واحد صاحبى جاله ايميل انهم 10 رادارات مش 3 بس
عرض للطباعة
واحد صاحبى جاله ايميل انهم 10 رادارات مش 3 بس
اوبااااااا اقفش ده انا وزمايلى من قريب كنا بنتسابق عليه من القاهره الجديده لحلوان وحمدنا ربنا ان مافيش حد وقفنا اتااااريهم بيسجلوا !! :b4_592:
شكلهم هيطبقوا نظام زي ساهر بتاع السعودية
دة بيدر ملايين
موضوع الرادارات دا زاد عن حدة أوي.. وباين جدا ان الدولة بتعمل الموضوع دا علشان يلمو فلوس خصوصا وان الحكومة مفلسة تقريبا من السرقة ومن الفكر المحدود ومافيش موارد داخلة البلد وبنستورد حاجات بنعملها هنا في مصر احسن مليون مرة زي القمح والرز , وفعلا مصر دلوقتي في أسوء حالتها الاقتصادية وبيلموا دلوقتي فلوس من المواطنين زي الضريبة وزيادة الاسعار في كل حاجة تقريبا وقريب جدا جدا هيغلو الكهرباء ويعملوها بنظام الفئات وبعد كدا البنزين أكيد دا غير مشروع الرادارات ال هيدخل مش اقل من مليار جنية مثلا .
للتوضيح انا من أشد الناس ال بتؤمن بضرورة وجود الرادار ووجود سرعة محددة ومعاقبة المخالفين "بس" بس لازم يكون في يفط توضيحية لكدا يعني يكون في اكتر من يافطة توضح مكان وجود الرادار ولازم تكون اليافطة دي واضحة وضوح تام لقائد السيارة مش يعملوها في الدرة (زي ال بيستخبي في الدرة بالظبط) . في أحد الاعضاء هنا حذر بوجود رادار قبل نفق الثورة علي طول او بعد او يمكن الاتنين مش فاكر باظبط والله انا كل ما عدي من هناك احاول ادور علي يلفطة تحذيرية مفيييش أنسي .
انا فعلا شفتهم هما من بعد تقاطع الدائري مع الاوتوستراد (قبل كارفور بحوالي 4كم) وممتدة لغاية التجمع الخامس ومحططوتين كل 2كم تقريبا انا شفت لغاية دلوقتي حوالي 5 ردارات على كل جنب من الطريق وهما مشابهين للصورة اللي الزميل حططها في الاول بس هما على استاند على هيئة حرف l
مفيش طبعا اي يفط تقول ان في رادار ثابت ذي ماهو معمول على المحور وتقريبا دا علشان لسة مشتغلوش لغاية دلوقتي (لاني بشوف عربيات بتقف جمبيهم بتعمل فيهم شغل) .. بس هما ممكن يشغلوهم في اي وقت.
السؤال بس هو رادار بس ولا معاه كاميرا مراقبة .. لاني شايف فيه شاشتين تحت بعض .. وكمان هو بيظبطة على سرعة كام .. يعني 90 مثلا ويثبتها .. طيب ما النقل الثقيل المفروض سرعته 60 .. ولا هو شغال اذاي بالظبط .. وبعدين هو شغال ليلي ولا نهاري بس .. انا لسة راجع امبارح بالليل من على الطريق وفي ناس كانت طايرة بس مشفتش اي فلاش .. ولا دا ملوش فلاش.
سؤال كمان .. لو حد اتصور هيبعتولة على العنوان بتاعة علشان يدفع الحد الادني للمخالفة ولا هيخلوها لما تروح تجدد وتلاقي عليك اد تمن العربية مخالفات .. سعتها بقي تسلملهم مفاتيح العربية وتمشي.
اخر حاجة بقي .. هما كلهم بيبقوا شغالين ولا واحد واحد ولا اية بالضبط.
ملاحظة .. انا ملاحظ ان عربيات كتير بقت ملتزمة بالسرعات المقررة .. صحيح دي سكتي ليل ونهار .. بس كدة احسن خلى بتوع النقل يتلموا شوية (بغض النظر عن الفكر الابتزازي ضدنا).
عايزين تأكيد للعدد والأماكن
انا شايف ان سرعة 90 كافية جدا علي الدائري لانه زحمة يعني عليه كثافات مرورية عالية طول الوقت وبالذات حركة عربيت النقل والمقطورة وكمان اتوبيسات مدارس وجامعات
يعني اللي بيطالبوا برفع السرعة عن 90 ل 100 او 120 ده هيكون خطر جدا علي اللي سايق العربية نفسه وعمره ما هيقدر يثبت سرعة عربيته علي هذا الرقم ده غير انه هيضطر انه يفضل يعمل غرز لانه عايز يمشي في طريق سالك قدامه ومش عاوز يقف
ومش هيقدر يتحكم في عربيته طول الوقت ولا يلتزم بالحارة اللي هو ماشي فيها
يا جماعة النظام مش وحش بس احنا اللي متعودناش نصدق ان الحكومة ممكن تحط نظام في حاجة وتكون بتفكر لمصلحتنا لأ هي بتفكر لسرقتناااااااااااااااا
اية يا جماعه 120 دى
انا شخصيا مش بثق فى العربيه و لا بثق فى اللى قدامى وبالكتير اوى بجيب ال 90
اية اللى صعب فيها دى
مفيش مانع من الردارات بس المهم يزودوا السرعة شوية زى ماقال د. احمد
انا شايفه ان المفروض السرعه على الدائرى تكون من 100-120 لان الصراحه 90 ديه قليله وكمان الرادار ده يكون للعربيات النقل و الميكروباصات اللى هما اساس كل حادثه على الدائرى ده انا باشوف نقل ماشى فوق ال120 وبيسابق كمان بالعربيه والميكروباصات اللى مش هاممها ارواح البشر اللى معاهم ومقضينها غرز وسرعات عاليه كمان ربنا يكفينا شر الطريق