اقتباس المشاركة الأصلية كتبت بواسطة الريس مشاهدة المشاركة
رأي آخر

هو اللي بيشتغل في الشركات دي و بياخد مرتبات مش موظفين و مهندسين و عمال مصريين

السؤال
حتى لو الشقق و الفيلات دي للاجانب
احنا بنستغل الطلب ده و نشغل بيه ايد عاملة و نفتح بيوت

حاجة تانية
الطالب او الخريج الجديد في اي دولة في العالم
بيتخرج يقعد في استوديو 45 متر بالكتير
و بلاش واحد يقوللي الكويت و البحرين و الامير بيديهم نص مليون دينار و الكلام الفحلقي ده
انا بتكلم على الدول اللي الشباب فيها يعتبر ايد عاملة مش ايد نايمة
كله بيكافح و محدش بيسكن في شقة 150 متر بعد التخرج

سيبك من ده كله
في اليابان
الشقق او البيوت 60 الي 90 متر
و الناس بتيجي مصر بيجيلهم ذهول كتاتوني على المساحات اللي بنسكن فيها

المشكلة فينا
عاوزين كل حاجة على السهل

و مش معنى كده الحكومة حلوة (الحكومة ......................) و هسيبلك النقط تحط فيها كل الشتايم و الصفات اللي تتناسب مع احباطات الناس كلها

بس على فكرة كل واحد مصيره بايده

و ده مش كلام من فراغ
انا من تالتة ثانوي ما اخدتش من ابويا الله يرحمه مليم احمر
و تعبت و شقيت و الحمد لله
بيتي و عربيتي و كل ما املك من فضل الله عليا
ما شاء الله لا قوة الا بالله

و ليا زمايل قاعدين على القهوة من 10 سنين
بيندبو حظهم و يتفرجو على الاعلانات دي و يقولو الكفرة الظلمة و كلام كتير كده
هما اختاروا كده

و اسف اني طولت


كلام ما يخرش المية ...... معاك قلبا و قالبا ......