نيوأكسنتي وصللللللللللللللللللللللل للللللللللت

**Roka** · 28-07-2010 02:28 AM

تم وصول النيو أكسنت سبورت الحمرا بحمد لله لأرض المعرض إلي كنت حاجزاها منه من شهووووور
إية هيه الحاجات إلي أتاكد منها و أنا بستلمها وأعرف منين هيه موديل 2010 ولا 2011
وبعدين لاحظت إنها مكحوتة من عند العتب عند الباب الأمامي هش عارفه أعمل إيه؟ هما قالولي هيعالجوها
إية رأيكم؟؟؟؟

**Mzeid** · 28-07-2010 06:07 AM

ألف مبروك
و ربنا يبارك لحضرتك فيها بإذنه تعالى

**attaromar** · 28-07-2010 07:19 AM

عادي جدا بالنسبة للإستلام....قسمي العربية تلات اقسام...
قسم under the hood و قسم interior و قسم الجسم الخارجي
الأولاني لازم تكون جميع مستويات السوائل للموتور عند المستوى المظبوط, العربية بتدور من اول مرة مش تاني ولا تالت (متكونش البطارية فيها مشكلة يعني) الأر بي ام اول مالعربية بتدور مايعديش 1500 و بعدين يثبت على 1000 , تجربة التكييف لثواني للتأكد من عمله.
القسم التاني و ده سهل شوية ان تكون كل حاجة بالراب بتاعها مايكونش في قطع او نتش في الفرش, دراعات المساحات و الأشارة متكيسين و الكراسي و مقابض الباب و حزام الأمان, هايبقى فيها الطفاية و دي متحركة و هايسلموكي الإريال بتاعها و مفتاحين و 2 ريموت, و برضه يكون فيها كتيب الضمان و الكتالوج و ضمان الكاوتش و في الشنطة تبصي على الإستبن و القاطرة و مفتاح مسامير الجنط و دراع الكوريك و الكوريك و الولاعة, تأكدي من جميع انوار الإنذار شغالة قبل العربية ماتدور , الزيت و الحرارة و الهاند بريك
بالنسبة للجزء الخارجي...المفروض الازق الابيض يكون موجود عند استلامك العربية و مبدئيا الجزء في الصاج ماعليهوش لازق خلي بالك لايكون مرشوش او محكوك....و من رايي ماتستلميش العربية فيها عيب

في ورق الإفراج الجمركي انا فاكر مكتوب وقت نزولها مصر و ده الأهم....اه و ياريت ماتكونش عامله كيلوات كتيير

**Roka** · 28-07-2010 10:45 AM

المشاركة الأصلية كتبت بواسطة attaromar

عادي جدا بالنسبة للإستلام....قسمي العربية تلات اقسام...
قسم under the hood و قسم interior و قسم الجسم الخارجي
الأولاني لازم تكون جميع مستويات السوائل للموتور عند المستوى المظبوط, العربية بتدور من اول مرة مش تاني ولا تالت (متكونش البطارية فيها مشكلة يعني) الأر بي ام اول مالعربية بتدور مايعديش 1500 و بعدين يثبت على 1000 , تجربة التكييف لثواني للتأكد من عمله.
القسم التاني و ده سهل شوية ان تكون كل حاجة بالراب بتاعها مايكونش في قطع او نتش في الفرش, دراعات المساحات و الأشارة متكيسين و الكراسي و مقابض الباب و حزام الأمان, هايبقى فيها الطفاية و دي متحركة و هايسلموكي الإريال بتاعها و مفتاحين و 2 ريموت, و برضه يكون فيها كتيب الضمان و الكتالوج و ضمان الكاوتش و في الشنطة تبصي على الإستبن و القاطرة و مفتاح مسامير الجنط و دراع الكوريك و الكوريك و الولاعة, تأكدي من جميع انوار الإنذار شغالة قبل العربية ماتدور , الزيت و الحرارة و الهاند بريك
بالنسبة للجزء الخارجي...المفروض الازق الابيض يكون موجود عند استلامك العربية و مبدئيا الجزء في الصاج ماعليهوش لازق خلي بالك لايكون مرشوش او محكوك....و من رايي ماتستلميش العربية فيها عيب

في ورق الإفراج الجمركي انا فاكر مكتوب وقت نزولها مصر و ده الأهم....اه و ياريت ماتكونش عامله كيلوات كتيير

thanks alot 4 ur answer

**Roka** · 28-07-2010 11:21 AM

THankssssssssss

**Khaled Seif** · 28-07-2010 05:17 PM

السلام عليكم ورحمة الله وبركاته

الأخت الفاضلة Roka

أسأل الله أن يرزقك خيرها وخير ماصنعت له

وأن يعيذك من شرها وشر ما صنعت له

ولاتنس دعاء الركوب ( بسم الله الحمد لله الله أكبر سبحان الذي سخر لنا هذا وما كنا له مقرنين

وإنا إلى ربنا لمنقلبون )

ودعاء السفر ( اللهم إنا نسألك في سفرنا هذا البر والتقوى ومن العمل ماترضى اللهم هون علينا
سفرنا هذا واطو عنا بعده اللهم أنت الصاحب في السفر والخليفة في الأهل والمال والولد )

**kamatsho** · 29-07-2010 04:40 AM

المشاركة الأصلية كتبت بواسطة mostafa55

1000 مبروك

انا استلمت من شهرين وكنت قلقان من موضوع 2011 دا

الموضوع ببساطة فى رقم اوسريال بيبقى على الزجاج الامامى مكون من 14 حرف

دا اسمة vin (vehicle identification number )

عاشر رمز من الشمال لو a تبقى موديل 2010 لو b تبقى 2011

معلومه جميله فعلاا ياريت تتأكدى من السيريال والحروف دى

ومبرووووك وربنا يعطيكى خيرها ويكفيكى شرها