لمبة التشيك هتجنني

**msaleh_353** · 28-07-2010 12:48 AM

عندي لمبة التشيك بتنور علي السرعات يعني بعد ال80 كدة ومش علي طول تنور شوية وتطفي شوية بس مش قبل التمانين كيلو ومش علي طول وديتها لكذا ميكانيكي ومحدش عرف يوصل كل واحد يقولي خلاص تمام ويطلع يجرب العربية متنورش لكن بعد كدة أجي أسافر ألاقي اللمبة برضة بتنور وفي ناس قالتلي عادي متشغلش بالك بيها طالما مفيش مشكلة انت حاسسها زي تقطيع أو برجله مش عارف أعمل اية عربيتي لانوس 2005 وبستخدم بنزين 90

**alexcdx** · 28-07-2010 01:52 AM

تقريبا كده دى أعراض حساس الجكمان
بس أكشف عليها بالسكانر أحسن

**Ibrahim Nabil** · 28-07-2010 02:04 AM

هو المفروض ان ده بيبقى عيب فى حساس الشكمان لكن والله انا عندى نفس المشكلة ومفيش حد لاقى ليها حل برده ورحت اكتر من مركز صيانة كله يقوللى حساس الشكمان شغال فربنا يكرمنا ونلاقى حل

**ehabnew2004** · 28-07-2010 02:09 AM

نفس المشكلة عندى فى لانوس 2003 و برده مش لاقى حل
الكهربائى قال ده عيب فى دفيرة كهرباء الموتور ربما سلك بيلمس و الله أعلم قلى غير دفيرة الموتور بس انا نفضت لأنى ملاقتش مشكلة فى العربية

ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون و يرجى مراجعة قوانين المنتدى
مشرف 12 أ

**محمد الشامي** · 28-07-2010 08:42 AM

الافضل والاسهل انك تحط العربيه على الاسكانر لان ده هيكون عيب في حساس من الحساسات

**mohfud** · 28-07-2010 11:08 AM

ان شاء الله هيكون العيب بسيط للغاية توكل على الله وضعها على الاسكانر

**karimmelegy** · 28-07-2010 01:00 PM

المشاركة الأصلية كتبت بواسطة alexcdx

تقريبا كده دى أعراض حساس الجكمان
بس أكشف عليها بالسكانر أحسن

المشاركة الأصلية كتبت بواسطة محمد الشامي

الافضل والاسهل انك تحط العربيه على الاسكانر لان ده هيكون عيب في حساس من الحساسات

المشاركة الأصلية كتبت بواسطة mohfud

انشاء الله هيكون العيب بسيط للغاية توكل على الله وضعها على الاسكانر

أى خطأ يؤدى إلى إضاءة لمبة التشيك يسجل ذلك الخطأ على وحدة الكنترول (الكمبيوتر) للسيارة وبالتالى أسهل شيى أن تفحص سيارتك عند أحد المراكز التى بها جهاز إسكانر وسوف تعلم إن كانت مشكلة حساس الشكمان أم غيرة !!