الموضوع: الكمبرسور بيسرب-التوكيل

ايه يا راجل المبلغ الفظيع ده انا لسا مغير الكمبيرسر بتاعى و عربيتى معملتش 40 الف علشان تعبان اوى و ملوش لزمه و غيرته بواحد يبانى و عدلت فى الممواسير و القعده بتاعته و اتشحنت كمبيوتر ب 1700

المشاركة الأصلية كتبت بواسطة silver_som3a

دلوقتي يا جماعه انا روحت التوكيل اكشف علي التكييف بقالو كتير ضعيف
المهندس قاللي الكمبرسربيسرب و حسبلي حسبه كده تدخلها ف 3 الاف!!!

فنا كنت حعمل طقم اصلاح بس عرفت انه مش بيعيش و ان المفروض اشتري كمبرسور استيراد

فانا محتاج اي نصيحه عن محل كويس اجيب منه او الاسععار او اي حاجه عشان انا مش عارف

*بره الموضوع:لما قلت للراجل انا ممكن اغير الرشاشات برشاشات حاجه تانيه(هيونداي مثلا)
قاللي فكره كويسه!!!!
هيا لو العربيه بتغيب في الدواره بس لو سبتها يومين ولا حاجه تدور من اول تكه و الاستهلاك مش اد كده

يبقي الرشاشات بتسيل و عايزه تتغير ولا ايه؟-

بسم الله الرحمن الرحيم
موضوع مهم جدا

اولاً الكمبريسور لما هيجي يسرب هيسرب من عند مواسير الدخل و الخرج بتوعه و ده بيكون سببه تلف في جوانات او الاويسيل الخاص بإحكام الوصله بين الكمبريسور و مواسير الفريون اللي رايحاله
انت هتروح تجيب الجونات دي هي على فكرة بتكون (حديد × كاوتش) بمعنى أن بيجي الاطار اللي بره حديد و الداخل بتعها كاوتش و هما عملين زي الربع جنيه المخروم كدا بس الفتحة اللي في النص اوسع كتير .. تمام ؟؟؟
طيب و هو فاكك بقا الكمبريسور بره هيجيب خرطوم الضغط بتاع الهوا و هيبتدي ينفخ في المواسير في اتجاه سير الفريون الصح مش في اي اتجاه و ده علشان الوساخة اللي في المواسير تطلع و كمان علشان يطلع الوساخة اللي جوة مواسير سربنتية التابلوه و كمان السربنتية الخارجية المسئولة عن تبريد الفريون
هتتركب الجوانات دي و تقفل عليها كويس .. و قبل ما فني المكيفات يشحن فريون علشان يجرب التسريب خليه يشحنه هوا الاول (علشان ما تدفعش فلوس في الارض يا مان) و بعد ما هيشحنه هوا هيجرب التسريب و العربية مطفيه يعني و المكيف طافي طبعاً ،،،،،، بس قبل الخطوة دي لازم يكون في الكمبريسور زيت الاول يعني المفروض يعبيه زيت كمبريسور و بعد ما يعبي و يركب الجوانات و يربط ،،،،،
1- هيجيب سفنجه مليانه ميه بصابون و يبتدي ينزل المية على المكان بتاع المواسير اللي خارجه من الكمبريسور المفروض ميسربش .
2- نفس الخطوة دي هتتعمل على فلتر الفريون الموجود في مقدمة العربية بعد سربنتينة المكيف - و دي بيكون شكلها عامل زي الكوباية الالومنيوم - هينزل عليها ماية بصابون و المفروض ماتسربش .
3- نفس الخطوتين دول على بلفين الشحن فيه مكانين و الاتنين تقريب على التوازي مع بعض بس واحد فوق جمب الكرتيرة و واحد معدي من تحت خرطوم الهوا بتاع وحدة الحرق .
كدا المفروض لو مافيش تسريب تشغل العربية و تشغل المكيف و يجرب نفس الخطواط في خلال 5 دقايق بس و المفروض مايكونش فيه تسريب
لو كله تمام يفضي الهوا كله من البلف و يبتدي يعبي فريون من نوعية جيدة

بالنسبة للكمبريسور المستورد مافيش منه مشاكل بس لازم قبل ما يركب يتنضف تمام ولما الراجل يفكهولك لازم الفتحتين اللي بيضخ منهم الفريون لازم يكونو مسدودين لحد ما تروح تركبه ولو حصل و دخل جواه الفتحتين تراب او رملة مزيته مكان الفك لازم تحاول تنضفهم كويس ... انا معرفش سعره كام استيراد

الجديد تقريبا تمنه 1350 جنيه انا لسه سأل على تمنه من شهر تقريباً

اهم حاجة و دي انا قلتها قبل كدا مليووووون مرة في كذا موضوع ( هتركب جديد هتركب استيراد) لازم لااااااااازم تغير فلتر الفريون الالومنيوم اللي شبه الكبايه بواحد جديد نوفي و تمن الفلتر من 150 - 175 ج .. متنضفهوش ولا تحاول تركب واحد تاني مستعمل نضيف
ركب واحد جديد

لان الكوباية دي وظيفتها تنظيف الكمبريسور عن طريق الفريون من الرايش اللي بيخرج نتيجة احتكاك بساتم الكمبريسور او كباس الفريون ، فلو انت ركبت الكمبريسور المستعمل او حتى الجديد مش هيعيش معاك كتير يا باشا و هيجيم (هيقفل منك و البكره بتاعته مش هتلف مع الموتور) يعني هيقفش منك وقتي و ترجع تندم

الله ينور يا استاذ صلاح

المشاركة الأصلية كتبت بواسطة ahmadaly1999

الله ينور يا استاذ صلاح

الله ينور عليك يا باشا و انا في الخدمة دايماً






سبحانك اللهم وبحمدك ، أشهد أن لا إله إلا أنت أستغفرك وأتوب إليك

هيا لو العربيه بتغيب في الدواره بس لو سبتها يومين ولا حاجه تدور من اول تكه و الاستهلاك مش اد كده

يبقي الرشاشات بتسيل و عايزه تتغير ولا ايه؟-

ايوه...

حضرتك روح لمتخصص تكييف حيضبطهولك وفك من التوكيل دا
الحمد لله الانوس مش محتاجة توكيلات الكل بيصلحها
لو الكمبروسر مش نافع ها واحد أستيراد كورى بكلام فاضى مش تقولى 3000