اخوة كتير هنا فى المنتدى شغالين فى الخليج وذكروا ان الكهربا بتتقطع عندهم الايام دى كتير
بصراحة بالنسبة لنا لما النور يتقطع والموضوع يطلع فأتصل بيهم
بكل صراحة بيقولولي احنا قاصدين نفصل الكهربا
بصراحة ناس محترمة
الموضوع ده حارق دمى
انتو مش واخدين بالكو ان من فتره وزير الكهربا طلب زياده اسعار الكهرباء بس مفيش حد وافق على الزياده
دلوقتى بقا عامل بالو وحوار علشان عايز يزود الاسعار
ياترى اية اللى عليه الدور يزيد السجاير زادت اللحوم زادت البنزين فى طريقة للزياده وده اللى هيولعها فى كل حاجة وبعدين الكهربا تزيد هيه مالهاش نفس يعنى والمية والغاز و...و.............. الخ
ياترى ناويه تعملى اية فى الشعب يا حكومة !!!!!!!
انا مقتنع طبعا بأن كلام السيد الوزير المسئول عن ان الساعتين بتوع الذروة دول بيكلفوا 16 مليار جنيه بناء محطات جديدة
بس يعني هو مفيش تخطيط مستقبلي
و اذا كنا النهاردة عايزين 16 مليار جنيه - بأسعار النهاردة - عشان ساعتين
السنة الجاية هنستفيد منهم في 8 ساعات و السنة اللي بعدها يادوب يغطوا اجمالي الاستهلاك
و اذا كانوا مستخسرين انهم يكلفوا 16 مليار جنيه عشان ساعتين بس فمن الممكن ان يستفيدوا من الكهرباء المنتجة بأن يصدروا الفائض - الوقتي الان - الي دول مجاورة
و ما علاقة ذلك ببعض التقارير التي وردت في الصحف منذ فترة ان هناك مشاريع لبناء محطات كهرباء متوقف بناءها منذ عامين - تعمل بالغاز - لعدم وجود غاز كافي لادارتها خاصة ان الاستهلاك زائد التصدير يادوب يساوي الانتاج الحالي " احصائيات 2008"
ترشيد استهلاك الكهرباء امر جميل يجب ان نتجه اليه
و يمكن دفع الناس اليه بأسلوب مختلف تماما ليس بقطع التيار الكهربائي و ان شاء الله تولع
كما ان دور الوزارة في ارشادنا كمواطنين الي نوعيات الاجهزة الكهربائية ذات الاستهلاك الاقل غير موجود
هل هذه مسؤليتي ايضا ؟
ما تتكلم عنه الحكومة بأننا في ازهي عصور انتاج و استهلاك الكهرباء ليس صحيحا
فانتاجنا الكهربائي مقارنة بدول العالم و نسبة بعدد السكان اقل من المتوسط "بإعتراف الوزير نفسه "
فتركيا و ايران و لهما نفس عدد السكان انتاج الكهرباء فيهما يفوق نظيره المصري بنسبة محترمة
حتي السعودية التي عدد سكانها اقل من مصر بكثير انتاجها الكهربائي اكبر من الانتاج المصري " احصائيات 2008"
واضح ان المشكلة ليست في الترشيد بقدر ما هي في التخطيط " كالعادة"
لو بتتكلم بالنسبة لي شخصيا فان فاتورتي الشهرية من الكهربا 150 جنيه
بفتح تكيف واحد في الايام شديدة الحرارة و في النهار فقط و بتجمع كلنا فيه
الساخن كهربا و بفتحه لما احتاج مياه ساخنه
اللمبات المفتوحة فترات طويلة اما نيون او كومباكت
الكمبيوترات و التلفزيونات بتتفتح علي حسب الحاجة
المياه مع فاتورة العمارة شخصيا مش بغسل السجاجيد و لا الشبابيك زي بعض الشقق و بكتفي بالكنس و التنضيف علي الناشف و معنديش حمام سباحة و لا جنينة
من الاخر مواطن عسول :star1::120105~352: و ده حال اغلب المواطنين في البلد دي
اما لو بتتكلم عموما فان نظام المحاسبة في مصر بيعتمد علي الشرائح يعني كل ما بتستهلك اكتر كل ما بتحاسب الاستهلاك الاعلي بسعر اكبر يعني زيادة مطردة و بشكل كبير و ده يخلي اي عاقل يحاول السيطرة علي استهلاكه لانه حيلاحظ هبوط كبير في الفاتورة
و لكن اللي مش فارقه معاه دفع حق الكهربا و زيادة و ليس تفضلا من الحكومة لان في الخليج الاستهلاك اعلي و قيمة الكهربا اقل و في بعض الدول المياه مجانية بدون فواتير
المشكلة في موضوعك الاخر هو انك خلطت مابين جزئين الخبر بتاع الوزير و دعوتك او رؤيتك لعملية الترشيد
الجزء بتاع الترشيد محدش يقدر يعارض في حرف واحد منه لان المستفيد الاول هو الشخص العاقل الي بيزبط احتياجه و يقلل استهلاكه و بالتبعية بيستفيد بالمكسب و العائد
الجزء الاخر بتاع الخبر بتاع الوزير هو ده المشكلة
لحد النهاردة في قري مدخلهاش النور و الكهربا و المياه و الصرف
المشكلة بدءت من عدة سنوات و كانت الانقطاعات اقل من الوضع الحالي و لم يحدث شئ من وقتها
اذا لما يجي الوزير يقول انتوا السبب انتوا اللي بتحملوا علي الشبكة يبقي وزير غايب عن الواقع لانه عايز يحاسبنا كلنا كشعب بنفس حساب الواحد في الميه اللي عندهم تكييف مركزي في الفيلا او القصور مفتوح 24 ساعة
في حين ان في ناس لحد دلوقت استهلاكها تحت ال 30 جنيه مش اكتر من لمبة و تلفزيون و تلاجة صغيره
الخلاصة الترشيد علي العين و الراس
لكن تحميل الشعب عجز و بخل الحكومة في تطوير البنية التحتية غير مقبول اطلاقا