ميتسوبيشى .....من high trade

**JapRuleZ** · 26-07-2010 02:36 PM

رحت ل high trade فى شارع الحجاز لقيت عنده شارك sport بس من غير spoiler قاللى دى خليجى 2009 و مفيش حد عنده 2010 و قالى الضمان معا الشركة فى مركز الخدمة بتاع المعرض 3 سنين .....
العربية زيرو بس مليانة خدوش و الراجل شكلو ميطمنش
و بعد موضوع الرواس الواحد حاسس ان زيو زى المعارض اللي بتبيع خليجى من غير ضمان و الواحد مستحرم يدفع دم قلبه و يبقى فيه احتمال و لو 1/100 يبقى فيه نصب
لو مكانى تعملو ايه ؟

**tefa666666** · 26-07-2010 04:16 PM

رايي الشخصى لحضرتك ..ابعد عن المعارض خالص فى الشرااااء..مش مضمون نهائيا...وانا ليا تجربه شخصيه مع احد المعارض بردو..وده اللى خللانى اروح اشتريها مصرى من الوكيل الرواس..

علشان كده رايي تشتريها من الرواس افضل..ومفيهاش اى قلق وسعرها منااااسب جدا فى الفترة الحاليه حتى لو التوكيل راح منه..اكيد شركه زى ميتسوبيشى شركه كبيرة وفى الايام القليله اللى جايه هيعلنو عن اسم الوكيل او الموزع الجديد ..وده بالتاكيد هيكون فى مصلحه المشترى لان الوكيل الجديد هيقدم افضل العروض من اجل جذب الانتباه من الشركه الام ميتسوبيشى..وده بالتاكيد فى مصلحتنا كعملاء

بس سؤال بسيط هو بيقول لحضرتك سعرها كام؟؟

**Ralliart** · 26-07-2010 05:03 PM

اشتري من التوكيل
وهو بيديك ضمان من الشركه الام مش من عنده
انما المعرض ممكن يديك ضمان ويقفل تاني يوم ومش هتاخد منه حاجه

**DrMax** · 26-07-2010 09:54 PM

المشاركة الأصلية كتبت بواسطة ralliart

اشتري من التوكيل
وهو بيديك ضمان من الشركه الام مش من عنده
انما المعرض ممكن يديك ضمان ويقفل تاني يوم ومش هتاخد منه حاجه

+111111111
الضمان مهم جدا الايام دى فى ظل المشاكل اللى بنسمع عنها فى الماركات المختلفة

**JapRuleZ** · 27-07-2010 01:18 AM

المشاركة الأصلية كتبت بواسطة tefa666666

رايي الشخصى لحضرتك ..ابعد عن المعارض خالص فى الشرااااء..مش مضمون نهائيا...وانا ليا تجربه شخصيه مع احد المعارض بردو..وده اللى خللانى اروح اشتريها مصرى من الوكيل الرواس..

علشان كده رايي تشتريها من الرواس افضل..ومفيهاش اى قلق وسعرها منااااسب جدا فى الفترة الحاليه حتى لو التوكيل راح منه..اكيد شركه زى ميتسوبيشى شركه كبيرة وفى الايام القليله اللى جايه هيعلنو عن اسم الوكيل او الموزع الجديد ..وده بالتاكيد هيكون فى مصلحه المشترى لان الوكيل الجديد هيقدم افضل العروض من اجل جذب الانتباه من الشركه الام ميتسوبيشى..وده بالتاكيد فى مصلحتنا كعملاء

بس سؤال بسيط هو بيقول لحضرتك سعرها كام؟؟

قاللى 128,000 جم ......قلتلو فى مشاكل مل خليجى ...... قالى يا بيه اللنسر كله خليجى اللى فى الشارع و التكيف بتاعها و راديتيرو العفشة .....انت عارف بقيت القصة