فرامل الصني .. و المفاجأه الكبري!!!!

**atlas_u** · 04-09-2009 03:40 PM

اخواني الاعزاء:

انا انهاردة و بعد تقريبا سنه و نصف من امتلاك الصني اكتشفت اكتشاف غريب و عجيب علي الاقل لينا انا و بس

انا كنت بالعربية علي احدي نزلات الدائري و النزلة كانت وقفة جدا و انا قولت اعمل فيها الواد الموفر و ابطل العربية و انزل بالقصور الذاتي لحد ما المنزل يخلص اهة اوفر شوية بنزين (و أحد من تلوث هواء القاهره).....

وكانت المفاجأة المفزعة و الطامة الكبري و هي انو بعد كام فرملة كدة (اذ بي افاجئ) انو العربية ما فهاش فرامل لا هو مش كدة برضو دا باين ان العربية الدواسة بتاعه الفرامل(كلبشت) اصبحت ثابتة كالحجر (و ما بتدسش) يا لهوي هي الفرامل باظت و لا اية؟؟؟؟؟؟؟؟؟
و طبعا لحقت نفسي ع اخر لحظة بفرامل اليد قبل ما البس ف الغلبان ال قدامي.

و طبعا انا استغربت جدا العطل دا لان لو الفرامل باظت الدواسة كانت ها تداس ع الاخر و مش ها تديك عزم مش مش ها ترضي تداس اصلا؟؟!!!!!!!!!!!!!!

الحمد لله ربنا هداني اني اشغل العربية تاني و اجرب.

الفرامل بتشتغل بالكهربة يا جدعان يعني لو طفيت العربيه مش ها يبقي عندك فرامل يا لهوي يا لهوي

انا قولت الباور بس ال كدة

انا المره الوحيدة ال شوفت فيها دا كانت عربية رولز رويس وقولت دي ناس عاملة حساب كل حاجة بس بس دي صني

يا جماعة ارجو الافاده. هل دي تكنولوجيا جديدة في كل العربيات وانا مش عارف...؟؟
طب لو العربية فصلت كهربا و انا ماشي لاي سبب ... اموت انا؟؟؟
او هل دي مشكلة ف عربيتي بس و انا مش حاسس؟؟؟

الرجاء المساعدة

**MoToRiZeR** · 04-09-2009 03:47 PM

غريبة .. انا معرفش السبب بس متابع الموضوع .

**essamr** · 04-09-2009 08:24 PM

حضرتك هى مش شغالة كهربا لكن بتشتغل عن طريق شفط الهواء من
المنافول ولما بتكون مبطل الموتور بيكون مفيش شفط هواء كدة عادى
اى سيارة فراملها تعمل على سرفو بتعمل كدة
تقبل تحياتى

**Haitham10** · 04-09-2009 08:40 PM

اعتقد اللانسر نفس الموضوع شفته قبل كدة الباور والفرامل بيفصلوا
وفرامل حضرتك abs اكيد

**ezzatfox** · 04-09-2009 08:43 PM

دى حتى لو 128 حتعمل كدة . دى مش حاجة جديدة ... المفروض متبطلش العربية .. لو عايز تمشى بالقصور الذاتى مور العربية مش تبطلها .

**A.Saad** · 04-09-2009 09:58 PM

غلط انك تعمل كدة حتى لو العربية ممورة
لان الفرامل ممكن تسخن وتاثيرها يقل
وهتلاقى الكلام ده مكتوب فى الكتالوج بتاعها

**mahamedaraby** · 04-09-2009 11:14 PM

ياراجل ودى حاجه تعملها برضوا

انت لو عايز تنقى الهواء وتوفر البنزين مور العربيه بس مش اكتر من كده وسيب قوه الدفع تمشيها

بالنسبه لموضوع الفرامل ده ده موجود فى ال128 بتاعتى وفى اى عربيه ملهاش علاقه ب abs ولا حاجه وده ولا عيب عندك ولا حاجه

**atlas_u** · 05-09-2009 12:15 AM

المشاركة الأصلية كتبت بواسطة mahamedaraby

ياراجل ودى حاجه تعملها برضوا

انت لو عايز تنقى الهواء وتوفر البنزين مور العربيه بس مش اكتر من كده وسيب قوه الدفع تمشيها

بالنسبه لموضوع الفرامل ده ده موجود فى ال128 بتاعتى وفى اى عربيه ملهاش علاقه ب abs ولا حاجه وده ولا عيب عندك ولا حاجه

السلام عليكم

شكرا يا شباب ع الايضاح طمنتوني

بس يا جماعة انا معايا مازدا 626 موديل 1980 ما فهاش الموضوع دا وهي ياباني برضو

ع العموم العلم نور برضو و لو اني مش موافق ع التكنولوجيا دي خالص.....افرض حبيت ازق العربية يا جدع ..ما اعرفش اوقفها

**askar** · 05-09-2009 12:42 AM

الفرامل مش كهربا و لا حاجه ده بس زي ما فالو ده (السيرفو) و ده مهمته انو يخلي الدواسه خفيفة بس و ده بيكون و الموتور شغال و بعد دوستين تلاته لكن الفرامل هيدروليك عادي جدا و بتفضل شغاله بس بتكون الدواسه اللي تقيله و لما حضرتك تدوس جامد عادي هتفرمل
و علي حد علمي في الصني الدريكسيون مش كهربا (زى الميجان و الاكسنت و البيكانتو) و ده برضه مجرد مساعد كهربائى لكن برضه معتمد علي الهيدروليك, و الموتور مش شغال بيكون الدريكسيون تقيل اوى لكن شغال برضه
اطمن ده عادي

-

الموضوع: فرامل الصني .. و المفاجأه الكبري!!!!

LinkBack

أدوات الموضوع

عرض

فرامل الصني .. و المفاجأه الكبري!!!! - انشر الموضوع فى :

-

-

-

-

-

-

المواضيع المتشابهه

فرامل النيسان الصني العادية

فرامل الصني أنقذتني

فرامل التيدا و فرامل الصني ؟؟؟؟

فرامل وصالون الصني المحليه

الكلمات الدلالية لهذا الموضوع

المفضلات

المفضلات

ضوابط المشاركة