FIAT 132 2000

**shady_elkady** · 13-08-2008 01:13 PM

انا كان معايا و احدة المانى و اتقليت بيها على طريق اسكندرية الصحراوى اتقلب 4 مرات و اتعدلت و الحمد الله طلعت منها و كل الى حصل القوايم اتطبعت و عملت بها حدثة تانية طلعت فوق رصيف و دخلت فى متروا مدينة نصر شارع الطيران العفشة اتمسحت بس

**mohamed9999** · 13-08-2008 02:40 PM

طيب هلى ال132 فى البيع سهله فى البيع ولا زى ما بيقولو تقيله اوى فى بيعها

**فادى** · 13-08-2008 02:51 PM

المشاركة الأصلية كتبت بواسطة Haytham4ever

فعلا الناس عندها عقده من الفيات بس هما معزورين برضه ... طول عمرنا من ساعت ما اتولدنا بنركب فيات ... عايزين يغيروا بقه
يعني مثلا قرايبي الشباب المهتمين بالعربيات لو قلتلهم بيكانتو ولا اتوس ولا اونو ... يقولوا على طول بيكانتو او اتوس ... الاونو دي مش وارده عندهم خالص ... مع انهم عمرهم ما ركبوها ... لما ركبوها بعد كده مع واحده معرفه و شد بيها و لاقوها مريحة جدا غير الاتنين التانين ... بقوا يحلفوا بيها

لسه بقول لخالي عنده بيجو كانت اتسرقت كلها و رجعت تاني بس اتبهدلت ... قلتله بيعها و هات 32 2000 كاملة بالتكييف لو نضيفة اوي هتبقى ب30 الف و يطلعلك فرق فلوس كمان
لاقيت قرايبي التانين بيقولوا ... بقى من بيجو يركب فيات ... و كأن الفيات دي كارو ولا حاجة

النقطة اللي الناس مش قداره تفهمها ان فيات عربياتها رخيصه مش قصر ديل ... دي سياسة شركة
عندك فيات برافا اللي موتورها 1400 سي سي 150 حصان و الابرث منها 185 حصان بالرغم من ان الجولف 140 حصان بس... دليل كافي جدا على ان فيات شركة من العيار الثقيل جدا :)

تشرفنا بمعرفتك استاذ حازم :)

بداية تحية لأستاذ حازم صديقى العزيز على الموضوع الرائع و الممتع, للأسف مشفتوش الا دلوقتى لأنه اتكتب قبل انضمامى للمنتدى,
على فكرة بس ملحوظة بسيطة فيات مش رخيصة و لا حاجة, و أسعار فيات فى اوروبا هى نفس أسعار البيجو و الفولكس و غيرها من الشركات الأوروبية التى تصنع سيارات اقتصادية بجودة و اداء متفوق,
احنا خدنا الفكرة دى بس عشان مكنش فيه غير سيارات فيات التى كانت تصنع فى مصر, لذا كانت دائما أرخص من السيارات الأخرى المستوردة فى مصر فقط!
مثلا يتراوح سعر الجراند بونتو من الفئة الصغيرة (سوبر مينى) بين 8-13 الف جنيه استرلينى فى المملكة المتحدة,
و سعر البرافو يتراوح بين 10-16 الف جنيه استرلينى,
لو اخدنا فولكس على سبيل المثال, و لنأخذ السيارتين من نفس الفئة و هما البولو امام الجراند بونتو, و الجولف-جيتا امام البرافو:
هنلاقى انو البولو يترواح سعرها من 7-15 الف جنيه استرلينى, و ده فقط لأن فيها محركات أكبر من الجراند بونتو,
و الجيتا بتترواح بين ال14-19 الف و ده فقط عشان محركاتها اكبر من البرافو,
لكن لو قارنت الجيتا ال1400 تى اس اى هنلاقيها ب15 الف تقريبا,
فى المقابل البرافو ال1400 تى جيت هنلاقى سعرها مقارب جدا حوالى 14.
المفاجأه بقى اننا لو شفنا أسعار بيجو هنلاقيها أقل من أسعار فيات و فولكس معا,
خد عندك البيجو 308 1400 ب12,900 دولار! و هى فى نفس فئة البرافو و الجيتا.
جميع الأسعار من الموقع ده:
http://www.carpages.co.uk/car-prices/
و طبعا هتلاقى الأسعار ديه منعكسة بشكل غير دقيق فى السوق المصرى, يعنى مثلا هتلاقى البرافو و الجولف سعرهم متقارب,
و البرافو أغلى من التويوتا كورولا و البيجو 308 و اللانسر و هنلاقى الجراند بونتو من اعلى السيارات سعرا فى فئتها,
الفئة الوحيدة الرخيصة من فيات هى تلك التى تصنع فى تركيا و البرازيل و التى انتجت أصلا لهذا الغرض مثل السيينا و الباليو.

**ssss2009** · 22-09-2008 05:36 PM

مشكور على هذا الموضوع الجميل وعلى هذا الذوق الاصيل

**hazem_khidr** · 22-09-2008 05:45 PM

شكرا ليك يا باشمهندي فادي علي زوقك و كلام :)
شكرا للعضو ssss علي مجاملتك و اهلا بيك معانا في المنتدي:)
و عاوزين نشوف رايك و مشاركاتك دايما معانا:)

**AymanPt** · 10-10-2008 11:22 PM

السلام عليكم و رحمه الله وبركاته أستاذ حازم ..

بداية أِشكر حضرتك جدا جدا جدا : علي الموضوع الرائع ده , اللي يعتبر ملتقي لعاشقي الـ
Fiat 132 : 2000 :) ..

فعلآ العربية دي ممـــتازة و بعشقها من زمــــــــــــان ..

أنا كنت بس عايز أسأل حضرتك علي شوية حاجاتو ربنا يجازيك كل خيـــر .. :)
: لآني ناوي أشتري واحدة معروضة عليا ,,
العربية Fiat 132 : 2000 موديل 80 ,, بها كل الكماليات , بس من غير التكييف ,, و صاحبها مركب لها باور شيروكي !! ,, و عايز فيها 20 ألف ,,
شكلها نظيف أوي بصراحة .. :)

بس مقلق منها لكذا سبب :-
1- نقطة البنزين دي.
2- بيعها بعد كده : عشان لو أحتجت فلوسها في اي ظرف ولا حاجة ..
3- قطع غيارها و ميكانيكيتها
4- حوار البارومة اللي بتمسك فيها بسرعة

فما رأيك حضرتك : أجيبها و أتوكل علي الله .. ؟

سؤال تاني بعد إذن حضرتك :-
زميل أعرفه معاه نفس العربية بالضبط : بس موديل 73 !!

هو في Fiat 132:2000 نزل سنة 73 ؟

بأنتظار حضرتك ..

**habdelbar** · 24-10-2008 06:18 AM

اخى الاستاذ حازم
انا بحب العربية دى جدا وبحترمها اوى اوى. كان عند والدى 132 1800 جى ال اس من سنة 1985 لحد سنة 1992 لكن كان طول الوقت نفسى جدا فى ال 2000 وشايف انها حاجة تانية خالص . حتى صوتها نفسه مميز جدا عن باقى العربيات . المهم عشان ما اطولش عليك انا عندى حاليا لادا نيفا موديل 94 موتورها 1700 لكن موتورها خفيف وكنت بافكر اركبلها موتور 2000 لكن سالت عليه من فترة قالولى انه ب 4000 جنيه مع العلم ان موتورها هيا بحوالى 1500 بس. ف هوا هايبقى ناقلة جامدة فيها لكن المشكلة انه غالى اوى
فهل هوا دلوقتى لسه تمنه غالى كده؟ انا اعرف انه يركب على النيفا على نفس فتيس النيفا. او لو بصفة عامة اعرف اجيب موتور فيات 2000 سى سى لو بتاع الريجاتا يركب عليها يبقى ممكن موتور الريتمو الابارث او ال 131 الراسينج انا سمعت كمان انه نزل منه موتور ابارث برضو 180 حصان تقريبا بس مش متاكد برضو.
ف ايه راى حضرتك؟
وقدامى حل بديل لو الموتور لسه غالى بافكر اشتريه خردة واعمله عمرة لو انا كده كده هاعمل عمرة لموتور النيفا يبقى تهيالى احسن اشترى موتور ال 2000 قديم واعمله عمرة لو هايكون رخيص طبعا.
معلش انا طولت عليك لكن فرحان اوى انى لقيت حد بيحب ال 132 2000 كده :)
وانا حاليا بحب النيفا دى اوى بس اقل طبعا من حبك لل 2000 لان اصلا ال 2000 حاجة تانية خالص غير النيفا.
اخوك هشام

**hodakrama** · 30-10-2008 12:08 AM

شكرا يا فنان عن كلام جميل جداااا وفعلا انا معايا 132 / 1600 فعلا عربية لو بحاله جيدة تشد معاك فى الطريق

كانت عاوز صور روشه من داخل و خارج عربية مثل / جنوط سبور ايه انسب جنوط ليه
طبعا 132 روشنه

لك جزيل شكرا و تقدير