الموضوع: اسئلة عن Vectra B GLS 1997 وعن الصيانة

\

المشاركة الأصلية كتبت بواسطة khaledmoawad

شباب. إزيكم... أنا لسة جايب opel vectra b 1600 cc مانيوال. بعد رحلة عناء مع عربية lada 83 حاسس كاني جبت porsche . بس أنا عايز أعمل بعض الصيانة فيها . عايز أعرف:
1. أحسن نوع كاوتش. وبكام؟
قى gt بس الافضل الهنكوك الكورى
2. اجيب منين المرايات. وبكام؟
هتجبها استيراد وفى نوعين نوع متحرك وفى ثابت يعنى بتعمل فى حدود 500 الى 600 الجوز
3. مركز صيانة أو ميكانيكي في المعادي.
فى مركذ فى صقر قريش بس نصحتى ليك جيب قطع غيارك بنفسك
4. العربية بتسخن في الزحمة بس لكن على طرق سريعة أو عادية مش بقف كتير يعني بتبقى كويسة.
بتسخن يعنى كام هى على العموم العموم 90 الى 92 دة الطبيعى فى الزحمة
5. في رجة في الدركسيون من 100 ل 110 . مع إني عملت ترصيص. هو في حاجة كده في جانط اللي هي بيبقى مكتوب عيها نوع الجانط نفسه في عجلة من العجلات اللي ورا مش موجودة. ممكن د تكون سبب الرجة دي؟الكوتش عامل كام الف كيلو وطبعا الرجة مدام بعد المية تبقا كوتش خلفى
6. زيت البور لاحظت مؤخرا إنه بينقص . فـده عيب علبة دركسيون.. ولو كده هي بـكام تقريبا؟
مين قلك لازم يتكشف عليها الاول وعيزها جديدة ولا استيراد فى نوع برزيلى يغمل فى حدود 900 او اقل وفى نوع المانى بيغمل 1500 وفى نوع تانى 2200 الاسعار دية من مدة الاستيراد هتعمل 500 الى 700 حسب حلتها
7. أحسن نوع ل زيت الموتور والفيتس ويتغيروا كل اد إيه تقريبا؟
شل كويس 10 الف الفتيس ميتغيرش دة بيتزود وفين وفين لما بينقص سنين انت بتكشف عليه فى البنزينة


شكرا جدا وآسف إني طولت عليكم شوية بس معلش أنا لسة جديد :d

مبروك عليك العربية واهلا بيك معانا

انا فيكتراوي " ايه" بس داخل مخصوص أباركلك لأني متعقد من الأدا وقرفها ومبروك عليك الفيكترا بي عربيه جميله ماشاء الله ربنا يباركلك فيها
وان شاء الله رجاله البي هيردو عليك شويه كده
ونورت العصابه

تامر باشا قام بالواجب
تامر أنت جايب الأسعار دى منين
انا سألت على الإسكترا عاملة باكو قائم فتحة الكلام مش عارف الفصال ظروفه إيه

المشاركة الأصلية كتبت بواسطة KhaledMoawad

ألف شكر يا عصابة ال Opel والله يبارك فيكم.

الف مبروك ربنا يديك خيرها ويبعد عنك شرها

أنا رحت لواحد اسمه محمد في صقر قريش. كويس جدا الصراحة. قالي إن علبة الدركسيون عايزة تتغير عشان بتنقط زيت :(. وقالي في تسريب خفيف جدا في الرادياتر حنحتاج نغيره بعد فترة.وجبت مرايات من التوفيقية الاتنين بـ 300 جنيه بس لسة هارشهم. بس كده.

علي كده المرايات عندنا ارخص في اسيوط الجوز عامل 290 حاجه بسيطه بس انا كنت فاكر ان في القاهره الحاجه ارخص!!!!

بس حصل معايا حاجة رزلة جدا. غسلي الموتور. ودورت أول ماشغلت التكيف كاتاويت التكيف ضرب :(. ورحت غيرته.

كنت هعمل نفس الغلطه لكن الكل نصحني بغسل الموتور بالفوم وبلا ش ميه والحمد لله

بس الرزل بقى في الموضوع إن الزرار اللي بيجيب الهوا من جوه أو من بره اللي جنب زرار التكيف بينور عادي بس على طول بيجيب الهوا من بره. حد قابل الموضوع ده قبل كده ؟ واصالحه عند الكهربائي ولا عند حد بتاع تكيف؟

تصدق إنك فكرتني بقصة كفاحي علشان أنا برده كان معايا لادا بس 95 وبعد كده جبت فيكترا طبعا كنت حاسس إنها porsche علشان طبعا دي نقله كبيرة ليّا على العموم مبروك عليك العربية وربنا يكفيك شرها إن شاء الله .
أنا كنت سألت على اسعار الكاوتش من 4 أيام بالضبط كانت الفرده الkumho 185/70/14 ب 275 جنيه وكان في الهانكوك بس هو كان أغلى حاجة بسيطة بس عن تجربه أقدر أقولك بلاش el-kumho وخليك في الهانكوك