عاوز اشترى تيريوس 1999 مستعمله فإيه اراء الساده الخبراء
السلام عليكم
انا عارف ان اكيد السؤال ده اتسأل لكم كتير ، وقريت الكثير من الردود لكن انا عاوز بس اسأل عن جزئيتين
السعر بتاع العربيه التيريوس 1999 الان ( مانيوال يبقى فى الاربعينات ولا انا غلطان ) يعنى تقريبا كام حسب الحاله طبعا
ثانيا العربيه التيريوس دى 1300 سى سى ، انا اصلا مش بتاع جرى بالعربيه يعنى يوم ما اوصل 110 على الصحراوى ببقى حاسس انى هطير وبهدى من الرعب ، غير ان معايا اسرتى ، فمساله الثبات فى السيارات العاليه مش مشكله بالنسبه ليا حسب مفهمت ، انما معروض عليا برضه تيريوس 2000 اوتوماتيك فهل فى رايكم هتكون مشاكلها كتير برضه ، انا بس خايف من اعطال الاوتوماتيك فى موديل بقاله عشر سنين ، وياترى ممكن اصلاح الاعطال دى بره التوكيل ولا لا خصوصا انى مش من القاهره ، ( من الزقازيق) ، يعنى باختصار اخاف من الاوتوماتيك لانها مستعمله ولا مخفش منه عشان يابانى
( ملحوظه انا لسه جديد فى السواقه عشان كده نفسيا مرتاح للاتوماتيك ) اضافة الى ان السعر اللى قدامى كويس حوالى 46500
شكرا
