الموضوع: هل بدأت تظهر عيوب الكيا سيراتو؟

المشاركة الأصلية كتبت بواسطة zezo_22

انا اقولك عن تجربة شخصية العربية بجد جميلة جدا بالنسبة لسعرها على الامكانيات الى فيها
بس فعلا وبعد حوالى 10000 كيلو ابتدت عيوب تظهر فيها واللى لاحظتو انها مش فردية لا كذا حد اشتكا منها
زى مثلا لمبة الايرباج نورة فاجأة غير كدا كنت بسمع صوت تزييق فى العفشة جنط15
العربية مشكلتها فعلا العفشة ومحدش عارف على المدى البعيد يعنى بعد 100000 كيلو هتبقى ازااى
انا بعتها دلوقتى بس فعلا العربية كتير بشتاق انى اسوقها لان سواقتها ممتعة فعلا
ياريت اكون افدت حضرتك وياريت تفكر كويس قبل ما تاخد قرار واسف على الاطالة

ألف شكر على المشاركة

المشاركة الأصلية كتبت بواسطة amr a.salam

العربية معايا بقالها سنة .....ترخيص شهر 8 -2009

وعملت 20 ألف كيلو تقريباً

والحمد لله العربية ما فيهاش مشاكل

ألف شكر على المشاركة وعقبال ال 100000 ألف

المشاركة الأصلية كتبت بواسطة chekooo

السيراتو عربيه تحفه ملهاش اخت بصراحه اعلى من الالنترا فى الكماليات و التظابيط مفهاش عيب والحمدلله ان انا معايا بقلها حوالى 15 يوم انا معايا الكيا السيراتو الكوبيه

ألف شكر على المشاركة و مبروك على السيراتو الكوبية وربنا يعطيك خيرها ويكفيك شرها

المشاركة الأصلية كتبت بواسطة samer_007

اعتقد اني اقدم واحد هيرد عليك واكتر واحد عامل كيلو متر لاني عامل حوالي سنة وشهر و 42000 كيلو

ماظهرش عندي ولا مشكلة واحمد الله واشكر فضلة وانا جنط 16

العربية حلوة وممتعة طول ما الزيت تمام والبوجيهات تمام

تقبل مروري

الف شكر على المشاركة وربنا يباركلك فيها أن شاء الله

المشاركة الأصلية كتبت بواسطة mizo6030

صديقى صاحب الإستفسار أقول لك بكل أمانه انا معايا هاى لاين والعربية ما شاء الله فيها كل المميزات على فكرة انا سقت الإلنترا ومعايا حاليا النيو سيراتو هو الفرق مش كبير قوى بين الإثنين لكن الأفضل سيراتو فخامه ثبات أكتر قوة موتور أكبر شكل جميل ، ولكن انا سقت الإلنترا 2008 بس انا سامع ان 2011 شكلها جديد وتحفه - وبعدين حضرتك داخل تسأل ناس بتموت فى السيراتو وانا أولهم فمش ممكن هقولك روح اشترى إلنترا بس كل إلى أقدر أقدمه لك هذه النصائح :
1. سوق العربيتين من خلال اصدقائك ، تأجير العربية ......
2. صلى صلاة إستخارة

ألف شكر على المشاركة وعلى النصائح الغالية ده اولا

ثانيا حضرتك قولى أسأل فى أى مكان؟ يعنى لو مش كنت اسأل ملاك العربية أسأل مين؟