المشاركة الأصلية كتبت بواسطة noble911
بعض الناس صدقت كلام الوزير الكداب بتاع الكهربا بتاع ساعات الذروة و التكيفات
الحقيقة ان مصر تخطت الحدود الحمراء للاحمال علي الشبكة الكهربية من تلات سنين و من ساعتها معملوش حاجة غير همبكة كلامية عن مفاعل نووي و راجل الاعمال عايزين الضبعة تبقي قري سياحية
و شئ طبيعي ان احنا نزيد و نتطور و احنا اخرنا 80 مليون امال الدول اللي بمئات الملايين من البشر عملت ايه
لكن الحكومة بزعامة وزير المالية مش عايز تدفع تعريفة في اي حاجة و ده فكرها في سد عجز الموازنة و الفساد هو زيادة الضرايب و الجمارك و الجباية و تقليل المصاريف و المشاريع و الدعم و بيع ممتلكات الدولة و الشعب
و بنفس الفكر المعروف في المياه ان اكتر اسباب اهدار المياه هي الزراعة و في المدن هو المباني الحكومية
تجي الحكومة تقولك سبب الاهدار هو البيوت و غسيل العربيات و ترفع الاسعار و تضيف فاتورة استهلاك صرف صحي
صحيح اهدار نقطة المياه حرام لكن الحكومة تحب توقع العقوبة علي الشعب الغلبان اللي مالوش ذنب اصلا
و كذلك الكهرباء المشكلة مش في التكيفات المشكلة هي التوسع الطبيعي و النمو للدولة ، مصانع و شوارع و اعلانات مضيئة و مترو و محلات و مباني حكومية و شركات و يسيب ده كله و يمسك في البيوت و ساعة الذروة بتاعته
الخلاصة نتوقع اسوء من كده الفترة اللي جايه طول ما وزير المالية مش بيتغير