يا دكتور حضرتك اكيد اتعاملت مع الناس و قولتلهم انك دكتور سنان تلاقي صوابع اتهام انك السبب فى كل الامراض اللى فى الدنيا فى حين زيارة واحدة لمستشفى الدمرداش هيعرفوا مين مصدر الاوبئة
انا معنديش اعتراض اشرح و افهم العيان و كل عيان بيخش بشرحله و ده عشان اريحه و اعمل سمعة ليا الكلام مفروغ منه
بس بعد الشرح الكتير و بعد 3 زيارات اشرحله و اعيدله نفس الكلام بيسال برضه الحاجة متعقمة و لا لا اكيد بقعد اشرح تانى لكن جوايا ببقى متضايق لان المفروض بيبقى فيه ثقة و هو كمان شاف انا بتعامل ازاى مع الحاجة بس ده اللى فى الموضوع احنا بشر و بنتضايق برضه مش كفاية بتريقوا علينا فى الافلام و يقولك انت فاكرنى دكتور سنان
انا نفسى الناس تخف الاتهامات لدكاترة السنان لان العيادات مبقتش زى الاول و احنا مش فى ارياف عشان يبقى مفيش تعقيم يا جماعه الهاند جل بيقتل الايدز و Hepatitis ما بالكم بالتعقيم بتاع الاوتوكلاف
العيادة اللى مترتاحوش فيها متروحوش و لازم حدة الهجوم (اللى فى مصر عامة ) تقل لان دلوقتى كل بيعقم زى ماقلت فى الاول مع انتشار الاوبئة و الامراض التعقيم حماية للدكتور برضه
و اللى فهم من كلامى انى مبتناقش مع العيان اصححله بس انا بقعد اشرح لغاية لما العيان يزهق و يقوللى صدعت سواء فى خطة العلاج او التعقيم
و فى كل مرة بيسال بجاوب ده حقه عليا لكن زى ما قلت بتضايق لما بحس ان مفيش ثقة