المشاركة الأصلية كتبت بواسطة khaled_nowaihy
يا جماعة احنا لازم فعلاً نعمل حاجة للمنتدى
ما حدش مقدر حجم العمل والمجهود اللى يبذل عشان أى واحد فينا يعمل click ويلاقى نفسه قاعد وسط حبايبه
system maintenance, system upgrade (server, hardware, communication), system backups, administration, security, disaster recovery , دول اللى خطروا على بالى ... ودول الهم الأزلى اللى بيشيله أى واحد أو مجموعة مسئولة عن أى center خدمات فى الدنيا
وكله ده بيعملوه واحنا قاعدين حاطين رجل على رجل
أكيد ساعات الموقع بيحصل له drop وبرغم كده بنلاقى سيل من الاعتذار من ادارة المنتدى ... وأوقات كتير بتكون خارجة عن ارادتهم.
مستوى الأداء فيه أعلى من مؤسسات عندها جيش من it support teams
عندهم روح المثابرة والاستمرارية
أنا عن نفس ... لو جت ادارة المنتدى اعلنت ان الاشتراك فى المنتدى ده بفلوس sub......ion fees مش حا تردد انى ادفع الاشتراك.
بدل ما اروح اقعد على كوفى شوب و أحرق بنزين وبارك ومشاريب واكلف نفسى فلوس ادفعهم اشتراك فى المنتدى أحسن لى وأحسن لهم ... وأنا متأكد وواثق انها حا تفرق معاهم وحلاقى مستوى الأداء أعلى من كده كمان.
دى المساعدة اللى مفروض نقدمها للمنتدى ... وأى حاجة غير كده ما اعتقدش أنه حايكون لها قيمة