عرض للطباعة
[overline] [/overline][overline][/overline][overline]
السلام عليكم و رحمة الله و بركاته
بفكر اسافر مرسى مطروح
انا عمرى ماروحتها بس اسمع عنها انها جميله
محتاج اعرف احسن الفسح فى مرسى مطروح ايه
و اسعار الشقق الايجار كام فى الاسبوع و هل الشقق بعيدة عن البحر و لا قريبة و هل مستوى الشقق الايجار كويس و لا تعبانه
تحياتى
معلش طولت عليكوا
كمان عايز اعرف الطريق بالضبط بالعربية و هل الطريق كويس و كام كيلو تقريبا
اشكركوا مقدما و كل سنه و حضراتكوا طيبين
[/overline]
الطريق
طريق مصر اسكندريه الصحراوى على طول ولما تلاقى الرست هاوس على ايدك الشمال تبدأ تركز عشان بعده بحوالى 25 كيلوا ( الكيلو 130 تقريبا ) هتلاقى علامه مكتوب عليها طريق العلمين الى هو الطريق الدولى هتروح واخد اليوترن وكانك راجع على مصر تانى وتمشى حوالى 50 متر وتروح داخل يمين وتفضل ماشى على طول برضه هتلاقى نفسك بقيت فى الجزء التالث من الطريق الى هو طريق الساحل وتلاقى نفسك اجبارى دخلت يمين ( على طريق الساحل ) تروح واخد اول يوترن وراجع وتمشى طوالى تلاقى نفسك فى مرسى مطروح
احسن الفسح
الشواطىء
عجيبه وده مظر رائع بس المياه خطر شويه خاصتا لو بتعرف تعوم وناوى تسيب الارض تبعد عن رجلك فهتلاقى سحب
الابيض (فيه ثلاث شواطى العام وده اقلهم وشاطى خاص وده معقول والشاطىء الثالث بتاع الجيش وده احلاهم والفرد ب 5 جنيه غير شمسبه و3 كراسى بعشرين جنيه ) طبعا رايق جدا وعائلى ونضيف وعيجيبه والابيض تقريبا 20 كيلو من مطروح وجمب بعض
وطريقهم هتمشى شارع الكورنيش على طول تلاقيهم ( طبعا لو ساءلت هناك مليون واحد هيدلك )
شاطىء الغرام
جميل قوى وحوالى 13 كيلوا من البلد وسعر الشمسيه والكراسى 15 اول صف و10 الصف الثانى
روميل
شاطىء رائع وداخل البلد تقريبا والشمسيه والاربع كراسى ب 10 جينه ولو اول صف هيقولك 15 بس زحمه جدا ومناسب لجميع الاعمار
يعنى فيه حتى غويطه جدا اسمها قناه السويس المياه فيها 15 متر عشان تدخل القطع الحربيه وفى نفس الوقت الميه بساط بدون تيارات يعنى لو بتعوم هتستمتع جدا وممكن تعدى الناحيه التانيه عوم وترجع
وفيه حته الميه تلاقيها وصلت لحد ركبتك بدون موج وحته نفس الوضع مع موج خفيف وحته الميه توصل لقصبه رجلك بعد ما تتعب مشى وديه مناسبه للاطفال سنتين وكده
عيبه اكثر شاطىء زحمه فى مطروح وخاصتا يوم الجمعه عشان اهل البلد بينضموا ورحلات اليوم الواحد
مجموعه شواطىء البوسيت والليدوا والعوام ودول كلهم شواطىء ليهم نفس النكهه والخصائص وجمب بعض وكانوا زمان ( من عشرين سنه ) هما البوسيت والليدوا دلوقتى قسموهم كل 200 - 300 متر بقى ليهم اسم أنا مش عارف الصراحه الاسماء ديه
فيه كمان شاطىء اسمه الفيروز بعد رومل وديه بحيره كبيره متوصله بروميل ومناسبه برضه للاطفال ( أحنا شقتنا قدامها وعلى فكره كنا بنسميها من عشرين سنه بحر الحمير عشان كان اهل البلد بيجيبوا الحمير يحموها فيها
طبعا دلوقتى الوضع اختلف وعليها زحمه وبقت مش عارف كام شاطى الفيروز والنيروز والبلبله والى مش عارف أيه
المهم كلهم تقريبا حاجه متشابهه جمب بعضيها واسمها الفيروز نسبه الى فندق الفيروز اول فندق اتعمل فى المنطقه ديه تقريبا سنه 95
واقلكم على حاجه جميله أننا كنا بستنى لما الحمير تطلع من الملاحه ديه عشان ننزل فيها والاغرب أن كان الى بينزل معانا فيروز ( كانت طفله عمره 7 سنين ) الشاطىء اتسمى على اسمها عشان هى بنت دكتور نبيل الشنوانى صاحب الفندق
فيه كمان منيه حشيش والرميله وعلم الروم ودول الناحيه التاينه خالص ومفتوحين على البحر الكبير وميتهم مش قد كده
تيجى بقى لأحلى مكان ممكن تشوفه فى حياتك
قبل مطروح ب 65 كيلوا تلاقى راس الحكمه على اليمين
بس لازم تأخذ تصريح من المخابرات الحربيه
هو بيطلع فى نص ساعه دلوقتى على ما اسمع
ممكن وأنت لسه رايح تخش تتفرج وتسأل
بس رائعه الى اقصى درجه
أنا رحتها من 25 سنه والله مش ناسى جمالها لحد دلوقتى ولا استراحه الملك فاروق الى كانت هناك
بس مش عارف دلوقتى أيه النظام لما الرئيس حسنى مبارك بقى ليه استراحه هنا
هل ده اثر على الاماكن هناك فبقت هناك فيه اماكن ممنوعه ولا ايه
لو عاوز نمره سماسره هناك ممكن اكتبلك
بس أنت مش هتبقى عارف المنطقه الى بيكلموك عليها عامله ازاى
طيب ممكن نعرف اسعار الشقق
و ايه افضل منطقه من ناحيه البحر و الهدوء و النظافه :36_1_1[1]:
ايه المزارات اللي موجوده في رأس الحكمه ؟
اقتباس:
المشاركة الأصلية كتبت بواسطة 3mr farrag
الافضل ديه وجهات نظر
يعنى أنا مثلا بحب الهدوء فافضل مكان بالنسبه ليه هو الفيروز والحتت الى ابعد منه لحد ما توصل لقريه اندلسيه وديه اسعارها كانت فى بدايه الموسم 120 جنيه وأنت طالع دلوقتى مش اقل من 200 ( ده اذا لقيت ب ب 200) ده للشقه المتوسطه ثالث اور بع نمره على البحر تزيد لغايه ما ممكن توصل ل 700 جنيه امام البحر مباشرتا
فيه حته حلوه بس زحمه ناحيه العوام وديه معرفش الاسعار فيها كام بس
فيه شاليهات ناحيه الغرام والابيض وعجيبه وبرضه معرفش حاجه عن اسعارها الا بالسمع انها بتكون فى حدود 500جينه الى 1200 لو قدام البحر مباشرتا
طبعا الاسعار الى باقولها ديه اسعار تقريبه وبتختلف باختلاف الوقت من الموسم يعنى الاسبوع الى قبل رمضان ده هتلاقى الاسعار يمكن نزلت النص غير الاسبوع الى احنا فيه دلوقتى يمكن الاسعار تزيد عشان الموضوع عرض وطلب يعنى اول ما توصل وتدور على شقق ما تلاقيش اكيد لما هتلاقى شقه اخر اليوم هتلاقى سعرها عالى
غير لما تروح وتلاقى عشرين شقه ومحدش بيأجر
برضه العدد بيحدد السعر الى هتتأجر بيه الشقه
يعنى فيه ناس لما تلاقى زوجين وولدين ما يدققوش قوى فى السعر عشان استهلاكهم فى الميه مثلا مش هيكون كنير ( عربيه الميه بحوالى 200 جنيه وممكن الشقه لو عشر افراد يخلصوها فى اقل من اسبوع )
على حسب ما اتذكر لأن الكلام ده كام من مده طويله جدااقتباس:
المشاركة الأصلية كتبت بواسطة yaserbasha2000
رحنا شاطىء من اروع ما يكون وفى منتهى الهدوء
وروحنا استراحه للملك فاروق برضه فى منتهى الجمال
بس كل ما افتكر اليوم ده انبسط
سؤال لصاحب الموضوع خارج الموضوع معلش هوا الجنط بتاعك ده لينسو ساموراى ولو هوا جبته على كام وعامل معاك ايه
أنت من مطروح ولا أيهاقتباس:
المشاركة الأصلية كتبت بواسطة zkralla
على فكره انا متجوز من هناك
وكل كلام الراجل دا مظبوط وبالذات موضوع بحر الحمير ههههههههههههههههههههه
المنطقه دى أسمها باب البحر
وانا من كتر حبى لمطروح أتجوزت من هناك وأشتريت شقه فى ش اسكندريه عند الأسعاف قدام التحريات العسكريه
ياريت انت لو من هناك تقولى ونتقابل أنا رايح على يوم 3 أو 4 أغسطس وهقعد لحد اول يوم رمضان
ياريت لو مع حضرتك نمر سماسره , يبقى كتر خيركاقتباس:
المشاركة الأصلية كتبت بواسطة zkralla
شكرا يا استاذ zkralla علي ردك
أنا زيك بالظبطاقتباس:
المشاركة الأصلية كتبت بواسطة m.mostafa80
وعلى فكره والله العظيم كنت هتجوز من هناك بس محصلش نصيب ههههههه
من عشاق مطروح خاصتا قبل الزحمه ديه وليا اثنين خالات عيشين هناك وكنت تقريبا مقيم عندهم فى الاجازات الصيفه كامله ونصف السنه وأى اجازات فى الشتا ( لزقه يعنى ) وكنت بشتغل هناك من اول دخول الجامعه وربنا أكرمنا وبنينا حته ارض كانت عندنا عند اندلسيه ( كنا واخدينها سنه 92 ) تقريبا الكلام ده من سنه 1977 حتى الان والى أن يشاء الله هفضل كل سنه اروح وكل ما الفرصه تسمح
للأسف حظى وحش مش هعرف اروح فى رمضان واقابل حضرتك عشان اجازتى خلصت تقريبا لانى رحت الشهر الى فات والى قبله
لكن اقرب فرصه هكون هناك هتصل بحضرتك
محمد معزب 0124828804اقتباس:
المشاركة الأصلية كتبت بواسطة enggamail
عماد 0105425072
العفو يا باشااقتباس:
المشاركة الأصلية كتبت بواسطة 3mr farrag
اشكر حضرتك على ردك الاكثر من وافىاقتباس:
المشاركة الأصلية كتبت بواسطة zkralla
هو اسعار الشقق اللى حضرتك ذكرتها دى فى الاسبوع طبعا ...صح ؟
و هى المسافة كام لغاية مطروح ؟ و ايه اخبار الطريق .. يعنى نضيف و لا تعبان ؟
للاسف الصورة اللى فى التوقيع بتاعى مش صورة عربيتىاقتباس:
المشاركة الأصلية كتبت بواسطة eslam.elrefaey
اقتباس:
المشاركة الأصلية كتبت بواسطة BLACKVERNA