عاجل لملاك الصنى!!!

**WalidAdel** · 30-07-2010 02:21 AM

ماشي يادكتره انا مع حضرتك في الكلام دا بس انا فعلا باشوف عربيات صني و هيا ماشيه و بلاحظ الموضوع دا و بيبقي واكلني الفضول اوي اني اعرف سببه ايه مش اكتر و عموما عموما انا من الناس دي اللي باخد بالي من ادق التفاصيل في العربيه و مش بحب حاجه زي كده تكون في عربيتي اقربها مش هاقول عربية حد تاني انا مثلا لما طاسه تقع من العربيه بشيل الباقي لحد ماجيب طاسه اصلي و لو ملاقتش مجيبش الصيني علشان هاتبقي شكلها مختلف او الخامات بمعني ادق حاجات من دي الوسواس بردوا بيعمل مشاكل
انا لما غيرت المساعدين ال kyb الفاشله دي روحت ارفع العربيه علشان اغسلها من تحت لاقيت عجله اليمين ورا نازل حوالي 3 سنتي عن العجله التانيه و هيا مرفوعه و لما نزلتها جيبت واحد قعدته ناحيه اليمين لاقيت العربيه مايله ناحية اليمين شويه فضلت وراها يومين لحد ماظبطها و طلع ان السوسته اليمين اخف من السوسته الشمال شويه علشان كل الي بيركب العربيه من ورا بيركبها ناحية اليمين علشان انا مرجع الكرسي حبا حلوين المهم خاليت الميكانيكي يفك المساعدين تاني و يقلبهم يعني يجيب اليمين شمال و الشمال يمين كل دا ليه علشان لما حد يركب ورا يمين ماتبقاش العربيه مايله يمين سنه
حوار كبير يعني بالنسبالي حاجه زي دي لكن في ناس معاها عادي الناس مش زي بعضها ياباشا

**د.أحمد السعيد** · 30-07-2010 11:08 PM

2 سم و الله
قست الفرق النهارده و لقيت اليمين اعلى من الشمال ب 2 سم

**mohamedhamam** · 31-07-2010 12:10 AM

الأفضل أن تذهب للتوكيل للفحص و الإفادة

**ChEKoOo** · 31-07-2010 02:23 AM

تهيئات عااااااادى جدا بتحصل بس شوف حكايه المساعدين

-----------------
ممنوع استخدام اللون الأحمر في الكتابة حيث أنه مخصص فقط للمداخلات الإدارية، تم تغيير لون الكتابة.

يرجى مراجعة قواعد المنتدى

12 pm

31-7-2010

مشرف القسم
19 ب

**د.أحمد السعيد** · 01-08-2010 10:02 PM

المشاركة الأصلية كتبت بواسطة mohamedhamam

الأفضل أن تذهب للتوكيل للفحص و الإفادة

اخيرا يا بشمهندس
دا انت و حشتنا خالص

**khaledmontero** · 02-08-2010 08:01 AM

الصراحة انا مستغرب من الموضوع ده .. بس انا مرة كنت فى التوكيل (بروتون طبعا) المهندس قاللى ان دايما الكوبلن أو المساعد اليمين بيبقى اطول من الشمال ( مش عارف ليه ) . ..؟؟
ياريت لو حد يعرف يقولى

**أحمد علاء** · 02-08-2010 09:10 AM

المشاركة الأصلية كتبت بواسطة khaledmontero

الصراحة انا مستغرب من الموضوع ده .. بس انا مرة كنت فى التوكيل (بروتون طبعا) المهندس قاللى ان دايما الكوبلن أو المساعد اليمين بيبقى اطول من الشمال ( مش عارف ليه ) . ..؟؟
ياريت لو حد يعرف يقولى

بخصوص الكوبلن فكلام المهندس سليم وده لأن الكوبلن هو موصل الحركة من كورونة الفيتيس إلى العجل الأمامي وبما ان المسافة بين مخرج الفيتيس يمين إلى العجلة اليمين مش قد المسافة من مخرج الفيتيس شمال غلى العجلة الشمال (لوضع الفيتيس عرضيا بالنسبة لحوض السيارة و تصميم الفيتيس نفسة ففعلا الكوبلن اليمين بيكون طولة غير الكوبلن الشمال.