجرباها واتعاملوا معاها عشان كده رسيت عليها بعد ما فكرت فى الفيات والبيجو
طبعا ماحدش عارف قيمتها غير اللى يركبها واللى بيشتغل فيها غير كده اى حد هيحكم عليها بالسمع انها وحشه ويحذر من اقتنائها لكن انا توكلت على الله واشتريت
معلش طولت عليكم لكن دى اول مره اشترى واركب عربية فى حياتى يعنى عندى جهل تام بكل ما يخص العربيات عموما والستروين خصوصا
اتمنى مساعدتكم واتوجيهاتكم ونصايحكم
وبإذن الله هقولكم على التطورات اول بأول عشان امشى معاكم صح
والف شكر ليكم مقدما

مبروك يا استاذ ايمن وان شاء الله تكون فاتحة خير عليك.....انا اتعاملت مع ايهاب جلال قبل كده هو راجل كويس في الستروين زيax,zx`واعتقد هيفيدك كتير في عربيتك.....وانا حاليا بتعامل مع مركز اوتوتك وهو مميز جدا بس معرفش بيتعامل في الax ,,ولا لا؟؟؟؟ممكن اسالهولك او حتي يفيدك بالنصيحه...وربنا يوفقك يارب

وعليكم السلام redredzone
وبشكرك لانك عبرتنى بأول مشاركة وان شاء الله مستنى نتيجة سؤالك عن الـ ax بالنسبة للمركز اللى حضرتك بتتعامل معاه

لانى محتاج اعمل checkعلى العربية كلها على سبيل الاهتمام
وشكرا مرة تانية

السلام عليكم
ايه اخبار العربية معاك يا بيه
اخوك معروض عليه وادة ax

1000 مبروك وربنا يباركلك فيها

ألف مبروك لحضرتك..وهى سيارة فوق الممتازة والكمبرسور موجود حضرتك فى الوكالة بحوالى 350 جنيه

الف كر ليكم كلكم يا جماعة
وان شاء الله هرفع الصور بتاعتها قريب
بالنسبة لسؤال الاخ سندباد لغاية دلوقتى الامور ماشية كويس بس بشرط انى لغاية دلوقتى مامشيتش بيها كتير غير مره واحده مع واحد قريبى بيعلمنى السواقة وازاى اطلع الطلعة الاولانية بس بعد كده اخدت 3 حصص تعليم فى مكتب والحمد لله استفدت كتير لكن اللى ركب العربية وجربها من الناس اللى فاهمة ماقالوش حاجه عليها خالص ولحد دلوقتى مافيش مشاكل والحمد لله بس برضه ناوى اشيك عليها قريب بعد مااتمكن من السواقة
ونصيحتى ليك توكل على الله اولا وثبت اختيارك للموديل ده وثانيا تقدر الحاله الحقيقية للعربية او على الاقل يكون معاك حد فاهم فى العربيات ومش مهم تكون غالية او رخيصة المهم السعر يناسب الحالة
ومبروك مقدما

مبروك العربية
ربنا يديك خيرها ويكفيك شرها