اسمحولى اشاركم تجربتى مع النيسان صنى:049:بعد102الف كم
الحمد لله مافيش اي مشاكل صعبة قابلتني في العربية دي لحد دلوقتي
كلها حاجات بسيطة هحاول اقولها كده في السريع علشان مطولش عليكوا
اولا : الصالون و ضيقه
البعض بيشتكي منه هو فعلا ضيق الكنبه اللي ورا و في السفر ماينفعش يبقي 3 راكبين ورا خالص هايبقي الموضوع متعب جدا لكن قدام القاعده مريحه مع الطول المناسب و الوزن المعقول للناس اللي قاعده قدام,
بالنسبه لنشوفيه الكراسي مش لاقي ليها حل للاسف:rfds:
ثانيا : رجلشة علبة الدريكسيون
و دي من اهم الحاجات اللي هاتوزن بيها العربيه في الاداء و العفشه و كل حاجه و الغرز علي سرعات عاليه لانها بتبقي واضحه اوي في السرعات ,وعلبة الدريكسيون تتم رجلشتها بطريقتين:
الطريقه الاولي:
عن طريق ميزان سوسته و يكون علي اربعه كيلوا هو المهندس سبعاوي اكرمه الله و ربنا يجزيه هو اللي كان قال عليه بس انا للاسف بقالي سنتين و نص و مش عارف اشوفه حتي مره واحده الميزان يعني و كان للمهندس سبعاوي بردوا موضوع هنا بالصور عن مكان الصاموله دي بردوا
الطريقه التانيه:
بقي ان تربط بالاحساس ازاي بقي تربط عادي و اول ما الصاموله تبتدي تتقل الصاموله معاك تفك السنه اللي تقلت فيها دي و خلاص علي كده
لكن لو ربطت جامد عليها هتلاقي العفشه بتدب معاك جامد و مش هاتبقي ماشي مبسوط
ثالثا : تربيط العشفه
مافيش حاجات بتفكك فيها بس يعني كل 10 الاف كده بشيك عليها
رابعا : قطع الغيار
تنبيه هام بخصوص قطع الغيار الغير اصلية:
فى نقطه مهمه اوي و لازم ناخد بالنا منها وهى اي قطعة غيار اصلي هاتفرق في كفاءة العربيه , وحتوفر معايا , حتى وان كانت غالية :eee: , وكمان ححافظ بكدا على كفاءة العربية على المستوى البعيد,
واليكم القصص والتجارب عن قطع الغيار الغير اصلية واللى حصل معايا:-:B4_556:
* تيل الفرامل وماحدث معى:
لازم يكون اصلي سواء امامي اوخلفي لانه اي تيل و بالاخص الفرنساوي ابو 140 جنيه دا لما بيسخن مش بيقفش كويس في العربيه و بالتالي هاتسمع صوت و ممكن لو حد وراك هايقولك ان التيل و الطنابير كانت محمره من الاحتكاك و الله شوفتها قدامي في تويوتا كرولا الشكل القديم بتفرمل علي مطب و الطنابير حمرا و متوهجه و العربيه ماقفشتش فرامل وانا بسافر كتير و بجري بالعربيه و ممكن اضرب فرامل وانا علي 140 و 160 الاول كانت بتسعفني والله كويس اوي لكن بعد التيل الاسباني دا ولا الهوا واخري فقط بسمع الصوت مش اكتر
*المساعدين الياباني (KYB)وما حدث معى:
حدث ولا حرج بقي جيبت الامامي ب 450 و جلدة التراب ب 15 الكلام ده من 4 شهور تقريبا بعد ماركبتهم بشهر اكلت مطب زي الفل وانا في طريق مصر اسكندريه الصحراوي امام شركه السكر والحته دي مكسره تكسير , المهم وانا ماشي علي 100 اكلت مطبين ورا بعض في الشمال رجعت للميكانيكي لاقينا المساعد اليمين بيجيب زيت و هما اصلا وحشين و مش هايقعدوا في العربيه وانا عارف بكده و لما روحت كشفت في الصيانه يوم الخميس اللي فات قالي انهم وحشين و عايز يغيرهم , وكل ده طبعا عشان مش اصلى
*السيور وماحدث معى:
لسه جديده وشريها من بره التوكيل و بعد مركبتها ظهر صوت عبارة عن ونه لما بتكون العربية سخنة ,
وطبعا انا ودني حساسه من الاصوات دي اوي وابويا مكنش سامع الصوت و لاحتي الميكانيكي ,
فاخدت الميكانيكي و دخلنا الجراج و قفلنا الباب علشان نركز ونسمع الصوت ده بيظهر منين ,وطلع الصوت جى من ناحية السيور فقولت لما اتاكد,فكبيت عليها شويه ميه الصوت رااح ,
المهم كلمت الاخ الفاضل ahmed.tv علشان يساعدنى ويكلم حد في توكيل السبع علشان العربيه تخش الصيانة على طول و هي سخنه والصوت ظاهر ,عشان لو اخدت دورها وبردت وجم يكشفوا عليها حيكون الصوت اختفى
وباذن الله اغيرهم ان شاء الله في التوكيل وابقا اقولكم على الاخبار
ودى كانت اهم تجاربى السيئة:fun_36_3_4[1]: مع قطع الغيار الغير اصلية :funny34d:
خامسا : تغيير الزيت
اكيد مش كلنا بنغيره في التوكيل ,وممكن نغيره في اي محطه بره , بس اهتم تمام بالمقياس الصح للزيت و هو 2.5 لتر من غير الفلتر و 2.75 بالفلتر لان الزيت الكتير ممكن ييجي على اي نقطه ضعيفه ويسيل وعلى اى حاجه و يقوم ضارب الدنيا , والكلام ده عن تجربه وحصل مع ابويا لما راح غير زيت لوحده و الراجل بتاع موبيل خليفة المامون حط الجيركن كله 4 لتر و مكنش مغير فلتر كمان كنا مسافرين وانا نسيت اسال ابويا عمل ايه في تغيرة الزيت واحنا متجهين الي الاسكتدريه نزلت اجيب حاجه من الشنطه في الريست ببص ملاقيتش بقية الجركن قولت بس يبقي ضحك علي ابويا و خدهم بقوله الراجل ضحك عليك و اخد بقيت الزيت قالي هو المفروض يبقي في باقي اصلا وقفنا لحد ما العربيه هديت خالص و فتحت الكابوت لاقيت الغطي بتاع الزيت مطلع زيت كتير و لاقيت العربيه فيها 1.4 زياده سحبتهم قبل ماكمل الطريق و الحمد لله انها جت علي اد غطي الزيت
سادسا : الكماليات
الفوانيس و الحاجات دي عادي مش فارقه تايواني ولا اصلي انا جيب فانوس شمال خلفي تايواني و مش فارقه خالص زيه زي الاصلي و نفس الاضاءه و مافيش اي اختلاف لحد دلوقتي و الحمد لله و جايبه من 6 شهور و العربيه منقوعه في الشمس طول اليوم
سابعا : الكاوتش
*النيتروجين وعلاقته بالعفشه
العربيه ادائها افضل لما نفخت العجل نيتروجين:U_thin1[1]:
و الباور نعم بعض الشئ و المطبات العربيه ارتاحت فيها اوي و انصح بيه اي حد انه يعمله بجد الفلوس فيه حلال و نفس الضغط العادي بتاع العربيه :10D5C8w1107:
*تظبيط الكاوتش عموما
الضغط بتاع الكاوتش مهم بردوا لانه بيظبط العربيه في المطبات و الباور و هو 32 عجل امامي و 29 عجل خلفي
*الترصيص
بتاع الكاوتش كان الباشمهندس سبعاوي قال ان افضل للعربيه انك ترصص الترصيص باستخدام جهاز بتتركب الكاوتشة عليه و يلفها كانك ماشي بالظبط ودا افضل لانه بياخد البوش بتاع العفشه كله وانا كنت رصصت قبل كده كذا مره بالعادي لما كان الكاوتش قديم و مانفعش
ثامنا : فلتر الهوا
مهم انه يتغير او يتنظف لانه اساسي في العربيه ياريت يتعمل مع كل تغيرة زيييييت لانه فعلا هاتحس بفرق لما يتنظف و بالذات وانت مشغل التكييف وفى السحب كمان واستهلاك البنزين
خبرتى فى النهاية
كل قطعة غيار تكون مهمة فى العربية يفضل لما تغيرها تكون اصلية :M_yes[1]: عشان ترتاح معاها وتشترى دماغك من وجع الدماغ ,والمرواح والمجى وعشان تحافظ على عربيتك
و ارجو ان المعلومات دى تكون مفيده بالذات للنيسانويه الجداد
و اسف للاطاله:colsmil: اصلهم 102 الف كيلو مش شويه و اكيد اللي حصل فيهم كتييييييييييييير
--------------------
موضوع ومجهود متميز من العضو
تم التثبيت لفترة
مشرف القسم
19 ب