الموضوع: يا عزيزي .... كلنا جمال مبارك

يبقى لازم يحصل تغيير والتغيير يكون من فوووق

لان اللى فوق لما يتغير اللى تحت هو كمان لازم يمشى مع اللى فوق فى التغيير

لكن لو اللى تحت هو اللى اتغيير اللى فوق ولا هيكون على باله

المشاركة الأصلية كتبت بواسطة osoliman88

أنا مش عارف ليه الناس كلها محملة على جمال مبارك وحسني مبارك، وكأن البلد حتطلع للسماء لو الناس دي مشيت أو ماتت ....

بص كده حواليك حتلاقي 80 مليون جمال و80 مليون مبارك ....

لو كنت ترى أن جمال مبارك مستغل لسلطة أبيه وبيمرح في البلد زي ما هو عاوز... بص كده حواليك .... حتلاقي جمال مبارك في إبن ناظر المدرسة .... وإبن مديرك في الشغل اللي مش فاهم حاجة وعمره ما حيفهم حاجة... وإبن مأمور القسم ، وإبن رئيس النادي ، وإبن عميد الكلية ........الخ.

رئيس الجمهورية متمسك بالسلطة وكرسي الرئاسة .... بص كده حواليك حتلاقي رئيسك في الشغل هو كمان متبت في الكرسي وعنده إستعداد يعمل كل حاجة ويبيع أبوه علشان يحافظ على منصبه ........ عادي

يا إخوان الوضع في مصر على المستوى الأخلاقي الإجتماعي في حالة إنهيار ، ويسير من سئ الى أسواء ، والله ما في أمل ، وكل الموجودين كدابين زفة ومنافقين ، وبتوع منظرة وتمثيل (طبعا الا من رحم ربي والله اعلم مين هو )

والله أنا لما بشوف اللى بيحصل حاليا بينا وبين بعض في كل شئ في الشارع في النادي في الشغل ، أنا بلاقى إن الشعب تقريبا – إلا من رحم ربي – والله وما يفرق حاجة عن جمال مبارك أو الرئيس نفسه .... القضية إن كل واحد حسب اللى بيقدر عليه.

والله أعلم

متفق معاك تماما .... "لو كنتم أخيارا لوليتم خياركم"

ازاى بس

هوضح وجهه نظرى بمثال

لو انت فى الشغل وملتزم فى شغلك وبتعمل اللى عليك وزياده ومراعى ربنا فى شغلك والمدير بتاعك غير ملتزم ولا بيعمل اى حاجة وبيجى متاخر وبيروح بدرى تفتكر لو المدير شافك هتاثر فيه ابدا هيقول هو ماله مموت نفسة على الشغل ليه هيه الدنيا هتطير
طب لو العكس المدير الملتزم وبيعمل شغله بضمير الموظف لازم هيعمل شغله كله وهيتاثر بالمدير

القائد لازم يكون قدوة المدير لازم يكون قدوة الاب لازم يكون قدوة وهكذا .....

لسة فيه امل.

المشاركة الأصلية كتبت بواسطة osoliman88

يا إخوان الوضع في مصر على المستوى الأخلاقي الإجتماعي في حالة إنهيار ، ويسير من سئ الى أسواء ، والله ما في أمل ، وكل الموجودين كدابين زفة ومنافقين ، وبتوع منظرة وتمثيل (طبعا الا من رحم ربي والله اعلم مين هو )

هو الخطاب ده موجه.

المشاركة الأصلية كتبت بواسطة wahba87

بلاش نبرة الاستسلام , كن انت التغيير الذى تصبو اليه

و اذا فسد الراعى .. فسدت الرعية

1+