طابلون الصنى لم يتغير منذ سنة 2000 حتى الان

**ahmed_52869** · 29-07-2010 03:21 AM

لماذا حتى الان لم يتغير شكل الطابلون فة نيسان صنى من 2000 2010 ؟

**noon_eg** · 29-07-2010 04:21 AM

استاذى الفاضل

العربيه الصنى الى يتم تجميعها فى مصر عربيه بمكونات اساسيه يابانيه وتجميع مصرى مقبول وسعر رخيص مقارنه بنفس الفئه يابانيه الصنع

علشان كده اللى بيدور على فخامه تابلوه او منظر ما يفكرش فيها -- لانها فيها بعض العيوب من حيث التقفيل
المساله خرجت بره نطاق التلبوه قديم ولا جديد

**Moh_Tawab** · 29-07-2010 09:04 AM

بصراحه عند سياتك حق - فعلا الطابلون قديم شويه بس مش وحش اوى - مع الوقت سياتك هتحس انه مقبول - بس نصيحه متحاولش تركب عربيه تانى جديده زى السيفك لانك هتحس انك راكب عربيه قديمه وان طابلونها قديم جدا من سنة 2000 - بس فعلا الصنى من العربيات الناجحه جدا فى مصر ورحيصه لدرحة انك ممكن تنسى قدم الطابلوه

**karaktar** · 29-07-2010 11:40 AM

بصراحة ده اللى غايظنى فى الصنى كل اما ابص للعربية من برة اقول حرام التابلو القديم ده يركب فيها تحس انه من ايام التسعينات تابلو بدائى الصراحة بس انا شوفت الصنى الخليجة تابلو مختلف ومتور عن ده وكمان الدركسيون شكلو اجمل
اتمنى انهم يهتمو بصالون الصنى شوية بجد لو غيرو من شكلو العربية هاتكون ممتازة بمعنى الكلمة

**egypt0777** · 29-07-2010 12:45 PM

فكرة ممكن التوكيل يبقى يعمل تعديل فى الموديلات الجاية

و هو كله مصلحة لينا

بس من جهتى موضوع الطابلوه ده مش فارق معايا

المهم انه موضح كل حاجة انا عاوزها

**Bishoy.Girgis** · 29-07-2010 01:40 PM

انا شايف ان الطابلوه اكتر طابلوه منسق جدا و كل حاجه في ايدك في ثانيه و كمان فيه وحدات تخزين كتير جدا

**Ahmed.TV** · 29-07-2010 03:49 PM

فعلا من وجهة نظرى المتواضعة , انا شايف ان الطابلوه قديم , كشكل ,نفسى يحدثوا شكله ,وكمان يركب كاسيت عريض شوية او يكون ليه مكان للتركيب , والزرار التكيف القديمة تتغير ويكون بكر مدور كله ,او ديجيتال
ونفسى ينزلوا العربية بفتحة سقف