شكرا للمرور ياباشا
عرض للطباعة
شكرا للمرور ياباشا
تقرير مفيد وينقل تجارب حقيقيه
انا الحقيقه عندى تجربه شبيه بتجربتك مع نيسان صنى مو 1999 مشيت بيها 281 الف كم فى عشر سنوات بس لو فتحت فى موضوع زى ده ما اعتقدش حد حيجى له خلق يقرأه من كتر التفاصيل
المهم -- انت قمت بالواجب ووضحت نقط فى غايه الاهميه فى الواقع وهى :
اوعى تركب قطعه مهمه مش اصلى ( فلاتر - بوجيهات - سيور - جوانات - تيل )
راعى توقيت غيار الزيت بنوع تخليقى كل 10 الاف مع الاتزام الحرفى بكميه الزيت ( 2.75 ) لتر بالفلتر
فلتر الهواء اكيد بيعمل فرق شاسع
الفرامل هى حياتك -- ركب تيل اصلى واضبط الطنابير وضغط الهواء
اخير استمتع مع نيسان --- لغايه ما تزهق من العربيه بعد 10 سنين !
تقرير ممتاز يا استاذ وليد وبجد فى نصائح مهمه وحلول لبعض المشاكل اللى واجهتنا ويارب تفضل الجوهرة دى معاك على طووول لأنها عربية متتعوضش.
تقرير ممتاز تسلم ايدك
معلش انا عندى سؤال انا لسه شارى نيسان صنى 2010 و عملت صيانة الالف و غيرت زيت 10000 وكنت عاوز اعرف فى صيانة فى ال 5000 كيلو و لا على 10000 كيلو على طول و شكرا
كل 5000 كم صيانة
عقبال ال100000
مبروك استلام العربية
كل 5000 كيلو بتروح تعمل صيانة للعربية , ولكن الصيانات الاساسية
1000 - 10000-20000-30000-40000-50000 وهكذا , وممكن تطنش صيانة ال5000 فمش حتخرج من الضمان عادى لكن المهم اللى قولت لحضرتك عليها
نسيت اقول علي اهم حاجه بمناسبة الصيف بقي و الحر و كده
تاسعاً: فلتر التكييف
دا مهم اوي و لازم نجيبه مش هاتفرق اذا كان اصلي ولا عادي تايواني مثلا بس مهم
هو الاصلي كان الاعضاء قالوا انه ب 250-300 و التايواني ب 95 تقريبا هتلاقوا تفوات 10 جنيه ولا حاجه
المهم بقي الفلتر دا بيركب في علبه العلبه دي ورا درج التابلوه و فيها الفتحه اللي هيا بتجيب هوا من بره العربيه و العلبه دي بردوا فيها موتور و مروحه الموتور ده هتلاقي بيطلع صوت وحش اوي اوي اوي لما يتملي تراب لاني بمشي في حتة فيها عفره كتير و كده وفالتراب دا بيخش جوا العلبه دي حتي لو عامل ان الهوا يجيلك من جوه العربيه هتلاقي بقي لما تاخد مطب صوت مروحة التكييف اتغير و عمل صوت مزعج جدا فكنت لازم اقفل التكييف و اسيبه خمس ثواني مثلا المروحه دي تقف و بعدين اشغله تاني و الحل اني روحت للراجل بتاع التكييف و فكينا العلبه دي و نظفنها بالبنزين كويس و فاكينا الموتور دا و اتغسل بالنزين كويس بردوا و سيبناه لحد مانشف و بعدين بالهوا علشان نتاكد ان مافيهوش نقطة ميه و بعدين ركبنا الفلتر و الحمد لله بقالها 5 شهور اهي و مافيش صوت طلع تاني
الراجل بتاع التكييف لما روحتله اخر مره لاقيته جاب خرطوم الهوا و قعد يطلع التراب من سربنتينة التكييف اللي قدام فبقوله لييه كده قالي علشان التكييف يسقع كويس لانها بتتملي تراب كتير لانها في وش العربيه و ممكن تتكتم و العربيه يبقي التبريد بتاعها مش كويس فقالي كل تغييرة زيت مثلا ابقي اعملها
اكثر من رائع والله وعقبالنا لما نجيب اول الف ان شاء الله على خير
شكرا للافادة والشرح الوافى
تقرير رائع ومفيد .....شكرا لك على النصائح والتوصيات الغالية
بالنسبة لموضوع تغيير الزيت اعتقد ان من الافضل يتم بالتوكيل أثناء فترات الصيانة الدورية طالما في فترة الضمان