ان عندي فليشيا 98 باسمع ان ده موتور انجيكشن او ده كربراتير عاوز اعرف الفرق .....ياجماعة الخير.....شكرا مقدماً
عرض للطباعة
ان عندي فليشيا 98 باسمع ان ده موتور انجيكشن او ده كربراتير عاوز اعرف الفرق .....ياجماعة الخير.....شكرا مقدماً
الانجكشن يستخدم الحقن الالكتروني و بتلاقي ضفيره سلوك كده كبيره جايه من علي المكنه و رايحه تحت التابلوه ..
الكربراتير بيستخدم البخ العادي و ده بتفك العمه و تلاقي باب او اتنين (او اكتر) مافتوحين لفوق .. و عموماً فيه اختلافات كتيره بين هذه الانظمه حسب نوع العربيه .. و تقدر تستني حد يفهم في السكودا يجاوب عليك
الانجيكشن احدث و اقوى و بيوفر اكتر فى البنزين
طب الدايو لانوس 2008 انجنكشن ؟
ايوة الانوس 2008 انجيكشن و انجيكشن من اول ما نزلت كمان
الكاربراتير او المكربن هو وحدة لخلط الوقود بالهواء تعتمد على خاصية فيزيائية تسمى خاصية فينشورى وهى انخفاض صغط اى غاز عندما تزيد سرعته ولذلك يتم مرور الهواء من خلال اختناق تزيد فيه سرعته فيقل ضغطه وبالتالى يسحب قدر من البنزين الذى يمر من خلال ماسورة شعريك (بيك) الى اختناق الهواء
الى جانب هذة المنظومة يوجد فى الكاربراتير مجموعة مغذيات اخرى تقوم بإضافة البنزين الى الهواء فى ظروف مختلفة ، فيوجد ما يسمى مضخة التسارع وهى مضخة تكون إما على شكل مكبس فى حجم عقلة الإصبح، او رقاقة من الكاوتش (تسمى ديفراجمة او رداخ) وظيفتها دفع كمية اضافية من البنزين الى الهواء الداخل للمحرك عند كبس دواسة البنزين حتى تغطى احتياج المحرك لوقود اضافى للتسارع، ويوجد نظام آخر يغذى الكاربراتير بكمية بنزين عند الوقوف (ألسلانسيه )حتى لا يتوقف المحرك ، كما يوجد نظام ثالث لتغذية وقود اضافى عند التسخين صباحا (ألشفاط سواء اليدوى او الأوتوماتيكى) كما يوجد بالكاربراتير الصمام الذى يفتح ويغلق طريق الهواء وهو الذى نتحكم به بداوسة الوقود، كل ذلك يكون مجمه فى وحدة حجمها اكبر قليلا من حجم يديك مضمومتين الى بعضهما تسمى الكاربراتير وهى وحدة ميكانيكية بالكامل تعتمد على مجموعة من الخاوص الفيزيئاية لخلط الهواء بالوقود والتحكم فى سرعة المحرك
أما الحقن الإلكترونى فهو بديل إلكتروميكانيكى حديث، يعتمد على قراءة كل معاملات المحرك إلكترونيا من خلال قائمة طويلة من الحساسات( حساس لكمية الهواء، حساس لدرجة فتح بلف الهواء حساس للأكسجين فى العادم وقائمة طويلة من الحساسات تصب كلها فى وحدة معالجة مركزية الكترونية، تقوم هذة بدورها بتحديد قيمة الوقود التى يجب ضخها ، ويتم ضخ الكمية المقننة من خلال مجموعة من الرشاشات كل منها يخص سلندر من السلندرات ، كل رشاش منها عبارة عن محبس كهربائى (سولينويد) يصب فى بخاخ ضيق، تقوم طلمبة حقن الوقود التى توجد فى حالة الحقن الإلكترونى بداخل خزان البنزين بضغط البنزين الى مدخل الرشاشات (المسطرة ) وينفتح كل سولينويد ويغلق طبقا للمدة التى تحددها له وحدة المعالجة المركزية سامحا بالكمية المقننة للوقود بالدخول لهواء المكبس
حاليا نظام الكاربراتير على وشك الإنقراض ولم يعد متاحا فى السيارات الجديدة سوى فى بعض الموديلات ذات التصميم القديم مثل ال 128 والماروتى (حتى الشاهين واللادا حاليا تباعان بحقن الكترونى)
بالنسبة للانوس فكل موديلات اللانوس من يوم ما طلعت تعمل بالحقن الإلكترونى
كالعادة سبعاوى قتل الموضوع وتحولت جميع المشاركات من بعده إلى (الله ينور) و (شكراً يا هندسة) .... :)