جمال مبارك يبدأ حملته الدعائية لترشيح نفسه للانتخابات الرئاسية قام الامين العام المسا

قام الامين العام المساعد للحزب الوطنى الديمقراطى السيد جمال مبارك بالقيام بحمته الدعائية استعدادا للدخول فى الانتخابات الرئاسية القادمة فى عام 2011، فى حين قام بعض انصاره باعداد لافتات دعائية مكتوب عليها «الائتلاف الشعبى لدعم جمال مبارك» و«جمال.. ‏مصر»، مما اعتبره الدكتور «حسن نافعة»، منسق عام «الجمعية الوطنية للتغيير»، انطلاقة رسمية لقطار ‏التوريث

وقد اعتبره نافعه هو بداية شعبية تسعى إلى الحصول ‏على توافق شعبى حول «جمال مبارك» كمرشح للانتخابات الرئاسية 2011

وقد صرح مجدى الكردى المنسق العام للائتلاف انه رأى بعد ‏ظهور ملفات فى منتهى الخطورة مثل النوبة والفتنة الطائفية، وظهور البرادعى وتأسيسه جمعية التغيير، دون أى ‏أجندة سياسية.. قررت بمبادرة شخصية منى تأسيس الائتلاف


الخبر دا صح ؟؟

ميتهياليش
معتقدش هينزل قدام ابوه يعني

المصدر غير موثوق فيه

لو كان الخبر حقيقي يبقى عوضنا على الله فى البلد

البلد دى مالهاش كبير ولا اية

الصورة دي من على موقع المصري اليوم
http://ggmedia.gazayerli.net/photo.a...ImageWidth=240

كنت لسه هرفعها يادكتور ااحمد بسانت سبقتنى
للاسف الخبر صحيح

خبر حقيقي

تصدقو انى حلمت امبارح بجمال مبارك انه بيجيلنا البيت وجاب مراته وقاعد بيضحك وبيهزر وعادى

وانا كان نفسى اقوله انتى جاى تعمل اية انا هرشح البرادعى او اى حد غيركو بس مقلتلوش

اقتباس:

---

المشاركة الأصلية كتبت بواسطة a7med_pharma

الصورة دي من على موقع المصري اليوم
http://ggmedia.gazayerli.net/photo.a...imagewidth=240

---

شفت نفس الصوره بس قولت يمكن متفبركه وعمال اقنع نفسى ان الخبر غير صحيح

انا اول ما سمعت الخبر جالى حاله اكتئاب والله
مش عارف البلد هتروح على فين لو هو مسك الحكم
وفعلا اول حاجه نويت اعملها بأذن الله لو مسك الحكم
هدور على اى سبيل للهجره من البلد
نيوزيلاندا -استراليا-كندا
اى حته و يارب تكون مؤهلاتى تخلينى اقبل

اقتباس:

---

المشاركة الأصلية كتبت بواسطة hazoom2006

خبر حقيقي

تصدقو انى حلمت امبارح بجمال مبارك انه بيجيلنا البيت وجاب مراته وقاعد بيضحك وبيهزر وعادى

وانا كان نفسى اقوله انتى جاى تعمل اية انا هرشح البرادعى او اى حد غيركو بس مقلتلوش

---

التفسير :
جمال هيكبس على نفسنا و محدش هيعرف يفتح بقه حتى فى بيته ومع اهله :8954[1]::eee:

اقتباس:

---

المشاركة الأصلية كتبت بواسطة blazer

التفسير :
جمال هيكبس على نفسنا و محدش هيعرف يفتح بقه حتى فى بيته ومع اهله :8954[1]::eee:

---

ده كابوس بقا مش حلم :I_angr1[1]::I_angr1[1]::I_angr1[1]::I_angr1[1]:

اقتباس:

---

المشاركة الأصلية كتبت بواسطة blazer

«جمال.. ‏مصر»،

---

انا شايف ان فيه تغيير

وبدل ماكنا بنقول مبارك مصر حنقول جمال مصر وبكرة يخلف ابنه حلاوة
عشان عيالنا يقولوا حلاوة مصر

والتغير التانى انك لما تخش اى مصلحة حكومية حتلاقى صورة جمال مصر متعلقة على الحيط
بدل صورة مبارك مصر

فى تغير احلى من كده

الخبر صحيح والاخ الكريم الفاضل اللى بيقول انه هيترشح قدام ابوه الكلام ده مش هيحصل
لكن السيناريو المتوقع والله اعلم ان لم يترشح مبارك للفتره القادمه ويقول انه سوف يستريح ويتنازل عن الرئاسه وتقوم الدوله بعمل انتخابت (((((( نزيهه))))) على كلامهم يقوم الحزب الوطنى مرشح جمال مبارك وطبعا هينجح بأغلبيه الحزب الوطنى اللى هتكتسح النتخابات مجلس الشعب ويعوض ربنا ولكن ((( الظالم سيف الله فى الارض.. ينتقم به ثم ينتقم منه)))
وإن الله لا يغير ما بقوم حتى يغيروا ما بأنفسهم

اقتباس:

---

المشاركة الأصلية كتبت بواسطة hazoom2006

خبر حقيقي

تصدقو انى حلمت امبارح بجمال مبارك انه بيجيلنا البيت وجاب مراته وقاعد بيضحك وبيهزر وعادى

وانا كان نفسى اقوله انتى جاى تعمل اية انا هرشح البرادعى او اى حد غيركو بس مقلتلوش

---

خير اللهم إجعله خير

كابوس رهيب ..الحمد لله إنك صحيت قبل مايتحقق

انا عندى تفسير تانى للحلم


ياحلو بانت لبتك بعد ما دابت قشرتك

اقتباس:

---

المشاركة الأصلية كتبت بواسطة momo_sunny

انا عندى تفسير تانى للحلم


ياحلو بانت لبتك بعد ما دابت قشرتك

---

كده اديني في الهايف وانا احبك يا فننس :36_1_40[1]:

خير خير اللهم اجعله خير ان شاء الله

يا ساتر يا رب اية الكوابيس دى هيبقى فى الحقيقة ابوه وفى الحلم جمال نروح فين بعد كده

اقتباس:

---

المشاركة الأصلية كتبت بواسطة A7MED_PHARMA

خير اللهم إجعله خير

كابوس رهيب ..الحمد لله إنك صحيت قبل مايتحقق

---

ههههههههه
تصور يا دكتور تصحى تلاقيه فاتح الصيدليه و بيراجع على الحساب هو والدكتوره اياها :049:

صحيح محدش قالى مين اللى ناوى يهاجر معاى؟:rolleyes2::rolleyes2:

اول واحد ومهاجر معاك اى مكان لو حتى الصومال

او ماخد شهاده التاجيل بتاعه الجيش ان شاء الله


البلد دى مبقاش لنا فيها حاجة

اللي عمل الائتلاف ده شخص عادي وواضح إن حد زقه..لكن رسميا..إلى الآن لم يعلن إن جمال مبارك سيدخل الانتخابات...رأيي كان وما يزال إن الأمر صعب جدا جدا جدا

مش فاكر برنامج اية كنت بشوفة واتصلو بمجدي الكردي وكان بيقول ان دي حملة قومية بتستهدف جمع اصوات الأغلبية الصامتة علشان يدفعو بجمال مبارك انة يرشح نفسة لأنة مش عايز ومش هو المحرك للحركة دي

يعني بختصار كدة الأغلبية الصامتة أصواتها هتروح لجمال مبارك والله أعلم

يا تري مين مستني في الكواليس؟!

اقتباس:

---

المشاركة الأصلية كتبت بواسطة بحري

اللي عمل الائتلاف ده شخص عادي وواضح إن حد زقه..لكن رسميا..إلى الآن لم يعلن إن جمال مبارك سيدخل الانتخابات...رأيي كان وما يزال إن الأمر صعب جدا جدا جدا

---

أول الغيث ..قطــــرة
....ومفيش حاجة صعبة في مصر
قانون الطوارئ بقاله عقوووود في مصر..وعادي
الأسعار بتتضاعف ..وعادي
مية النيل هتتسرق مننا ..وعادي
الضرائب بتتضاعف..وعادي

كله عادي في مصر

اقتباس:

---

المشاركة الأصلية كتبت بواسطة pro_samir

مش فاكر برنامج اية كنت بشوفة واتصلو بمجدي الكردي وكان بيقول ان دي حملة قومية بتستهدف جمع اصوات الأغلبية الصامتة علشان يدفعو بجمال مبارك انة يرشح نفسة لأنة مش عايز ومش هو المحرك للحركة دي

يعني بختصار كدة الأغلبية الصامتة أصواتها هتروح لجمال مبارك والله أعلم

---

ماهي الأغلبية الصامتة دي تفضل ساكتة ساكتة وأول ما تتعلم تنطق تقول: جماااااال

الموضوع فيه تعقيدات كتير يا دكتور فارما...وناس كتير في الحرس القديم مش راضيين..وبرضه أجهزة تانية شايفاه مينفعش

اخر اخبار البرادعى انه هيبدا حمله لما فى رمضان علشان المطالبة بالتغيير وجمع التوقيعات

انا متفائل خير بالراجل ده عاش بره وعارف الحكومات المتحضره بتعامل الشعب ازاى او على الاقل يكون نواه التغيير لرئيس افضل

اقتباس:

---

المشاركة الأصلية كتبت بواسطة بحري

ماهي الأغلبية الصامتة دي تفضل ساكتة ساكتة وأول ما تتعلم تنطق تقول: جماااااال

---

الاغلبيه الصامته دى تاخد جنيه تقول جمال تاخد عشره تقول علاء تاخد ميه تقول حسني

ربنا يرحمنا انا مخنوق جدا من الخبر

[justify] [/justify][justify][/justify][justify][/justify][justify]

يا جمااااال مصر
:36_7_4[1]::beatdeadhorse5::36_7_4[1]:

[/justify]

انا مرة ظابط ربنا يمسيه بالخير قالى جمال ده دلوقتي سنة وهيقلب بفرض...كان نفسي اقوله( ان الحكم الا لله) بس مكانتش الأية حاضرة في ذهني.

حسبنا الله ونعم الوكيل

السلام عليكم ورحمة الله وبركاته

أنا مرة من مدة كنت قلت لواحد راجل هنا , أن فى سوريا كان الرئيس حافظ الأسد و لما مات , جه ابنه بشار الأسد و عندنا فى مصر , الرئيس هو حسنى مبارك و سواء مات أو ما ماتش , هييجى ابنه جمال مبارك:I_angr1[1]:, فالراجل بصلى كده و قاللى , ان ده شئ طبيعى فى النظام الملكى - كان فاكر أن مصر مملكة :8954[1]:- زى أسبانيا و انجلترا و السويد و اليابان و السعودية و الدول دى, بس كان فى حاجة غريبة اوى محيراه :11:, هى أن ازااااااااااااااااااى جمال مبارك يمسك الحكم و أبوه الملك - قصدى الرئيس - حسنى مبارك لسه عايش , فأنا رديت عليه و قولتله أن اصلااااااااااااااا نظام الحكم فى مصر Republic مش Kingdom زى الدول اللى هو كان قايل عليها , قام بصلى كده و عنيه برقت و افتكرنى بشتغله و بستهزئ بيه و سابنى و دور وشه الناحية التانية .

حاولت أحلفله ميت أميييييييييييييييييين أنى ماعرفش ميرفت يمين .

برضه ماصدقنييييييييييييييييييي ييش .

عنده حق برضك .

مازيراتى كواتروبورتيه

طيب يا جماعة
مين شايف "شخص" معروف أو غير معروف يصلح لحكم مصر؟
انا لست مع التورييث أو حكم التهييس أو نسيبها للظروف ونقع فى واحد ما يعلم به إلا ربنا

عندك مثلا الدكتور "السيد البدوي" بتاع "مسلسلاتك عندنا" ناوي يرشح نفسة
أنا بصراحة مش شايف حد ينفع ....
وحتي الناس إللى كنت فاكر إنهم يصلحوا زي " أيمن نور" و "عمرو موسى" وجدتهم لا يصلحون عندما تابعت كلامهم ومقالاتهم بدقة ... الأول ضعيف ولا يستطيع السيطرة على حزبة والثاني لا يجرؤ على مخالفة النظام ....
والبرادعي ... مش مقتنع به خالص
طيب مين ينفع ...
خلينا نعمل نقاش إيجابي بدون خلاف فى الرأي ...
"إزاي الشعب يشوف مجموعة من الرموز ويختار فيما بينهم من يصلح لقيادتة"

اقتباس:

---

المشاركة الأصلية كتبت بواسطة fouad ezz

طيب يا جماعة
مين شايف "شخص" معروف أو غير معروف يصلح لحكم مصر؟
انا لست مع التورييث أو حكم التهييس أو نسيبها للظروف ونقع فى واحد ما يعلم به إلا ربنا

عندك مثلا الدكتور "السيد البدوي" بتاع "مسلسلاتك عندنا" ناوي يرشح نفسة
أنا بصراحة مش شايف حد ينفع ....
وحتي الناس إللى كنت فاكر إنهم يصلحوا زي " أيمن نور" و "عمرو موسى" وجدتهم لا يصلحون عندما تابعت كلامهم ومقالاتهم بدقة ... الأول ضعيف ولا يستطيع السيطرة على حزبة والثاني لا يجرؤ على مخالفة النظام ....
والبرادعي ... مش مقتنع به خالص
طيب مين ينفع ...
خلينا نعمل نقاش إيجابي بدون خلاف فى الرأي ...
"إزاي الشعب يشوف مجموعة من الرموز ويختار فيما بينهم من يصلح لقيادتة"

---

الناس الكويسه كتيير وموجودين
بس النظام عامل لبعضهم تهميش من النشاط السياسى والاجتماعى و حبع عامل ليهم ارهاب وحبه فى السجن و حبه طفشوا من البلد وحبتين تلاته اربعه خايفين يفتحوا بقهم من الاصل
الخير فى وفى امتى الى يوم الدين
الكويسين موجودين بس احنا اللى منعرفهمش :11:

اقتباس:

---

المشاركة الأصلية كتبت بواسطة fouad ezz

طيب يا جماعة
مين شايف "شخص" معروف أو غير معروف يصلح لحكم مصر؟
انا لست مع التورييث أو حكم التهييس أو نسيبها للظروف ونقع فى واحد ما يعلم به إلا ربنا

عندك مثلا الدكتور "السيد البدوي" بتاع "مسلسلاتك عندنا" ناوي يرشح نفسة
أنا بصراحة مش شايف حد ينفع ....
وحتي الناس إللى كنت فاكر إنهم يصلحوا زي " أيمن نور" و "عمرو موسى" وجدتهم لا يصلحون عندما تابعت كلامهم ومقالاتهم بدقة ... الأول ضعيف ولا يستطيع السيطرة على حزبة والثاني لا يجرؤ على مخالفة النظام ....
والبرادعي ... مش مقتنع به خالص
طيب مين ينفع ...
خلينا نعمل نقاش إيجابي بدون خلاف فى الرأي ...
"إزاي الشعب يشوف مجموعة من الرموز ويختار فيما بينهم من يصلح لقيادتة"

---

معلش بس ازاى مش شايف حد يصلح
وممكن توضح ازاى حضرتك مش مقتنع بالبرادعى

اقتباس:

---

المشاركة الأصلية كتبت بواسطة بحري

ماهي الأغلبية الصامتة دي تفضل ساكتة ساكتة وأول ما تتعلم تنطق تقول: جماااااال

الموضوع فيه تعقيدات كتير يا دكتور فارما...وناس كتير في الحرس القديم مش راضيين..وبرضه أجهزة تانية شايفاه مينفعش

---

قصدك مين بالحرس القديم يا أستاذ بحرى ؟؟ القوات المسلحة؟

اقتباس:

---

المشاركة الأصلية كتبت بواسطة seiffoz

قصدك مين بالحرس القديم يا أستاذ بحرى ؟؟ القوات المسلحة؟

---

الحرس القديم = الشله القديمه
شله الرئيس السابق ومدرسه الحكم العسكرى

اقتباس:

---

المشاركة الأصلية كتبت بواسطة hazoom2006

معلش بس ازاى مش شايف حد يصلح
وممكن توضح ازاى حضرتك مش مقتنع بالبرادعى

---

من ضمن الحاجات الكويسة اللي في البرادعي:
1. محاولته للاتصال بالجماهير مباشرة وليس عن طريق الاحزاب والكلام الفاضي ده.
2. عاش برة وشاف النظام وشاف الاحترام وشاف قيمة البني آدم هناك.
3. راجل شبعان ماديا واجتماعيا وله ثقل واحترام دولي كبير.
4. المطالب السبعة للتغيير هي مطلب الشعب المصري من 30 سنة

الحاجات اللي مش عاجباني فيه اللي أنا شايفها:
1. مرجعيته في تطبيق الشريعة الإسلامية.
2. التهتهة في الحديث وده شئ مش كويس بالنسبة لرئيس جمهورية (إن شاء الله).

رأيي الشخصي: هو أحسن مليوووووووووووووون مرة من اللي موجودين على الساحة.

اقتباس:

---

المشاركة الأصلية كتبت بواسطة thedeveloper87

من ضمن الحاجات الكويسة اللي في البرادعي:
1. محاولته للاتصال بالجماهير مباشرة وليس عن طريق الاحزاب والكلام الفاضي ده.
2. عاش برة وشاف النظام وشاف الاحترام وشاف قيمة البني آدم هناك.
3. راجل شبعان ماديا واجتماعيا وله ثقل واحترام دولي كبير.
4. المطالب السبعة للتغيير هي مطلب الشعب المصري من 30 سنة

الحاجات اللي مش عاجباني فيه اللي أنا شايفها:
1. مرجعيته في تطبيق الشريعة الإسلامية.
2. التهتهة في الحديث وده شئ مش كويس بالنسبة لرئيس جمهورية (إن شاء الله).

رأيي الشخصي: هو أحسن مليوووووووووووووون مرة من اللي موجودين على الساحة.

---

الكرسي بيغير كتييييير
أعتقد الرئيس نفسه كان عند توليه الحكم كان يظن أنه لن يستمر كل هذه المدة ( بس الكرسي فتنة )
فتنة السلطة
اللهم ولي من يصلح

اقتباس:

---

المشاركة الأصلية كتبت بواسطة nasr-eldeen

الكرسي بيغير كتييييير
أعتقد الرئيس نفسه كان عند توليه الحكم كان يظن أنه لن يستمر كل هذه المدة ( بس الكرسي فتنة )
فتنة السلطة
اللهم ولي من يصلح

---

معاك تماما!

بس نشوف وجه جديد

زهقنا خلاص!!!!!

جس نبض الشعب

فس الطريقة الي اتعملت على البنزين

المشكلة إن أنصار البرادعي نفسه على طريق تحويله لفرعون جديد

مؤيد للبرادعي تبقى وطني وحر وديموقراطي وحابب البلد وعاوزلها الخير
رافض للبرادعي تبقى خائن واستبدادي وعميل للحكومة وكاره البلد وعاوزلها الشر
نفس ثنائية إنت معانا وللامع التانيين..
قلت في مشاركة سابقة أن هذه البلد لم تكف يوما عن صناعة الفراعنة

اقتباس:

---

المشاركة الأصلية كتبت بواسطة بحري

المشكلة إن أنصار البرادعي نفسه على طريق تحويله لفرعون جديد

مؤيد للبرادعي تبقى وطني وحر وديموقراطي وحابب البلد وعاوزلها الخير
رافض للبرادعي تبقى خائن واستبدادي وعميل للحكومة وكاره البلد وعاوزلها الشر
نفس ثنائية إنت معانا وللامع التانيين..
قلت في مشاركة سابقة أن هذه البلد لم تكف يوما عن صناعة الفراعنة

---

فى ايه فى القران الكريم
كان فيها وصف عن الفراعنه هحاول اتذكرها واكتبها
كل اما اقراها اقول احنا اللى عملنا كدا فى نفسنا

اقتباس:

---

المشاركة الأصلية كتبت بواسطة fouad ezz

طيب يا جماعة
مين شايف "شخص" معروف أو غير معروف يصلح لحكم مصر؟
انا لست مع التورييث أو حكم التهييس أو نسيبها للظروف ونقع فى واحد ما يعلم به إلا ربنا

عندك مثلا الدكتور "السيد البدوي" بتاع "مسلسلاتك عندنا" ناوي يرشح نفسة
أنا بصراحة مش شايف حد ينفع ....
وحتي الناس إللى كنت فاكر إنهم يصلحوا زي " أيمن نور" و "عمرو موسى" وجدتهم لا يصلحون عندما تابعت كلامهم ومقالاتهم بدقة ... الأول ضعيف ولا يستطيع السيطرة على حزبة والثاني لا يجرؤ على مخالفة النظام ....
والبرادعي ... مش مقتنع به خالص
طيب مين ينفع ...
خلينا نعمل نقاش إيجابي بدون خلاف فى الرأي ...
"إزاي الشعب يشوف مجموعة من الرموز ويختار فيما بينهم من يصلح لقيادتة"

---

فى ناس كتير جدا ينفعوا
على راسهم الدكتورحسن نافعة
الدكتور البرادعى
الاستاذ الدكتور اسامة الغزالى حرب
الاستاذ حمدى قنديل

وحتى لو دول مينفعوش فممكن يكونوا حكام لفترة انتقالية تمهيدا لتعديل الدستور وتهييئى الاجواء السياسية لانتخابات حرة نزيهة زى محصل فى قرغيزيا واوكرانيا وجنوب افريقيا وغيرة
انما التوريث والتخلف دة شئ لا يحتمل نحن لسنا ملكا ولا حكرا على بعض الاشخاص ليحكمونا ما يقرب من نص قرن هو احنا مش من حقنا يكون عندنا رئيس سابق

اقتباس:

---

المشاركة الأصلية كتبت بواسطة بحري

المشكلة إن أنصار البرادعي نفسه على طريق تحويله لفرعون جديد

مؤيد للبرادعي تبقى وطني وحر وديموقراطي وحابب البلد وعاوزلها الخير
رافض للبرادعي تبقى خائن واستبدادي وعميل للحكومة وكاره البلد وعاوزلها الشر
نفس ثنائية إنت معانا وللامع التانيين..
قلت في مشاركة سابقة أن هذه البلد لم تكف يوما عن صناعة الفراعنة

---

ايوة بس البرادعى لو نجح وغير القانون والدستور حيبقى مينفعش يبقى فى فرعون اخر وحيبقى اخرة فترتين ومن غير تزوير فى الانتخابات وبوجود اشراف قضائى كامل
يعنى احنا نطول بس هو يجى بس الاول وبعد كدة نبقى نشوف اية ميتة
انا بس اللى مش عجبنى الخلافات اللى بين اعضاء الجمعية وبعضهم بيسعى للحصول على صفقات من الحكومة وخلاص

مطالب الجمعية ::::

1. نهاء حالة الطوارئ
2. تمكين القضاء المصرى من الاشراف الكامل على العملية الانتخابية برمتها.
3. الرقابة على الانتخابات من قبل منظمات المجتمع المدنى المحلى والدولى.
4. توفير فرص متكافئة في وسائل الإعلام لجميع المرشحين وخاصة في الانتخابات الرئاسية.
5. تمكين المصريين في الخارج من ممارسة حقهم في التصويت بالسفارات والقنصليات المصرية.
6. كفالة حق الترشح في الانتخابات الرئاسية دون قيود تعسفية اتساقاً مع التزامات مصر طبقاً للاتفاقية الدولية للحقوق السياسية والمدنية، وقصر حق الترشح للرئاسة على فترتين.
7. الانتخابات عن طريق الرقم القومي. ويستلزم تحقيق بعض تلك الإجراءات والضمانات تعديل المواد 76 و77 و88 من الدستور في أقرب وقت ممكن.