بس مش هتلاقي مواضيع مفيده زي ده وأبسط مثال بس على فيات هنا وهناك وقولي رأيك وأحلا حاجة الناس هناك بيقولو إن البرافو 90 حصان مع إن الموتور ده موقوف في مصر من سنتين
وبيقولوا الأكسنت أوحش من الأفيو الي كلها مشاكل!
وبيقولوا الفرنا فراملها قويه وثابته!!!
عرض للطباعة
حضرتك قولتها بنفسك منتدى مش مشهور
تفتكر هو ليه مش مشهور؟؟؟؟؟؟؟؟؟؟؟
اكيد فى اسباب جوهرية التقسيم لوحده مش كفاية
اعتقد بعد ما اتعودنا على مستوى نايل موتورز مش هنرضى باى منتدى تانى اقل منه فى المستوى
لمجرد ان فيه نفس التقسيم
نايل موتورز وصل للمستوى ده بفضل اشخاص كثيرين مجهولين لكثير مننا للاسف
ويمكن معظمنا ما يعرفهومش ولا يدرك مدى الجهد والتعب المبذول منهم للحفاظ على هذا المستوى
نشكر رغبة حضرتك فى اعادة لم شمل الاعضاء ايا كان مكان التجمع
ده لما يكون نايل موتورز بالنسبالك عبارة عن منتدى سيارات بس
مش بيتك التانى......
أنا عضو فى حوالى 6 أو 7 منتديات سيارات أجنبى و عربى......و خلال مشكلتى فى دخول نايل موتورز من الأمارات و اللى بقالها 3 أسابيع و زيادة ( ساعات بعرف أدخل و ساعات لأ ) مفيش منتدى تانى من الباقيين عارف ياخد مكان نايل موتورز.
الموضوع مش موضوع منتدى تانى نتجمع فيه أو نلاقى فيه حلول لمشاكلنا و خلاص ( و أن كانت دى بالذات مش هتعرف تلاقيها بسهولة فى كل حتة.....حتى المنتدى اللى أنت بتقصده ).........الموضوع موضوع بيت تانى فيه أخواتنا و أصحابنا بيتجمعوا كل يوم......بيتجمعوا فيه بشكل شبه يومى علشان بيحبوا بعض....و بيحبوا الكيان اللى بيجمعهم واللى ياما قدملهم حلول لمشاكلهم.......مشاكلهم الخاصة بالسيارات و مشاكلهم الشخصية.
نايل موتورز مش مجرد منتدى............ده بيت كبير بيجمعنا كلنا.
دي تبقي حاجة صعبة اوي اوي والله
لو اتجمع اشتراك رمزي للمنتدي من الاعضاء حيبقي في دعم مادي كبير
الفكرة مرفوضه من ادارة المنتدى لان الاساس المنتدى ليس هدفه الربح ولكن ممكن تكون
بصورة اخرى وهى اننا نساهم فى افكار لتنمية موارد المنتدى واقل شى حاليا متوفر هو منتجات
نايل موتورز وللاسف الاقبال ضعيف عليه .
ثانى شى البحث عن شركة تكون الراعى للمنتدى ( اعلانات ) .
طب انا عندى فكرة
احنا كلنامن محافظات مختلفة
ممكن الادارة تخلي كل عضو نشط فى مكان معين هو ممثل المنتدى
ويبقى مسؤل مثلا انه يوزع منتجات المننتدى
ولو كل واحد فينا اشترى الاستيكر ولزقه عالعربية هيبقى اعلان كويس للمنتدى
وممكن نطبع بنرات فى اماكن متفرقة نعمل عليها اعلان للمنتدى ( كل مجموعة اعضاء فى مكان واحد يشتركوا مع بعض )
بصراحه لما النت بيبقى تقيل ومايفتحش الموقع هنا ببقى زعلان لانى اتعودت على المنتدى وانى ادخله كل يوم
بجد يا ابوليلى انت فتحت موضوع كانت بدايته مجرد قصة من نسج الخيال مستحيل حد يتخيل انه يصحى في يوم يلاقي نفسه في العراء من غير بيت يضمه واسرة تحتضنه
ده دخول المنتدى اصبح جزء لا يتجزء من حياتنا اليومية
دي حكايتي معاه ابتدت بشراء عربية, وانتهت بكنز من الصداقات لو عشت عمر فوق عمري مش حقدر اعوضها
لحد هنا وكنت فاكر الموضوع قصة ونتخيل ابعادها
لكن يجي كريم منير وياكد كلامك ده. والمنتدى فعلا بيمر بازمة ,وانه الموضوع مش كلام نعبر فيه عن حبنا وبس
لا المنتدى محتاج فعلا وقفة فعلية نفكر فيها ازاي ندعمه , كل واحد فينا مبدع في مجاله وانا واثق انه لو فكرنا شوية هنطلع بافكار لو طرحناها ممكن تفيدنا وده كله تحت اطار فتح موارد جديدة تعود بالدعم المادي للمنتدى
حتى لو عجزت بانك تلاقي فكرة تساعدنا بيها انت برضوا هتقدر تساعدنا بمشاركاتك القيمة وتفاعلك مع الاعضاء , لان المواضيع المميزة هي الى بترفع نسبة مشاهدة المنتدى عن باقي المواقع الاخرى فبالتالي بيتيح فرصة زيادة الاعضاء في المنتدى
فمش كفاية تبقى عضو ومشترك بقالك فترة او من جديد وكل اللي بتعمله انك تدخل تكتب موضوع شاغلك وتكتفي بقراءة الردود وما نرجعش نشوفك تاني
زي ما بناخد من المنتدى الكتيييير ,ااقل حاجة نعملها ندي له من وقتنا الحاجة اللي تفيده
وبالنسبة للاعضاء الجدد .. في حاجة انتوا مش قادرين تستوعبوها وبتفتكروا ن الموضوع مبالغ فيه ,انا عايزكم تجربوا تطلبوا خدمة من اي عضو في المنتدى .. شوفوا بس كم عضو هيتسابق عشان يساعدك ومش بالكلام هتلاقيه وقف جنبك من غير مقابل وبكل حب ساعدك,مش زي باقي المنتديات الاخرى
احنا هنا اسرة واحدة وكمان راعي الاسرة نفسها كريم منير بيتفانى بخدمة الاخرين والله من دون مقابل, ده ياما ناس اعضاء هنا لجأوا له يساعدهم في مشكالهم سواء حوادث صادفتهم او مشاكل شخصية, ووقف جنبهم وقفة اخ وكله لوجه الله ولحبه في المنتدى
يبقى الموضوع مش موضوع منتدى حيتقفل وحنروح لغيره , الموضوع موضوع بيت بيمر بازمة واحنا كافراد منتمين للاسرة من حقه علينا اننا نوقف جنبه ونسانده
عن نفسي هاعمل صيغة اعلانية هجهزها وهطبعها واوزعها في كل مكان اروحه وحتكون صيغتها تشمل التعريف بالموقع والخدمات اللي بيقدمها للاعضاء
ياريت ياريت نعبر عن حبنا بمجهود فعلي يجسد الحب ده , واعتقد كريم منير حط لنا بعض الخطوط اللي ممكن من خلالها ندعم منتدانا
اتحركوا من دلوقتي .. الموضوع مش قصة وحتعدي , ده ممكن في لحظة يبقى واقع بتعيشه
السلام عليكم ورحمة الله وبركاته
انا ملاحظ ان الموضوع لم يلفت انتباه احد للاسف نسبة المشاركة ضعيفه جدا وكأن الموضوع لا يهم احد مع العلم ان استاذ / كريم منير اكد على كلامى .
فى حين انظر الى موضوعات فى المنتدى( الاجتماعى ) ويلفت نظرى كمية المشاركات الرهيبة ونسبة المشاهده العالية ولكنها للاسف الشديد موضوعات مع احترامى للجميع مجرد تسلية ولا يوجد بها اى اضافه سواء كمعلومة او خبرة ممكن اكتسبها من جراء المناقشة .
فعلا محدش هيحس بقيمة الحاجه اللى فى ايده الا لما تضيع منه .