احذر .. رادار ثابت على الدائري !!

**yahiazakaria** · 27-07-2010 01:23 PM

السلام عليكم

انا بس حبيت اقولكم ان النهارده شفت 8 ردارات جديده ثابته علي الدائري بدايه من الاوتستراد ولغايه السلام والعكس
وكل الناس ماشيه ومش واخده بالها وكلو بيجري والاماكن الي شفتها
1- كارفور
2-نادي الصيد
3-مدينه النخيل
4-واحد قبل النفق الاول وبعده
5-واحد قبل النفق التاني وبعده

بس احتمال يكون فيه كمان يعني نقول 8 وانت رايح و 8 وانت جي يعني تقريبا 16 رادار وبينين جدا علي يمينكو وانو ماشيين

لاني اكيد اتخدت صوره انبارح اكتر من مره لاني معرف ويريت تعرفوا اي حد تعرفوه بيمشي لحسن في تجديد الرخصه يلاقي في يوم واحد متاخد 16 صوره وكل صوره ب 300 ج يعني كده بعد شهر هنبيع عربيتنا عشان ندفع المخالفات الي علينا

**ZALABANY** · 27-07-2010 01:40 PM

غريب جدا الموضوع ده انا اول مره اسمعه ممكن يكونوا بيجهزوهم لكن لسه ما اشتغلوش لان ما ينفعش يحطوا رادارات ثابته من غير يفط تحذيرية زي المحور

**Sharky** · 27-07-2010 01:48 PM

انت متأكد من انهم ردادات و بيتصور ؟؟؟

**venomixus** · 27-07-2010 01:48 PM

أنا معتقدش ان المخالفة بتاعت الرادار بتتصور وتتحسب عليك. عادة بيبقى فيه لجنة بعد الرادار بتكون متبلغة بالعربيات اللي اتلقطت رادار.. ممكن اللي يكون بتصور ويتحسب كمخالفة عند التجديد هي الاشارات اللي فيها كاميرا والله أعلم

**ahmed31031** · 28-07-2010 01:29 PM

عايزين نفهم اكتر الفرق بين الردار والكاميرات .انا لسة متصور علي الدائري انا شفت فلاش وكانت عربية شرطة واقفة علي جمب هل الفلاش منها ولا كان في رادار جمبها؟؟؟؟

**mahmoud_afifi** · 28-07-2010 05:05 PM

السلام عليكم ورحمة الله

ده اول موضوع اعمله على المنتدى ومهم قوي لكل الي بيمشوا على الدائري.
النهارده وانا مروح من اكتوبر للتجمع الخامس واخد الدائري ناحية المعادي لقيتهم بيركبوا رادار ثابت زي الي موجود في محور 26 يوليو بس ماشفتش لوحه تحذيريه قبلها بكيلو زي الي موجوده في المحور. انا شوفت 2 متركبين والتالت كانوا بيركبوه واكيد هيركبوا زياده بس مش عارف هيشتغلوا امتى.

اماكنهم كالتالي:
1- بعد كارفور المعادي بشوية (مش متأكد من المكان بالظبط )
2- قبل معرض مرسيدس الي على الدائري بحوالي 500 متر.
3- قبل مدخل التجمع الخامس ( شارع ال90 ) بحوالي كيلو.

الي يعرف اماكن رادار ثابته غير دول ياريت يقولنا عشان الكل يخلي باله منها.