بجد حزين ..... البيرسونا زى نجمات السيما

:I_angr1[1]:بصراحة فكرت كتير اشترى بيرسونا وسألت عن الأسعار ووصلت إلى سعر 90 ألف للموديل 2010 لكن بصراحة وقفنى ملاحظات الأعضاء عن الدهان الخفيف اللى بيطلع من أقل حكة حتى ولو بالظافر، علاوة على العيب الخطير بالنسبة لى والمتمثل فى الفرامل واللى تقريباً معظم الأعضاء أشاروا إلى أنها غير مريحة وبتحتاج تيل باستمرار غالى ومش سهل وجوده، وأخيراً التوكيل والمعاملة السيئة اللى فيه.

دول أهم ثلاث عيوب خلونى أصرف نظر عنها واتجه إلى النيسان سوبر صالون، دهان كويس، فرامل معقولة، توكيل هايل أنا شفت معاملته فى صيانة عربية واحد قريبى، يبقى ليه الواحد يجازف فى عربية تحرق دمه وتضيع وقته وفى الأخر يفضل يقول دى عيوب بسيطة بالنسبة للمميزات اللى فيها؛ فين بقه الممزات دى أنا عايز أفهم.

بجد حزين البيرسونا عاملة زى نجمات السيما الواحد يشوفها فى الشارع ممكن يعجب بمنظرها أو تلفت نظره بس لا يمكن أفكر اشتريها أو ارتبط بيها

رجاء محدش يزعل منى أنا معيبتش فى حد ده مجرد رأى فى عربية عجبتنى وبعدين صُدمت فى عيوبها البسيطة التى لا تقارن بمزاياها.:I_angr1[1]:

ربنا يبارك لحضرتك في عربيتك ويكفيك شرها واحنا مبسوطين من عربياتنا وهي مش زي مانت قلت خالص

مع احترامي للناس الموجودة اللي قالتلك
1 - ان الدهان خفيف وبيطلع بالاظافر .. فالكلام دا مش صحيح ومش منطقي بالمرة .. وتقدر تروح اي معرض لبروتون وتشوف الدهان وجودته بنفسك .. من وجهة نظري انه زيه زي أي عربية تانية وطبيعي
2 - الفرامل .. للاسف مع احترامي لناس كتيرة في المنتدى مش على وعي تام بالمعنى الحرفي لـ abs .. بالاضافة الى ان قليل من اللي قالوا اراؤهم فعلا جربوا الفرامل لفترة طويلة .. الفرامل محتاجة فقط معرفة اليتها ليس اكثر ولا اقل .. مع العلم انها قوية + مسعفة + على قد ما بتحط رجلك على الدواسة على قد ما بتوقفلك بالقدر اللي انت طالبه
3 - التوكيل افضل السيئين .. انت في مصر كل التوكيلات سيئة للاسف

اتمنى تعيد النظر مرة أخرى لان التجربة تستاهل .. وربنا يوفقك لما فيه الخير

حضرتك فعلا خلاص اشتريت و لا بس قررت و لسه ما اشتريتش؟؟؟؟؟؟؟؟؟؟؟؟؟؟؟
بالنسبة لل 3 عيوب اللى ذكرتها فده ردنا عليها و احنا من ملاكها:
أولا الدهان: مش مشكلة عامة و تكاد تكون فردية يعنى أنا عن نفسى مثلا ما قابلتنيش خالص ده غير إن مع احترامى للجميع فى بعض الناس زاطت فى الموضوع ده و بالغت شوية زى اللى قال إنه كان بينشف بالفوطة و الدهان طلع و الحاجات الغريبة دى.
ثانيا بالنسبة للفرامل: و الحقية أنا رديت فيها قبل كده مشكلتها نسبية بمعنى إن تعودك على فرامل تانية أقوى منها هتخلليك تحسها مش حلوة إنما حد زيى مثلا كان راكب سويفت و ريتمو أنا شايفها ممتازة و لا مشوارها طويل و لا حاجة و حتى مقارنة باللانوس بتاعة أختى دلوقتى إنما أتحداك إذا كان حد اتكلم على كفائتها أو فعاليتها.
ثالثا التوكيل: أنا مش هنكر إن حسب كلام أعضاء نيسان إن توكيل نيسان أفضل بكتير بس توكيل عز مش زبالة يعنى مبدئيا أفضل من غبور و من منصور ده غير إنه حقيقى بيتحسن و أنا نفسى شايف الكلام ده بعينى و حضرتك ممكن تدور فى مواضيعى و تشوف الفرق بين ال3 صيانات اللى عملتهم فى التوكيل و تقييمى ليه بعد كل صيانة.
أما عن مزاياها اللى ما تقارنش بعيوبها فأولها الشكل الوهمى اللى انت ما أنكرتوش و بعدين ماشاء الله صاجها قوى جدا و جربته فى أكتر من حادثة ربنا يحفظك إن شاء الله و موتور خرافى فى سحبه و قوته و ثبات وهمى ماشاء الله و قدرة تحكم عالية ده غير ال abs و الepd و الباركينج سينسورز و المالتى فنكشن و تكييفها الجميل و عفشتها القوية اللى تستحمل طرقنا الجميلة و الساوند سيستم الرائع و مساحة الشنطة اللى أكبر من النيسان ده غير إن الكنبة قابلة للطى.
أتمنى أكون قدرت أوصللك وجهة نظر الأعضاء اللى شايفين مميزاتها أعلى من عيوبها و ربنا يوفقك و يكرمك للى فيه الخير بالنسبة لك و يباركلك فى عربيتك الجديدة أيا كان نوعها و المهم أكيد راحتك النفسية و اقتناعك و انت بتجيبها.

كلام غريب مش حقدر اعلق علية لانة كلة مغالطات مع احترامى لكلام حضرتك بوية اية اللى بتطلع بالضافر انا راشش اسمنت على العربية ربنا يوفقك والنيسان حتعرفك مع الوقت معنى البيرسونا الحقيقى

بجد يا جماعه موضوع الفرامل ده اللي عمالين تهمشوه وتقولوا هيه كده .. وناس تقارن باللانوس وحاجات قديمه .. الكلام ده مش منطقي

ومينفعش شركه تعمل موتور جبار زي ما الناس بتقول عليه وبتجري جري رهيب .. وبعدين متلقيش فرامل توقفه Power without control is Nothing

وأفتكر إن الموضوع ده ليه علاج زي ما أشار ليه أحد الأعضاء هنا وعمل تعديل في نظام الفرامل وبقي بيقول بقت ع الشعره وشأنها شأن العربيات الجديده

يعني برده ده كلام .. معقول شركه كبيره بتصنع العربيات مش عارفه تعمل الموضوع ده ... !!!

اقتباس:

---

المشاركة الأصلية كتبت بواسطة mido_soliman

والنيسان حتعرفك مع الوقت معنى البيرسونا الحقيقى

---

:S_thum1[1]::M_yes[1]::M_yes[1]::M_yes[1]::S_thum1[1]:

اقتباس:

---

المشاركة الأصلية كتبت بواسطة أبومريم

ربنا يبارك لحضرتك في عربيتك ويكفيك شرها واحنا مبسوطين من عربياتنا وهي مش زي مانت قلت خالص

---

+11

الف الف مبروك على النيسان وربنا يباركلك فيها يارب وتفضل دايما مبسوط منها

اقتباس:

---

المشاركة الأصلية كتبت بواسطة fadynabil

بجد يا جماعه موضوع الفرامل ده اللي عمالين تهمشوه وتقولوا هيه كده .. وناس تقارن باللانوس وحاجات قديمه .. الكلام ده مش منطقي

ومينفعش شركه تعمل موتور جبار زي ما الناس بتقول عليه وبتجري جري رهيب .. وبعدين متلقيش فرامل توقفه Power without control is Nothing

وأفتكر إن الموضوع ده ليه علاج زي ما أشار ليه أحد الأعضاء هنا وعمل تعديل في نظام الفرامل وبقي بيقول بقت ع الشعره وشأنها شأن العربيات الجديده

يعني برده ده كلام .. معقول شركه كبيره بتصنع العربيات مش عارفه تعمل الموضوع ده ... !!!

---

مش حضرتك اللى جربت عربيتى ؟؟؟؟؟

انا اللى كان عندى مشكله فى دواسة الفرامل , وضبطها فى التوكيل الحمد لله :E_braces[1]:

ويامعلم مش عشان ركبت عربيه واحده يبقى كله زى بعضه !!! , اهو انا اللى طلع عندى حاجه عاوزه تتضبط


ويامعلم ماحدش هنا بيهمش حاجه , دانت حتى واحد معانا بقالك فتره ومتابعنا

اقتباس:

---

المشاركة الأصلية كتبت بواسطة fadynabil

بجد يا جماعه موضوع الفرامل ده اللي عمالين تهمشوه وتقولوا هيه كده .. وناس تقارن باللانوس وحاجات قديمه .. الكلام ده مش منطقي

ومينفعش شركه تعمل موتور جبار زي ما الناس بتقول عليه وبتجري جري رهيب .. وبعدين متلقيش فرامل توقفه power without control is nothing

وأفتكر إن الموضوع ده ليه علاج زي ما أشار ليه أحد الأعضاء هنا وعمل تعديل في نظام الفرامل وبقي بيقول بقت ع الشعره وشأنها شأن العربيات الجديده

يعني برده ده كلام .. معقول شركه كبيره بتصنع العربيات مش عارفه تعمل الموضوع ده ... !!!

---

يا باشا من فضلك
نهمش ازاي مش فاهم حضرتك
لانوس ايه اللي بنقارن بيها مع احترامي لاصحاب اللانوس؟
الفرامل طبيعية 100% ومفيش اي تهميش لاي شيء ولو حد عنده حاجة في الفرامل ياريت يقولنا
وشركة بروتون شركة كبيرة وفراملها فرامل بوش الماني ودي من اكبر الشركات
واتمنى نضع حد للمهزلة اللي كل شوية واحد يطلع يطلعلي عيب غريب

ربنا يبارلك في النيسان والاتنين نفس الفئة السعرية وقريبين في الامكنيات

اقتباس:

---

المشاركة الأصلية كتبت بواسطة Ayman_52

مش حضرتك اللى جربت عربيتى ؟؟؟؟؟

انا اللى كان عندى مشكله فى دواسة الفرامل , وضبطها فى التوكيل الحمد لله :E_braces[1]:

ويامعلم مش عشان ركبت عربيه واحده يبقى كله زى بعضه !!! , اهو انا اللى طلع عندى حاجه عاوزه تتضبط


ويامعلم ماحدش هنا بيهمش حاجه , دانت حتى واحد معانا بقالك فتره ومتابعنا

---

.. أيمن باشا :E_braces[1]: أنا أولا بشكرك ع التجربه الجميله دي .. وأنت عارف إني كنت مستمتع

وأنا قلت كل ملاحظاتي في موضوع مختلف .. بس الفكره إن الناس بقت بتشكي كتييير من موضوع الفرامل وأنا نقلت تجربتي بحياديه وقلت برده أنا مش هقول حكم نهائي لأن تجربتي إتحصرت في نص ساعه .. مش أكيد هتبقي زي حد معاه العربيه

ولكني زي مقولت قبل كده إني بقارن بحاحات تانيه بسوقها ,, وعلي فكره أنا بهاجم الموضوع ده عشان مازلت بحب العربيه ومقتنع بيها .. بس نفسي الحاجات العبيطه اللي موجوده في العربيه كلها تتحل ،، ساعتها العربيه دي هتكتسح السوق بجد .

لأننا دايما بنبص للأحسن ونقارن بيه عشان نرفع مستوي التنافس والجوده .. مش هقارن بحاجات أقل

توكيل نيسان كويس!!!!
دي أغرب حاجه سمعتها في حياتي مودرن موتورز أسوأ توكيل في مصر وعن تجربه تعامل في حادثة سيارة أخي الا لو هاتتعامل مع السبع ناس محترمه

اقتباس:

---

المشاركة الأصلية كتبت بواسطة prohossam

يا باشا من فضلك
نهمش ازاي مش فاهم حضرتك
لانوس ايه اللي بنقارن بيها مع احترامي لاصحاب اللانوس؟
الفرامل طبيعية 100% ومفيش اي تهميش لاي شيء ولو حد عنده حاجة في الفرامل ياريت يقولنا
وشركة بروتون شركة كبيرة وفراملها فرامل بوش الماني ودي من اكبر الشركات
واتمنى نضع حد للمهزلة اللي كل شوية واحد يطلع يطلعلي عيب غريب

---

أولا شكراً لحضرتك علي إهتمامك بالموضوع ..

ثانيا أنا مش بيجيب كلام من عندي وأفتكر حضرتك لو متابع المواضيع اللي في المنتدي هتلاقي إن ناس كتيير بتشكي من الفرامل
,, وفي ناس عمات تعديلات علي الفرامل وخليتها ع الشعر مش زي ما معظم الناس بتشكي من طول مشوار الدواسه

وكمان في أعضاء هنا من كبار أعمدة بروتون زي أستاذ توت كان بيتكلم في النقطه دي وقال إن فرامل المويلات القديمه 2006 و2007 كانت أفضل من 2010 وبالذات الأوتو

ثالثاً أنا شخصيا سقت العربيه وكان ليا تعليق علي الموضوع ده ووصفته بأن في أولها بتدوس دوسه بتهدي العربيه ولكن في الأخر بتبقي فعاله جداً .. وقلت برده إنها عاوزه تعود وقلت إن أصحاب العربيه هما اللي يقدروا يحكموا في الموضوع ده
وعلي فكره العربيه اللي سقتها صاحبها لسه قايلي إني ظبط موضوع الدواسه ده

رابعاً وده الأهم أني شخصيا مقتنع بالعربيه وناوي أشتريها وكنت لسه بقرر القرار النهائي بس بسبب شوية حيره وبحث في المواضيع دي قولت أ أجل شويه حتي يمكن ألحق موديل السنه الجديده

وده موضوع http://www.nilemotors.net/Nile/166229-2.html] ياريت تقرأ كويس المداخلات اللي فيه وهتفهم معني كلامي كويس

وبعدين أنا بهاجم عيب معين مش معناه إني بقول أي كلام وأطلع أشاعات .. ولكن معناه إني بشوف المشكله فين وأطرحها علشان تبقي مجرد حاجة مهمشه

وأفتكر المنتدي قام بدور رهيييييب في تلاشي ومعرفه عيوب كتيير في العربيه وأصبحت مهمشه زي موضوع أصوات تسريب الهواء وصوت تزييق قفل الكنبه .. ووضع الحلول كمان

وكمان موضوع الفرامل زي ماقولت برده إني في عضو فاضل معانا حل الموضوع ده ,, وهوه ده فايده المنتدي و شكراً لسعة صدرك :E_braces[1]:

وعلي فكره لو الموضوع ده خد حقه مع التوكيل وأتعمل التعديل ده علي كل العربيات .. ساعتها محدش هيشتكي منه خالص .. وساعتها مش هتلاقي حد ساب بيرسونا أو جين ٢ وراح أشتي نيسان صني بسبب إنه مش عاجباه الفرامل زي صاحب الموضوع ..

يا جماعة العيوب دى اللى قال عليها أصحاب السيارة نفسها واللى سايقينها مش من عندى، يعنى البوية الخفيفة، والفرامل المؤسفة، والتوكيل المذل، كل ده تقريباً خلاصة موضوعات الأعضاء وكلها بتركز على محاولة حل تلك العيوب أو وصفها بأنها نسبية وبسيطة بالنسبة لمميزات العربية الرهيبة والكتيرة ــ ده على حسب وصف معظم الأعضاء ـــ يعنى برضه الكلام أو العيوب مش من عندى ومش أنا اللى جبتها وفعلاً يا ريت النيسان تعرفنى معنى البيرسونا وقيمتها ساعتها ده حيبقى أحلى اختيار خطأ فى حياتى.

وبعدين يا ريت حضرتك تقرأ ردود الأعضاء على موضوع الفرامل ده وانت تعرف أنه موضوع مش بسيط زى ما حضرتك بتقول

وأخيراً أنا عايز أسأل هل الabs بتاع شركة بوش الألمانى يختلف عن abs الشركات الأخرى وليه فرامل البيرسونا بتشتغل بطريقة مختلفة عن السيارات الأخرى ولو الطريقة مختلفة تبقى الفرامل أقوى أم أضعف يعنى لو فيه احتمال أن أدوس فرامل فى أى وقت وما ألاقيش فرامل أو العربية تزحف بالـ abs بتاع شركة بوش الألمانية متهيألى يبقى فعلاً محتاج النيسان تعرفنى معنى وقيمة البيرسونا

مع احترامى لكل الردود ... مافتكرش ابدا ان البروتون ممكن تزحف ابدا .. وشكرا

ثانيا بالنسبة للفرامل: و الحقية أنا رديت فيها قبل كده مشكلتها نسبية بمعنى إن تعودك على فرامل تانية أقوى منها هتخلليك تحسها مش حلوة إنما حد زيى مثلا كان راكب سويفت و ريتمو أنا شايفها ممتازة و لا مشوارها طويل و لا حاجة و حتى مقارنة باللانوس بتاعة أختى دلوقتى إنما أتحداك إذا كان حد اتكلم على كفائتها أو فعاليتها.


ياباشا فيه واحد فعلاً شكك فى كفاءة الفرامل ولبس فى ميكروباص فى رمسيس، وبعدين فعلاً شكوى الأعضاء من كفاءة الفرامل ومن فاعليتها، مش من طول مشوار الدواسة.

وبعدين حتى طول مشوار الدواسة ده ممكن يبقى عيب يعنى مش من المميزات العديدة

أنا نفسى الصناعة الإسلامية تبقى أحسن صناعة فى الدنيا بس بجد مصدوم من اللى قريته عن الفرامل خلانى أفكر أكثر من مرة قبل ما أخطو تلك الخطوة، وبالتوفيق للجميع

اقتباس:

---

المشاركة الأصلية كتبت بواسطة harizy

يا جماعة العيوب دى اللى قال عليها أصحاب السيارة نفسها واللى سايقينها مش من عندى، يعنى البوية الخفيفة، والفرامل المؤسفة، والتوكيل المذل، كل ده تقريباً خلاصة موضوعات الأعضاء وكلها بتركز على محاولة حل تلك العيوب أو وصفها بأنها نسبية وبسيطة بالنسبة لمميزات العربية الرهيبة والكتيرة ــ ده على حسب وصف معظم الأعضاء ـــ يعنى برضه الكلام أو العيوب مش من عندى ومش أنا اللى جبتها وفعلاً يا ريت النيسان تعرفنى معنى البيرسونا وقيمتها ساعتها ده حيبقى أحلى اختيار خطأ فى حياتى.

وبعدين يا ريت حضرتك تقرأ ردود الأعضاء على موضوع الفرامل ده وانت تعرف أنه موضوع مش بسيط زى ما حضرتك بتقول

وأخيراً أنا عايز أسأل هل الabs بتاع شركة بوش الألمانى يختلف عن abs الشركات الأخرى وليه فرامل البيرسونا بتشتغل بطريقة مختلفة عن السيارات الأخرى ولو الطريقة مختلفة تبقى الفرامل أقوى أم أضعف يعنى لو فيه احتمال أن أدوس فرامل فى أى وقت وما ألاقيش فرامل أو العربية تزحف بالـ abs بتاع شركة بوش الألمانية متهيألى يبقى فعلاً محتاج النيسان تعرفنى معنى وقيمة البيرسونا

---

اولا موضوع الدهان انا من الناس الي بتشتكي بس مش ان الدهان بيطلع بالضفر !!! لا دا من الحكات و مش اي حكه كمان بتشيله يعني لو قيمته هديله 75% بس مش مونوكير هو :36_1_1[1]:

التوكيل والله مش بشع زي مالناس مصوراه انا صحابي طالع عنيهم مع منصور و غبور و ابو الفتوح علي الاقل التوكيل بيتحسن و بنقابل المالزيين بنفسنا و بنعمل ايفنتات بيحضرها ناس من التوكيل بيسمعونا الكلام دا عمره محصل غير في بروتون

الفرامل يا رجاله احنا مش ركبيين تكاتك ايوه الفرامل مشوارها طويل بس كلنا اتاقلمنا عليها و بتسعفني في مواقف كتييييير جدا هي مش زي العربيات التانيه
بس مثلا انا سوقت اوبترا بتاعت زميلي في الشغل كتييير لو ضربت فرامل بلزق في الدركسيون بس صباح الزحف علي الرمل لاكن الجين2 عمرها ما بتزحف

ياريت المقارنه تبقي عقلانيه و عن تجربه

و مبروك عليك النيسان

اقتباس:

---

المشاركة الأصلية كتبت بواسطة khaledmontero

مع احترامى لكل الردود ... مافتكرش ابدا ان البروتون ممكن تزحف ابدا .. وشكرا

---

+11111111111111111

اقتباس:

---

المشاركة الأصلية كتبت بواسطة harizy

ثانيا بالنسبة للفرامل: و الحقية أنا رديت فيها قبل كده مشكلتها نسبية بمعنى إن تعودك على فرامل تانية أقوى منها هتخلليك تحسها مش حلوة إنما حد زيى مثلا كان راكب سويفت و ريتمو أنا شايفها ممتازة و لا مشوارها طويل و لا حاجة و حتى مقارنة باللانوس بتاعة أختى دلوقتى إنما أتحداك إذا كان حد اتكلم على كفائتها أو فعاليتها.


ياباشا فيه واحد فعلاً شكك فى كفاءة الفرامل ولبس فى ميكروباص فى رمسيس، وبعدين فعلاً شكوى الأعضاء من كفاءة الفرامل ومن فاعليتها، مش من طول مشوار الدواسة.

وبعدين حتى طول مشوار الدواسة ده ممكن يبقى عيب يعنى مش من المميزات العديدة

أنا نفسى الصناعة الإسلامية تبقى أحسن صناعة فى الدنيا بس بجد مصدوم من اللى قريته عن الفرامل خلانى أفكر أكثر من مرة قبل ما أخطو تلك الخطوة، وبالتوفيق للجميع

---

لو حضرتك تابعت هتلاقي الي عمل الحادثه راح التوكيل و سحبوله هوا من الفرامل

دخول الهوا في دوره زيت الفرامل بتؤثر علي الفرامل و دا بيحصل في اي عربيه في الدنيا

انا مش بدافع دفاع اعمي بس فعلا الفرامل في بروتون مش فرامل تكتك

اقتباس:

---

المشاركة الأصلية كتبت بواسطة أبومريم

ربنا يبارك لحضرتك في عربيتك ويكفيك شرها واحنا مبسوطين من عربياتنا وهي مش زي مانت قلت خالص

---

يا باشا والله مش كلامى ده كلام باقى الأعضاء مالكى السيارة، أنا ما جبتش حاجة من عندى غير أنى لقيت الشكاوى متكررة بالنسبة للثلاث موضوعات دول وخصوصاً الفرامل.

كمان لفت نظرى أن الردود كلها اعتبرت أن دى عيوب فردية أو نسبية أو يمكن التغاضى عنها بالنسبة للمميزات الكتيرة يعنى فعلاً العيوب منتشرة بس كله بيدارى عليها مش عارف ليه

ماشي يا باشا مبروك النيسان
البروتون كخ النيسان دح

مساء الفل على كل الاعضاء بعد كل الكلام اللى اتقال بس البرسونا لا تقارن باى عربية فى فئتها وكمان مش حقول مميزات ولا اى حاجة حقول لصاحب الموضوع مبروك النيسان ودى اراء واظن البروتانوية كلهم مبسوطين بردة بعربيتهم

أنا الحمد لله من أوائل ملاك الجين-2 في مصر إستلمت عربيتي في سبتمبر 2006 يعني بقالها معايا 3 سنوات و 11 شهر وعامل بيها 95500 كيلو ..... أنا بأشكر ربنا على العربية دي ولو كانت البروتون عربية سيئة أو فراملها ضعيفة أو دهانها بيقشر أو توكيلها سيء أكيد ما كنتش حأشتري بروتون ساجا لأختي و أوقع نفسي في عربيتين بروتون و ألبس في التوكيل اللي بيتقال عليه وحش ... والله التوكيل يوم عن يوم بيتحسن .... أنتم ما حضرتوش زمان لما كان التوكيل ده عبارة عن ورشة واحدة فقط بها 3 روافع وكانت الطاقة الإستيعابية للتوكيل 15 عربية في اليوم ومافيش حجز مسبق وكان لازم تروح بعربيتك تقف في الطابور من الساعة 6 الصبح علشان تلحق موعد صيانة ..... وماكانش في إستراحة ولا أي حاجة .... دلوقتي بقى في حجز مسبق و إستراحة مكيفة ونضيفة والطاقة الإستيعابية زادت ... يعني في تحسن وده اللي شجعنا نجيب الساجا ..... عموما كل واحد مبسوط بعربيته ... مبروك عليك النيسان ومبروك علينا البروتون

يا جماعة أنا مش عارف الناس اللي بتقول كفاية الفرامل تعبانة ديه, إزاي الكلام ده.

يعني لو قلنا مشوارها طويل آه معاك مع إني متعود من اللانوس على نفس الموضوع ده فـمش حاسه أصلا.

إنما تعالى جرب دوس فرامل جامد في الجين هتقف بسرعة جدا ومن غير زحف...واللهِ عن تجربة كذا مرة الفرامل ما شاء الله أكتر من ممتازة.

اقتباس:

---

المشاركة الأصلية كتبت بواسطة harizy

ثانيا بالنسبة للفرامل: و الحقية أنا رديت فيها قبل كده مشكلتها نسبية بمعنى إن تعودك على فرامل تانية أقوى منها هتخلليك تحسها مش حلوة إنما حد زيى مثلا كان راكب سويفت و ريتمو أنا شايفها ممتازة و لا مشوارها طويل و لا حاجة و حتى مقارنة باللانوس بتاعة أختى دلوقتى إنما أتحداك إذا كان حد اتكلم على كفائتها أو فعاليتها.


ياباشا فيه واحد فعلاً شكك فى كفاءة الفرامل ولبس فى ميكروباص فى رمسيس، وبعدين فعلاً شكوى الأعضاء من كفاءة الفرامل ومن فاعليتها، مش من طول مشوار الدواسة.

وبعدين حتى طول مشوار الدواسة ده ممكن يبقى عيب يعنى مش من المميزات العديدة

أنا نفسى الصناعة الإسلامية تبقى أحسن صناعة فى الدنيا بس بجد مصدوم من اللى قريته عن الفرامل خلانى أفكر أكثر من مرة قبل ما أخطو تلك الخطوة، وبالتوفيق للجميع

---

اقتباس:

---

المشاركة الأصلية كتبت بواسطة ahmed.ali

لو حضرتك تابعت هتلاقي الي عمل الحادثه راح التوكيل و سحبوله هوا من الفرامل

دخول الهوا في دوره زيت الفرامل بتؤثر علي الفرامل و دا بيحصل في اي عربيه في الدنيا

انا مش بدافع دفاع اعمي بس فعلا الفرامل في بروتون مش فرامل تكتك

---

+10000000000000000000000000

وبعدين إيه ضمان أى عربية فى الدنيا مهما كان نظام فراملها إنها ما تعملش حادثة ده كله تقدير ربنا مش أى حاجة تانية يعنى هى الbmw و لا المارسيدس و لا الجاجوار مسجلين zero حوادث. أكيد لأ طبعا و حد يقدر يتكلم على الأمان اللى فى عربيات مارسيدس و الاختبارات اللى بتعدى منها (افتكر حادثة دودى و ديانا) و انت تعرف إن ربنا اللى بيلطف بالناس بس مش أمان العربية بصرف النظر عن اتهام مارسيدس للعيلة المالكة باللعب فى العربية و إنه عربياتهم عمرها ما يحصل فيها كده إلا إنه فى الآخر حصل.
فمش معقول عشان واحد عمل حادثة يبقى فرامل العربية سيئة

ياسادة أنا لا أهاجم السيارة ولا أهاجم مالكيها إنما فقط وددت أن أعرض تجربة شخصية خاصة بى؛ حيث أردت بالفعل شراء تلك السيارة وامتلاكها لمدة طويلة نظراً لإعجابى بها؛ وكنت أطالع موضوعات المنتدى باستمرار فلم أجد إلا شكاوى فقط شكاوى بالإضافة إلى التوصية باللجوء إلى المهندس آمر أو الأخذ بتوصيات الإستاذ أيمن والدعاء المستمر لهما بالصلاح؛ حيث إن هذه هى الحلول المتاحة؛ الأمر الذى جعلنى أغض الطرف عن شرائها حيث تخوفت جداً من تلك الشكاوى وطرق حلها سيما وأن الشكاوى متكررة وصادرة من مالكى السيارة؛ ربما تكون الكلمة أمانة وأن بعض الأعضاء قد بالغوا فى وصف هذه العيوب، لكن بصراحة انعكست على سلباً وبالفعل صرفت نظر عن شرائها على الرغم من إعجابى بروح الأعضاء فى المنتدى فحقاً الأزمات توحد الناس.

وفى النهاية لا يسعنى إلا أن أشكر حضراتكم على مشاركتم لى بمن فيهم من أثروا علىّ سلباً وأبعدونى عن شراء تلك السياة، وبالفعل قضيت وقت ممتع بين موضوعات حضراتكوا والمشاركة القيمة لكم، وأوصيكم وأوصى نفسى بتقوى الـلـه ومراعاة أمانة الكلمة فى كل ما يصدر من كلام مستقبلاً.

وكل عام وحضراتكوا بخير، اللهم بلغنا رمضان، وتقبله منا خالصاً

وشكراً، شكراً، شكراً، شكراً، شكراً، شكراً.
السلام ختام.

اقتباس:

---

المشاركة الأصلية كتبت بواسطة harizy

وأخيراً أنا عايز أسأل هل الabs بتاع شركة بوش الألمانى يختلف عن abs الشركات الأخرى وليه فرامل البيرسونا بتشتغل بطريقة مختلفة عن السيارات الأخرى ولو الطريقة مختلفة تبقى الفرامل أقوى أم أضعف يعنى لو فيه احتمال أن أدوس فرامل فى أى وقت وما ألاقيش فرامل أو العربية تزحف بالـ abs بتاع شركة بوش الألمانية متهيألى يبقى فعلاً محتاج النيسان تعرفنى معنى وقيمة البيرسونا

---

على فكرة الabs منظومة لا تعمل إلا في الحالات القصوى يعني عند الضغط على الفرامل فجأة وبشدة الى الآخر...
يعني مالهوش دعوة بموضوع مشوار الفرامل اللي مزعل بعض الناس ...


-

الكلااااااااااااااااااااا م ممنوش فايدة
اللى مبيحبش بروتون ميجيبهااااااااااااااااااا ااااااااااااااااااااااااا ااااااش لو هتشترى العربية عشان احسن حاجة فى سعرها و الكلام ده يبقى اشترى حاجة تانية
ما قولناها مليون مرة و هانقولها تانى اللى بيحب بروتون يجيبها هتريحه اللى مبيبحبش بروتن و جابها هتتعبه و هايلعن اليوم اللى اشتراها فيه ان شالله تكون بتطير
و بس كدة دى خلاصة الموضوع
و نصيحة من اخ لحضرتك تحديدااااااااااا اشترى نيسان ارجوك و ده لراحتك والله لو جبت بروتون هتلعن فيه اليوم اللى حبتها فيه صدقنى
بلاش تجيبهاااااااااااا

اقتباس:

---

المشاركة الأصلية كتبت بواسطة tarek gen 2

الكلااااااااااااااااااااا م ممنوش فايدة
اللى مبيحبش بروتون ميجيبهااااااااااااااااااا ااااااااااااااااااااااااا ااااااش لو هتشترى العربية عشان احسن حاجة فى سعرها و الكلام ده يبقى اشترى حاجة تانية
ما قولناها مليون مرة و هانقولها تانى اللى بيحب بروتون يجيبها هتريحه اللى مبيبحبش بروتن و جابها هتتعبه و هايلعن اليوم اللى اشتراها فيه ان شالله تكون بتطير
و بس كدة دى خلاصة الموضوع
و نصيحة من اخ لحضرتك تحديدااااااااااا اشترى نيسان ارجوك و ده لراحتك والله لو جبت بروتون هتلعن فيه اليوم اللى حبتها فيه صدقنى
بلاش تجيبهاااااااااااا

---

+11111111111

الواجا والبرسونا ... المميزات احسن كتير من العيوب التى لا تذكر ...

ولا تعليق على العيوب الل اتقال لا يمكننى الرد عليه ..

لدرجة انى نزلت لعربيات ناس صحابى ( جين 2 وبرتون وواجا وويرا ) وملقيتش اى حاجة .. لكن اللى اقدر اقوله اللى بيركب فرامل عادية محتاج تعو على الفرامل ال abs ...

اشكركم وتقبلوا مرورى ...

اقتباس:

---

المشاركة الأصلية كتبت بواسطة ayman_52

مش حضرتك اللى جربت عربيتى ؟؟؟؟؟

انا اللى كان عندى مشكله فى دواسة الفرامل , وضبطها فى التوكيل الحمد لله :e_braces[1]:

ويامعلم مش عشان ركبت عربيه واحده يبقى كله زى بعضه !!! , اهو انا اللى طلع عندى حاجه عاوزه تتضبط


ويامعلم ماحدش هنا بيهمش حاجه , دانت حتى واحد معانا بقالك فتره ومتابعنا

---

هههههههههههههههههههههه
باب النجار مخلع
يعين بتخدم الناس كلها وفي الاخر عندك انت نفسك مشكلة
فرحتني فيك يا نصة

اقتباس:

---

المشاركة الأصلية كتبت بواسطة cairo2005

هههههههههههههههههههههه
باب النجار مخلع
يعين بتخدم الناس كلها وفي الاخر عندك انت نفسك مشكلة
فرحتني فيك يا نصة

---

علي الرغم من الرد الغريب ده بس ليا تعليق صغير :11: .. أيمن كانت عربيته مركونه وكان لسه تقريبا طالع بيها في اليوم اللي جربتها فيه .. وأنا كنت لسه بكلمه وعرفت منه إن الفرامل ساعتها مكانتش مظبووطه والحمدلله ظبطها في التوكيل بعدها وكمان ساعت مقولت إن العربيه كانت مكتومه شويه برده كان محتاج ينضف بوابات الأنچكشن .. وأفتكر إن الموضوع ده ممكن يحصل في أي عربيه في الدنيا .. لأن أي عربيه بتبقي محتاجة صيانات دوريه.

وبعدين الراجل كتر خيره إن بيساعد أي حد وفعلا أنا مبسوط جداً من التجربه دي ومش عيب إنه يكون في عنده حاجة وبعدين زي ماقولتلك ظبطها.

بعد الموضوع ده وبعد الكلام الكتير اللي إتقال وتحويل مشاكل فرديه إلي مشاكل يتم تعميمها .. بسبب موضوع الفرامل

ياريت ياجماعه يتم عمل إستطلاع رأي عن مدي رضائهم عن فرامل السياره وهل هي مناسبه أم لا وياريت بقي يبقي التصويت من مالكي السياره فقط يعني مش أي حد ساق السياره مره ولا أتنين يقول رأيه .. يعني لازم يكون سايقها علي طول

ويبقي الرد القاطع علي موضوع الفرامل ده حتي يتم إنهائه تماماً

وانا رأيي من رأي حضرتك يا استاذ فادي نبيل

ربنا يبارك لحضرتك فى عربيتك ان شاء الله.

بس للامانه لازم التوضيح عشان كلام حضرتك مبنى على راى مش استخدام.

الفرامل الحمد لله كويسة جدا وفيه موضوع عن الفرامل موجود دلوقتى اعتقد ان معظم الناس ابدوا فيه رضاهم عنها .

بالنسبة لموضوع الدهان اللى بيطلع بالضافر اعتقد ان ده كلام فيه مبالغة كبيرة يعنى حضرتك لو داهن العربية حتى بمونيكير بتاع البنات مش هيحصل كده انا عن نفسى حصلت لى تجربة سيئة وهى انى حكيت بباب الجراج فى الظلام الدامس فوق العجلة الشمال والحمد لله وضع العربية بالنسبة للحكة كدهان وصاج لا يمكن تخيله وهرفع لكم الصور قريب بالموضوع ده وعلى الرغم من حزنى الفظيع عشان الموضوع ده الا انى اللى خفف عنى لما شفت تحمل دهان وصاج العربية للى حصل وقدر الله وما شاء فعل .

بالنسبة للتوكيل اعتقد ان معظم التوكيلات فى مصر لا تصل درجة رضا عملائها عنها فى احسن الاحوال لدرجة ممتاز كلهم ما بين ضعيف لمتوسط لجيد فى احسن الاحوال والدليل قضايا حماية المستهلك اللى نازلة ترف ومواضيع الاخوة الاعضاء فى جميع الاقسام

ردى مش عشان اءثناء حضرتك عن رايك او قرارك لا عشان لو حد تانى دخل يبقى عارف راى الناس التانية ايه .

وشكرا

رأي بكل امانة
فرامل رائعة
دهان عادي ذي اي عربية
توكيل سئ

اقتباس:

---

المشاركة الأصلية كتبت بواسطة tarek gen 2

الكلااااااااااااااااااااا م ممنوش فايدة
اللى مبيحبش بروتون ميجيبهااااااااااااااااااا ااااااااااااااااااااااااا ااااااش لو هتشترى العربية عشان احسن حاجة فى سعرها و الكلام ده يبقى اشترى حاجة تانية
ما قولناها مليون مرة و هانقولها تانى اللى بيحب بروتون يجيبها هتريحه اللى مبيبحبش بروتن و جابها هتتعبه و هايلعن اليوم اللى اشتراها فيه ان شالله تكون بتطير
و بس كدة دى خلاصة الموضوع
و نصيحة من اخ لحضرتك تحديدااااااااااا اشترى نيسان ارجوك و ده لراحتك والله لو جبت بروتون هتلعن فيه اليوم اللى حبتها فيه صدقنى
بلاش تجيبهاااااااااااا

---

+11111111111

الاخ الفاضل....
انا سقت عربيات كتير بتاعت زمايلي وأقاربي ومن خلال كل التجارب دي ( وبدون أي حيود) أقدر اقول لك أن بروتون يكل فئاتها هي أفضل عربيه ممكن تركبها في مصر (بالنسبه للسعر) وعلي فكره انا كنت بسوق الصني بتاعت واحد صاحبي مو 2008 ولا تعليق بالذات علي السرعات العاليه ودي أهم حاجه في أي عربيه
عموما مبروك عليك الصني وربنا يحفظها لك ....وأهلا بيك معانا

ياريت الموضوع يتقفل بقى ياجماعة ربنا يباركلنا في البروتون ويباركلكو في الصني