أنا ممكن أروح أى يوم بعد يوم الاثنين نظراً لظروف العمل
عرض للطباعة
ان شاء الله هايكون خير يا استاذ خالد وبخصوص التكيف معايا اداءة افضل على الطريق السريع وانا حاليا داخل على 7000 المهم ان شاء الله نطمئن على حضرتك عما قريب بعد الكشف.
ان شاء الله خير
انت عملت كام كيلو لحد دلوقتى
ابقى طمنا
وبالتوفيق ان شاء الله
اشكركم جميعكم لمروركم والمشاركة الفعالة فى هذه المشكلة وخصوصاُ الابنة العزيزة أ. نهلة التى اهتمت بالموضوع كما لو كانت المشكلة فى سيارتها وتابعت معايا المشكلة لحظة بلحظة
وفعلاُ زى ما هى قالت : الموضوع حايبان بالتجربة ... قابلتنى بالمهندس محمد سمير لأن المهندس محمد هاشم كان تعبان النهارده وطلعنا بالعربية وجربناها على الطريق ,,, والطريق عبارة عن منحدر (جربناه مرتين طالع-نازل-توقف ثم حركة من الثبات ثم طوالى ... ) وبدأ المهندس محمد يورينى أقل سرعة يجب تغيير النقلة عندها .. لأن العربية تقيلة وتحتاج الى عزم أشد عشان تاخد الغيار التانى ولاحظت ان ال rpm بيكون 3500-4000 علشان يغير النقلة
والظاهر ان ده العادى قى الكارينز زى ما حضراتكم ذكرتم :
ولأن الساعة كانت 8.30-9 صباحاٌ ... فالجو ماكانش حار عشان نحكم على درجة التبريد ... لكن هو نصح انى اخلية على max AC - وهذا متوافق مع رأى حبيبنا المهندس احمد اسماعيل وكما ذكر أ. ايهاب عثمان عن اداء العربية والتكييف فى الطريق المزدحم
وبعد انتهاء التجربة ... المهندس محمد قال حاندخل نكشف علي الموتور ودورة التبريد عشان نطمئن أكثر
العربية دخلت السنتر عشان الكشف وانا انتظرت فى الاستراحة وبعد ساعة بالضبط اتصلت بى أ. نهلة وبلغتنى بأن العربية تمام والحمد لله وعملوا لها تنظيف للبوجيهات
حادث عارض : بطارية ال remote بتاع جهاز الانذار خلصت على حظى والعربية جالها هستريا الانذار ومش عاوز يسكت .. لما جيت استلم العربية أ. نهلة قالت لى احنا اضطرينا نفصل ال power عن جهاز الانذار لغاية ما يتصلح
فأنا قلت لها الجهاز سليم ,,, المشكلة فى ال remote وانا عندى واحد تانى فى البيت spare
قامت مشكورة باستدعاء أحد المهندسين عشان يورينى مكان ال power cable واركبه ازاى فى البيت لما أروح وفعلاُ قعد يشرح لى مكان ال brain unit بتاعة الانذار وال cables الواصلة ليها وشرح لى ازاى اركب كل حاجة فى مكانها ... طبعاً الكلام ده أخذ حوالى نصف ساعة زيادة
وأول ما روحت البيت جبت ال remote التانى ووصلت ال power وكل حاجة تمام
مرة تانية اشكركم لاهتمامكم بالرد وآسف للاطالة ,,, وأكرر شكرى للأبنة العزيزة أ. نهلة لوقوفها معايا من أول ما وصلت هناك لحد ما مشيت
واشكر كمان المهنس محمد سمير والمهندس احمد على صبرهم معايا فى تجربة العربية والرد على كل الأسئلة والاستفسارات وشرح فك وتركيب جهاز الانذار
فى رأيى مركز القطامية مع انه اصغر من مركز ابو رواش فى الحجم الا انهم بيقدروا يحققوا المعادلة الصعبة فى خدمة أكبر عدد من السيارات فى أوقات قياسية ... بمعنى آخر الأداء عندهم أسرع من مركز ابو رواش بكتيييييييييييييير واستقبال العملاء عندهم مختلف برضه عن أبو رواش
على فكرة انا عامل 7600 كم - وناوى ان شاء الله اعمل صيانة ال 10000 عندهم
الكلام دة قاسى جدا مش قادر اقتنع
الحمد لله انك اطمنت يا أ خالد و شكلى كده الصيانه الجايه هتكون فى القطاميه ان شاء الله .. اقربلى من ابو رواش :)
المهم العربية بقت تمام يا أستاذ خالد؟
السحب بقه أحسن والتكييف بقى أحسن؟
ومبروك عليك الصيانة السريعة :)
الله يبارك فيك يا أ. محمد
السحب بالنسبة للأولانى والتانى اتحسن كتير و أحسن من الأول فعلاً ...
انما التكييف زى ما هو فى السرعة البطيئة والطريق الزحمة
النهارده مشيت فى زحمة صلاح سالم وكان تأثير التكييف ضعيف والعربية من الداخل عاملة زى صندوق بلاستيك ساخن.. بعد كده طلعت على شارع الثورة وأول طريق السويس وجريت بسرعة فتأثير التكييف اتحسن كتير فعلا مع الجرى وبلاستيك التابلوه والأبواب بدأ يبرد بالتدريج
أنا نفسى واحد من مالكى الكارينز يقابلنى فى اليومين الحر دول على طريق صلاح سالم عند المعرض أو فى معركة أول عباس بين الساعة 2 و 3 ونشوف الفرق
انتم فين يا كارينزاوية ؟؟؟؟؟؟ Heeeeeeeeeeeeeeelp