تحت أمرك يا أ /خالد آجى لك والله
عرض للطباعة
بارك الله فيك يا دكتور انا اللى آجى لك لحد عندك ,,, أخبار حضرتك ايه ؟
الحمد لله يا أ/ خالد
كل سنه وحضرتك طيب
مصيف سعيد وممتع ان شاء الله ولما ترجع بالسلامة نتقابل
وكل سنة وحضرتك وجميع الأخوة طيبين
والله كان نفسى يا أستاذ أبو ليلى .. لكن ظروف الشغل الجديد مخليانى مش عارف راسى من رجلى
غير كده استعدادات رمضان عاملة لى دربكة شديدة
يا ريت المقابلة اللى فاتت كانت فى المكان الرائع اللى حضرتك اخترته ... نصيب
بصراحة مجهوداتك مع المنتدى ودعوتك الكريمة لا أملك سوى الاستجابة لها
لكن الظروف ... سامحنى
وكل عام وحضرتك وجميع أعضاء المنتدى بخير
انا فعلا مستغرب جداااا جدااااااا
تكييف الكارينز مش قد كده!!!!!! انا كنت فاكر انها هتكون فريزر
دا الماتريكس التكييف يتلجك حتى لو درجة الحرارة بره 45 درجه
و بامانه و العربية واقفه سلانسيه التبريد بيكون ممتاز
اما باقى كلامك بيحسسنى انك بتتكلم على ال i10 فيها نفس الاعراض تماما
عايز اقولك ان حتى لو مكونات التكييف فى الكارينز زى الماتريكس بس الاختلاف ان حوض الموتور مختلف من حيث الاتساع و انسياب الهواء لان الهوايات مختلفة فى كل حاجه ما بين اى عربيتين و اماكن كل حاجه و تأثيرها على بعضها (من حيث الحرارة) و زى ما قال الاخ وجود مروحتين بيفرق عن واحده
دا عيب ال i10 بالنسبة للماتريكس لو بنقارن الاداء بغض النظر عن 1600 و 1100
لو فى يوم شمس و حر افتح كابوت الماتريكس و افتح ال i10 فى ال i10 معرفش المس اى حاجه حتى الفبر جوا و البلاستيك درجه حرارتهم فوق ال 50 درجة و دا طبعا يأثر على تبريد التكييف بشكل غير عادى
تأقلم مع عربيتك و افتكر الحمد لله ان فى تكييف اصلا
المشكلة انى مش قادر اقيم التكييف تقييم مطلق ... عشان كده طلبت أقابل أى من الأخوة مالكى الكارينز عشان نقارن ونشوف عندهم زى عندى وللا أنا عندى مشكلة فى التكييف ؟
صباح الفل .....
انا حتصل بيك بالتليفون ان شاء الله