اشتريت فانوسين امامى للميجان.....

**youssefmegane** · 27-07-2010 02:04 AM

العربية عندى فوانيسها قدام كان شكلهم وحش قوى و كانوا مبوظين وش العربية فقلت اغيرهم.
المهم نزلت عند الوشاحى عندنا فى اسكندرية و سألت قاللى فيه نوع تايوانى الفانوس عامل 240 جنيه و فيه الفاليو الفرنساوى الاصلى مش اسبانى الواحد عامل 600.فقلتله عايز الاصلى انا مبحبش اركب اى حاجة غير الاصلى و فاصلت معاه اخدت الاتنين ب1100
المهم قلتله قبل مشترى اهم حاجة عايز حد يركبهم و يكون على ضمانتك.فكلم كهربائى قاللى انا بتعامل معاه على طول و وصاه و بعتنى ليه.بصراحة الراجل الكهربائى ده الموضوع مخدش فى ايده نص ساعة و كانت كل حاجة تمام.
العربية وشها فاق كده و بقى تمام.انا قلت ادخل و احكى اللى حصل علشان الناس اللى بتقول ان الميجان اى حاجة عايزة تتغير فيها لازم التوكيل لدرجة ان فيه واحد معرفة قاللى هيا عربيتك بتحطلها بنزين عادى و لا ليها حاجة مخصوص.طبعا انا من جوايا كنت هاموت على نفسى من الضحك فقولتله لأ يا راجل انا بحطلها بنزين طيارات بجيبه مخصوص من التوكيل اللتر الواحد ب10 جنيه دى ميجان يعنى مش اى عربية.
بصراحة الواحد بيبقى مبسوط انه راكب عربية ليها البرستيج ده كله قدام الناس.انا الناس ساعات بتحسسنى انى فعلا راكب مكوك فضاء مش عربية.و خللى الى بيطلع اشاعات يطلع.كفاية احساس التميز و انت سايق الميجان.
ولا ايه رأيكم؟؟؟؟؟؟؟

**blazer** · 27-07-2010 02:45 AM

هما الفوانيس ملهمش علاج
يعنى يتلمعوا و يتنضفوا ؟
عموما مبروك
انت برده ممكن تبيع اللى معاك عشان مبقاش لهم لازمه
مقلتليش بنزين الطيارات بتجيب انيو نوع :d:d

**youssefmegane** · 27-07-2010 04:11 AM

المشاركة الأصلية كتبت بواسطة blazer

هما الفوانيس ملهمش علاج
يعنى يتلمعوا و يتنضفوا ؟
عموما مبروك
انت برده ممكن تبيع اللى معاك عشان مبقاش لهم لازمه
مقلتليش بنزين الطيارات بتجيب انيو نوع :d:d

انا سألت و قالولى مش بيرجعوا زى الاول.و القدام انا فعلا بعتهم خلاص
نوع مخصوص للميجان بس طبعا و مش موجود غير فى التوكيل

**midohits** · 27-07-2010 07:31 AM

من رأي بدال كده كده كنت هتغير كنت تجيب الشكل الإسبور ، بيغير شكل العربيه جدا من قدام

**Sharky** · 27-07-2010 12:28 PM

الف مبروك يا باشا على الفوانيس الجديدة

**youssefmegane** · 27-07-2010 01:06 PM

المشاركة الأصلية كتبت بواسطة midohits

من رأي بدال كده كده كنت هتغير كنت تجيب الشكل الإسبور ، بيغير شكل العربيه جدا من قدام

انا بحب شكل العربية اللى نزلت بيه و ماليش قوى فى الحاجات الاسبور

**youssefmegane** · 27-07-2010 01:07 PM

المشاركة الأصلية كتبت بواسطة sharky

الف مبروك يا باشا على الفوانيس الجديدة

الله يبارك فيك يا باشا

**pioneerahmed** · 27-07-2010 01:34 PM

الف مبروك يا باشا تعيش و تغير

**blazer** · 27-07-2010 02:11 PM

المشاركة الأصلية كتبت بواسطة midohits

من رأي بدال كده كده كنت هتغير كنت تجيب الشكل الإسبور ، بيغير شكل العربيه جدا من قدام

اعتقد مبتبقاش بتدى نفس قوه الاضائه و فرشه وتوزيع النور على الطريق زى الفوانيس الاصليه بتاع العربيه

**ecybrarian** · 27-07-2010 02:28 PM

تخيل الناس مش عارفة موضوع بنزين الطيارات دا وفاكرين إننا بنحط بنزين عادي من بتاع المحطات
:-))))))))))

الموضوع: اشتريت فانوسين امامى للميجان.....

LinkBack

أدوات الموضوع

عرض

اشتريت فانوسين امامى للميجان..... - انشر الموضوع فى :

-

-

-

-

-

-

-

المواضيع المتشابهه

عايز أرد رفرف و اشتري فانوسين

فانوسين أمامى سيراتو 2008 جديد

مطلوب فانوسين فيكترا بي

عايز أشترى فانوسين أمامى للميجان2

صيانة ال 120000 +فانوسين = 3085 جنيه لانوس 2

الكلمات الدلالية لهذا الموضوع

المفضلات

المفضلات

ضوابط المشاركة