السلام عليكم
لو سمحت يا رجاله كنت عاوز اعرف مين فيهم الاحسن؟
الجولف 87 ولا الابيزا 94
من حيث الصاج وقطع الغيار والقوه وكل حاجه؟
والابيزا بلدها ايه؟
معلش تقلت عليكم بالاسئله....
عرض للطباعة
السلام عليكم
لو سمحت يا رجاله كنت عاوز اعرف مين فيهم الاحسن؟
الجولف 87 ولا الابيزا 94
من حيث الصاج وقطع الغيار والقوه وكل حاجه؟
والابيزا بلدها ايه؟
معلش تقلت عليكم بالاسئله....
جولف 87 من كل النواحي ..
ايبيزا اسباني ميكانيزم الماني .. جولف الماني ميكانيزم الماني
الف شكر يا باشا
جولف من غيرجدال - بس أهم حاجة الحالة
متشكر يا باشا وربنا يسهل فى موضوع الحاله بتاعت العربيه
الابيزا المانى.... تقفيل و اكسسورات اسبانى
الجولف :هاتدفع اكتر فى موديل اقدم ومش مطلوب
الابيزا : هاتدفع اقل فى نفس الاداء فى موديل احدث و مطلوب
مانا اللى محيرنى ان الابيزا احدث
وشكرا على ردك
جولف جولف جولف طبعاً
شكرا على ردك
golffffffffffffffffffffffffffffffffffffffffffff
شكرا يا باشا
يا جماعه ياريت لو حد عنده جولف 3
يفدنى فى توافر قطع الغيار ومتوسط اسعار قطع الغيار؟ والعربيه تعملها كام دلوقتى؟
واسف لكتر الاسئله
بص كدة على اللينك دة علشان تعرف حدود الأسعار
http://www.car100100.com/search.php?...=&so=car.mo_id
شكرا ليك يا باشا
وانا عارف اللى انا بسأل عن الجولف3 لانى شايف انها احسن حاجه تجمع بين العربيتين اللى انا بتكلم عليهم(مع العلم بفرق السعر)
بس المشكله انها مش منتشره اوى وده يسبب مشكله فى قطع الغيار (من حيث توافرها وسعرها)
فكنت عاوز اعرف هى متوافره ولا لا
عشان لو حاجه لقدر الله باظت معدش الف الكره الارضيه عليها
ابيزا طبعا على اى اساس فى كذا حاجة علشان تعمل مقارنة بين الجولف 2 و الابيزا و على العموم الجولف 2 قطع غيارها متوفرة و موجودة و الجلف ليها متعة خاصة فى سوقتها الى ركب جولف وركب ابيزا ممكن يقلك الجولف طبعا احسن و خاصة لو موتور 1600 أو 1800 Gti العربية الجولف دية عايز اقلك انها تحفة فى سحبها وتسقيط الغيارات فيها تحس فعلا بقوة الموتور الالمانى
شكرا على اهتمامك
بس انا كنت بسأل عن توافر قطع غيار جولف3 مش جولف 2
عشان جولف 3 مش منتشره قوى
وربنا يسهل
بالنسبة لسؤالك عن جولف ولا ابيزا انا عن نفسي كمالك ابيزا 94 اول يد اقدر اقولك الاتنين جامدين انا هعملك تقسيمة و قولي رأيك ايه....
-لو انت عايز جري :تبقي جولف 3 1600 سي سي مش معني كده ان الابيزا مبتجريش لا بس 1600 عن 1300 يفرق
-لو عايز شد و قرص:الاتنين سدادين في الشد و القرص انا مسكت لانوس و كولت عربيات احدث و سي سي أعلي و أحصنة أعلي فرتكتهم و البركة في العزم الشديد....
-الشكل:تبقي الابيزا بدون كلام كتير....
-توافر قطع الغيار:انا مواجهتش اي مشكلة في اي قطعة غيار احتاجتها حتي الكونصول بتاعي لما اتسرق و جالنا تابلوه كامل لان مفيش كونصول لوحده بيتباع مكانش في مشكلة قطع غيار الجولف متوافرة علي حد علمي....
تجربة الاتنين:انا مجربتش الجولف عشان الامانة لكن انا بقولك تجربة والدي ليها و الكلام ده كان من مدة مش بسيطة والدي اداها وصف الوحش لانه جربها في طريق سفر ثبات هايل و جري جامد عن تجربتي للابيزا بستمتع بالعربية دي جدا بداية من سرعة 110كم\ساعة حلو الكلام..110 احساس انك جريك معقول 120 انت بتعدي 130 الله عليكي..140 اديني اكتر تلاقي نفسك بتعدي 1400 و 1600 سي سي 145 العربية استفذتني جامد عايز ادوس ايه الثبات المرعب ده متحسش ان دي 145.......150كم\ساعة يا جمالك يا صراحتك......160كم\ساعة انا طاير و العربية افشة في الارض زي القرد و هو ماسك في امه..............170كم\ساعة و السرعة دي للامانة والدي هو اللي جابها السرعة دي هي اللي خلتني ادي اي حد بالبوكس لو قال الابيزا مش ثابتة...الكلام اللي انا قلته ده احساسي و انا بجري فعلا انا اول ما بركب العربية دي بينتابني احساس اني راكب حبيبتي 318 الشكل القديم بتاع التسعينات وزن خفيف حجم صغير سرعة جميلة و النتيجة ثاااااااااااااااااااااااا بتة
-موقف للدلالة علي الثبات:الطريق:مصر اسكندرية الصحراوي..السرعة:120-130..الحمولة:5 افراد وزن عادي لكن محملة..حرارة الجو:لا تقل عن 40-45 كان يوم حر بغباء..الموقف:انفجار الاطار الامامي يمين علي سرعة تقترب من 130 كم\ساعة...رعب ازلي للركاب منهم انا طبعا العربية منتهي الثبات كان حقها تقلب الله وحده هدي والدي انه يوجه الدركسيون ناحية جزيرة الرمل و نزلنا في الرمل بأمان..النتيجة:المقص الادماني يمين كان حقه يدمر اللي حصله مجرد ثني تم استعداله و مشينا بيه شوية و غيرناه و لحد الان زي الفل....
التحمل و الشقاء:العربيتين دول (جولف-ابيزا) قدرة عجيبة علي التحمل بتجربة كل الناس انا غيرت مساعدين في السنة ال12 غيرت بلي ادام في السنة ال14 هغير كبالن كمان شهر تقريبا (الحاجة اللي اتغيرت كلها كانت فابريقة و الكبالن كمان فابريقة)الموتور بيشقي عامل 391 الف كيلو زيت ال 5000 بيتغير بعد 7000 و ده يبقي قليل وصلت ل 12 الف قبل كده اهمال شديد للعربية نظرا لضيق الوقت الموتور متحتش فيه مفك لحد دلوقتي 391الف كيلو و فابريقة هعمل شنبر الشتاء اللي جاي....
ارجو اني اكون افدتك جامد بالنسبة ل ابيزا و علي اد ما اقدر بالنسبة للجولف الاتنين زي الفل و ربنا يوفقك معلش طولت عليك................
Ibiiiiiiiiiiiiiiiiiiiiiiiiiiiiiiiiiiiiiiizzzzzzzzz zzzzzzzzzzzzzzzzaaaaaaaaaaaaaaaaa For Ever
الجولف 2 وحش من الوحوش
الابيزا تعتبر بنت عمها
ولكن رأيي دور على الحالة الأنظف ويفضل الموديل الأحدث وهذا الكلام ينطبق على الإثنين
جولف 3 مش بتاعت جرى ، حرام ترمى فلوسك فيها
اولا انتا مطولتش عليا خالص انتا افدتنى كتيييييييييييير وانا اللى مفروض اقولك معلش على ايدك اللى وجعتك من الكتابه
فشكرا على اهتمامك وتعاوتك
وجامده اوى التقسيمه اللى انتا عاملها(وافهم من كلامكم انوا لو لقيت ابيزا 1600 يبقى تمام اوى) بس فى سؤال(لما كانت العربيه شايله 5 افراد كانوا اعدين مستريحين فى العربيه؟)
انا لسه شارى جولف 3 من اسبوعين، الموتور 1.8 بس 8V فامخلى العربيه مخنوقه و مش بتجرى، الموتور الوحيد اللى 16V هو الABF و مش هتلاقيه او تروح تجيب Vr6 اللى هو 2.8 بس خرابة بنزين...ده غير ان قطع غيار الجولف 3 مش موجوده فى مصر و العربيه مش منتشره... و زى ماقولتلك، مواتير الجولف 3 مش بتاعت جرى
VR6 & ABF ENGINES IS A bullshit
I`V KILLED THEM BOTH WITH A LITTLE EFFORT
SO HEAVY CARS AND wearisome DRIVING
FORGET THE GOLFS IF YOU WANNA REAL RACING CAR..... AND generally FORGET ANY GOLFS UNDER 90....
BUT IF YOU WANNA MORE reliance MORE COMFORTABLE MORE fashionable CAR
IT`S .......IBIZAAAA
جولف اكيد
وواحد صاحبي بيفكر يبيع عربيته موديل 90
موتور 2000 سي سي تقريبا مش متاكد
يا باشا انا تحت امرك في اي وقت بالنسبة لسؤالك 5 افراد كنا اعدين اعدة معقولة مش ضيقة و مش واسعة بس 5 افراد فيهم حجمين حلوين يعني لو 5 افراد رفيعين هيعدوا عادي مفيش مشاكل و طبعا لو لقيت ابيزا 1600 سي سي انت تمسك فيها بأيديك و سنانك دي هتبقي طلقة بمعني الكلمة لو لقيت الابيزا اللي بتنزل في الخليج 1600 سي سي تبقي بجد طلقة بس متنسانيش في لفة غلاسة و لو لقيت الابيزا 1400 انجكشن موديل 94 و دي نادرة زي ال 1600 سي سي تبقي تحفه برضه
Ibiiiiiiiiiiiiiiiiiiiiiiiiiiiiiizzzzzzzzzzzzzzzzzz zaaaaaaaaaaaaaaaaaaaaa For Ever
جولف جولف جوووووووووووووووووولف
انا عندي رأي
الاول انا كان معايا جولف 2 87
عربيه عضمه بمعني الكلمه قعدت معانا 20 سنه
الابيزا اشيك من جوه تماما وسريعه
بس الجولف اوسع واقوي
ولو تلاقي جولف 1800 وحش
انا كنت بخاف من العربيه من سرعتها
انا علمت علي كل العربيات اللي قابليتني ماعدا البي ام زد 4
عادي هو بيحب يغير العربيات كل شوية هواية
خليك فى الابيزا عن تجربة