الموضوع: دكتور السنان و العدوى (فوبيا ملهاش لازمة)

نخلص بقى الموضوع ده عشان بتغاظ قوى ان واحد يقوللى الخاجة دى معقمة يا دكتور على اساس انى عايز اموته مثلا ولا مش بخاف من ربنا

حاليا كل الدكاترة بتعقم ادواتها كويس و خلى بالكم اجيبهالكم على بلاطة مش عشان خاطر عيون المريض لا عشان نفسه خاصة مع انتشار الامراض حفظنا و حفظكم الله
الناس كلهم فاكرين ان دكتور السنان ده بيجيب المرض و مخدش بيفكر ان سعادتك ممكن يكون عندك المرض و مش عارف و تنقله للدكتور و لو منقلتوش فى نفس الزيارة لو الدكتور الخروف معقمش ادواته ممكن حتى قبل ما يشتغل على مريض تانى يتشك و يتنقله المرض

اناماشى بمبدا اللى بيحمى الناس ربنا بيحميه انا ياما اتشكيت و انا بادرس لكن ربنا هو الحافظ
فموضوع دكاترة السنان ده الكل بيعقم و بيعقم كويس كمان عشان يحمى نفسه

اما بالنسبة للادوات اللى مابتتعقمش عند دكتور السنان مفيش غير الكرسى و كام حاجة بسيطة low risk instruments باختصار ادوات لا تلامس مكان فيه دم او بتخش فى مكان فى الاصل معقم (تخترق الانسجة يعنى) و دول مابيتعقموش عشان بيبوظوا و كتير منهم دلوقتى Disposable استخدام مرة واحدة بس دول بنعقمهم بال Unisepta و انا باستخدم حاجة تانية اقوى كمان و مش غالى ولا حاجة عشان فى ناس بتقول ان الدكاترة مابيجيبوش الحاجات دى عشان غالية اللى باستخدمة ال 5 ليتر ب 500 جنيه و بيتخفف و بيقعد 6 شهور احسب بقى دكتور السنان بيخش له كام 500 جنية فى الست شهور ما شاء الله و unisepta كان ب 60 جنيه

و الجهاز اللى بيركب فيه البنطة زى ما الناس بتقول عليه (او الشنيور ماعرفش اسامى تانية ليه عامة هى الاداة اللى بناكل بيها من السنة الى بتعمل صوت ازززززززززز) بتخش تتعقم عادى جدا بس فى بعض الدكاترة مقتنعين انها اداة معمرة و لازم ماتبوظش مانكرش انها بتبوظ من التعقيم بس بعد على الاقل سنتين اكون جبت 5 منهم و سعرها الكويس منها من 600 جنيه ل 1500 فى اغلى بس دول بقضو الغرض و برضوا لو استخدموا ال Unisepta او اى حاجة اقوى بتتعقم عشان دى برضوا Low risk Instruments

مش عارف سبب لخوف الناس لدكاترة السنان مع ان بيتعاملوا مع الحلاقين عادى و مع محلات العصير
و تلاقى واحد بياكل من عربية كبدة من الشارع و يقولك ماروحش لدكتور سنان
اترك باب النقاش مفتوح و اى استفسار هارد عليه بمنتهى الشفافية و ادعو زملائى الاطباء البشريين عشان نوعى الناس ان مش بس الالتهاب الكبدى اللى يتخاف منه فى حاجات تانية برضوا لازم برضه نحرص منها