السلام عليكم
اخويا كان سايق العربية و فجاة لقيته بيكلمني بيقولي الحرارة عدت 100 و العربية طلعت دخان و وقف بيها و بيسألني اعمل ايه قلتلة يستني شوية و يفتح قربة الميه و يزود ميه فرد عليا سواق التاكسي اللي كنت راكب معاه و قالي اوعي يزود وهي مطفية لازم تكون دايرة و نقلتله الكلام و حصل ان العربية مكنش فيها ولا نقطة ميه و بعد ما وصل البيت لقي الميه نقصت تاني انا رايح النهاردة بيها عند بتاع الراديتيرات
ارجو ان تدلوني ممكن يكون العيب فين عشان ميشتغلنيش و شكرا
العربية بقالها مده مخرفة شوية تسخن نغير ترموستات ثم طرمبة مياه و بعدين يقطع سير الدينامو و بعدين تحصل مشكلة المياه مش عارف ايه اللي حصلها هي فيكترا موديل 2000 و مش عارف موضوع الحرارة ده عمرنا ما اشتكينا منها لغاية السنه الماضية لما ظبطنا التكييف بدات تخرف في موضوع الحرارة و بصراحة في واحد قبليها بتاع كوتش اداها عين مظبوطة قالي ايه اخبار السخونية معاك قلتله الحمد لله مفيش مشاكل قالي احمد ربنا دي عربيات ملهاش لازمة بتسخن عمال علي بطال
الأعراض كتيره
ممكن طرمبه المايه و الرادياتير الترموستات المروحه مش بتدور على السرعه التانيه
بالنسبه لموضوع انه يزود مايه و هى دايره الكلام ده صح
بلاش و هى سخنه تزود مايه و العربيه ماطفيه
لان لقدر الله ممكن جوان وش السلندر يروح
ممكن ثرموستات أو مروحه في الغالب ثرموستات ,,,شوفه الأول
اولا مدام فى نقص فى المية يبقا لازم تضغط دورة المية وتطلع سبب التسريب وتقفل الدورة عشان عدم دخول هواء الى دورة المية ودة غالبا السبب
ممكن الردياتير او الشجرة بتنفس
و الدورة يا فيها سدد يا اما بتهيس الطرمبة
انت مقلتش العربيه نوعها ايه .. انا شايف انك كاتب ان عندك لانوس و اوبترا و هناك فى منتدى الكورى اكيد المشكله دى اتناقشوا فيها (يعنى الاعراض دى اكيد حد اشتكى منها) وممكن تستفاد اكتر .
يا عمنا بيقولك فكترا موديل 2000اقتباس:
المشاركة الأصلية كتبت بواسطة mexmarine
السلام عليكم
الف شكر لجميع من شارك برأية انا رحت لبتاع الراديتيرات في الازاريطة و فك الراديتير و نضفة و شاف الخزنة و حلها و حط جزي من جوان قديم و قفل الخزنة و قفل الشغل و مع ذلك الميه برده بتنقص تخيلوا اخد كام اخد لوحده غير السمكري عشان يحل الاكصدام 70 جنيه و برده العيب متحلش رحت للميكانيكي لاقي احد الخراطيم اسفل الموتور مخروم غيره و حط واحد مسعمل المهم المياه منقصتش بس مع التكييف و الدنيا زحمة رجعت الحرارة ترتفع تاني لحد 95 و بعديها قفلت التكييف فرجعت 90 يا جماعة افيدوني ايه الحل مع العلم اني مغير ترموستات و طرمبة و المروحتين بيشتغلو كويس
اغسل وش العربية (سربنتينة التكييف و الردياتير) في البنزينة بالجاز ثم بخرطوم المياة بتاعهم
ساعات انسداد ريش السربنتينة بالتراب و الزفارة بيسبب كدة
ان مكانش كدة يبقى شوف الردياتير غالبا دي اعراض انسداد مواسير الردياتير بالصدأ و محتاج تنضيف
على فكرة اللي طلع من العربية دة مش دخان ......... دة بــخـــار مــــاء
و بالتالي العربية مكانتش حاوتلع و لا عمرها تولع من بخار مياة بينفث نتيجه سخونة العربية
غير الرادياتير لانو باظ و متضيعش وقت وفلوس فالتنظيف صدقني اللي بقولهولك هوا الصح هتعد تلف حولين نفسك وتغير كل حاجه وهيفضل نفس العيب اطلع بيها عالتوكيل وغيره
لو السدد مكلش المواسير تنضيفه هيدى نتيجة كويسه
مدام الحراره مع التكييف بتوصل 95 يبقي كده تمام اوي ولو وصلت 98 كمان حلوه اوي متقلقش.
حضرتك حكمت منين ان الردياتير باظ و لم يظهر ان بة رشح او انسداد او تلف معين و هو فكة اتنضف و ركب و لم يظهر بة اي عيباقتباس:
المشاركة الأصلية كتبت بواسطة ameros
و الردياتير من منصور غالي جدا حتى لو حايغيرة ما يجيبة من اي حد من بتوع اوبل اللي في البلد مثلا لان دي مش فكترا 2009 دي 2000 و حاجتها موجودة عند بتوع الاوبل
حضرتك اصلا لم يتبين ان الردياتير بة سدد و صاحب الموضوع لم يذكر اي تآكل للمواسير او رشح و انما الردياتير اتفك و اتنضف و اتركباقتباس:
المشاركة الأصلية كتبت بواسطة tananybasha
حضرتك 98 درجه و "حلوة اوي" ازاي العربية قربت على 100 (درجه الغليان لو مابيحطش كوولنت) و حرارتها مفروض 90اقتباس:
المشاركة الأصلية كتبت بواسطة hardman20060
العربية كدة تجيب جوان وش سلندر
لازم يقلق
عايز اقول لحضرتك ان الاوبل عادي جدا ان الحراره توصل ل98 مع التكييف ومفيهوش اي غلط علي الموتور وده كلام من ناس فاهميين اوي في الاوبل ولو حضرتك سالت كويس اكيد هتسمع نفس الكلام.
لغاية 98اقتباس:
المشاركة الأصلية كتبت بواسطة adham
عادى جداً
اعتقد ان الأوبل ال 2000 سى سى العربية الوحيده اللى درجة حرارتها بتعلى مع التكييف عكس عربيات كوكب الأرض كلها
اعتفد ان ده وضع طبيعي ان الحراره تعلي لان الحمل علي الموتور بيزيد وحتي لو السرعه التانيه بتشتغل فهي بتستغل عشان تبرد العربيه فهي لو معليتش هتفضل ثابته لكن صعب انها تقل غير لو العربيه متظبطه انها تشتغل سرعه تانيه مع التكييف علطول.اقتباس:
المشاركة الأصلية كتبت بواسطة tananybasha
متشكر جدا لجميع الردود و انا حجرب موضوع الغسيل بس علي فكرة الراجل لما حل الراديتير سلكه و غسله بالمية بالخرطوم العادي مش مدفع زي البنزينة عموما انا حرجعله تاني و حشوف حعمل ايه و ربنا يسترها معاكو جميعا
مدام هو مفكوك واتسلك يبقي كده تمام حتي لو بالخرطوم لانه اكيد بيبقي خرطوم مش ضعيف متقلقش كده تمام بردو
عيد على دايرة التبريد
1-الطرمبة شوفها بتسرب مية ولا لا
2- ترموستات الكوعة كويس ولا مصدى و بيسرب مية
3-طبات المية عندك تمام ولا فى منها مصدى و بيسرب
4-اى خرطوم بيسرب مية من دايرة التبريد
5-خد هوا الريداتير
6- يمكن ترموستات المروحة او سلك المروحة بيعلق
7- يمكن انت مغيرتش زيت وغيبت علية فترة طويلة
ربنا يبعد عنك شرها و يديك خيرها
جزاك الله خيرااقتباس:
المشاركة الأصلية كتبت بواسطة m_tech
يبقى تعليقة مراوح يا وش سلندر
السربنتينة مينفعش تتنضف بضغط مياه عالي الكلام ده اتقالى فى ديافيا .اقتباس:
المشاركة الأصلية كتبت بواسطة adham
علشان كدة انا سبق و قلت انة يغسل بالخرطوم و مش بالكرشراقتباس:
المشاركة الأصلية كتبت بواسطة rabbat5
الكرشر هو اللي بيدي ضغط عالي (ممكن يتني ريش الردياتير او السربنتينة و يسبب اعاقة مرور الهواء)
علم وجزاك الله خيرااقتباس:
المشاركة الأصلية كتبت بواسطة adham