الرادار فين بين القاهرة و راس سدر ؟

**MaZaGAngeE** · 30-07-2010 04:54 PM

ان شاء الله رايح أصيف أنا و العيلة في راس سدر و لأني من هواة السرعة خايف من الرادار
عايز أعرف مكانه فين و مواعيده امتى
انا هسافر الفجر و كمان فيه كماين و تفتيش و حوارات كده و لا ايه ؟

**mohabelnegm** · 30-07-2010 05:09 PM

الرادلر بيقف على طريق السويس و عادة قبل مدينة بدر و أحيانا بعدها , بس خلى بالك بعد ما بتعدى كمين السويس و بتلف شمال علشان تروح للنفق علشان تخش سينا, الوصلة دى "خطيرة"مع أنه طريق متسفلت جديد بس بيخدع و مفيش عليه أى علامات مرورية أو تخطيط من أى نوع , بالأضافه لأن رغم أنه فردتين الا أن دايما هتلاقى حد جايلك فى العكسى, أمشى على الطريق دة بحرص أوىو ربنا يستر طريقك.

**mohamed_selim** · 30-07-2010 06:50 PM

و ممكن بعد النفق يكون فى رادار و اللجنه بتقف فى كمين عيون موسى

**MaZaGAngeE** · 30-07-2010 07:13 PM

متشكر جدا على الردود بتاعتكم
بس انا هسافر الفجر ممكن الرادار يكون شغال في الوقت ده ؟

**mohamed_selim** · 30-07-2010 08:16 PM

ساعات طريق السويس بيكون عليه ليلى من غير لجنه ... حصلتلى من سنتين بس معرفش لسه بينزلو بليل ولا لأ
بعد النفق مفيش حاجه لحد 7 الصبح

**MaZaGAngeE** · 30-07-2010 08:56 PM

المشاركة الأصلية كتبت بواسطة mohamed_selim

ساعات طريق السويس بيكون عليه ليلى من غير لجنه ... حصلتلى من سنتين بس معرفش لسه بينزلو بليل ولا لأ
بعد النفق مفيش حاجه لحد 7 الصبح

طيب تمام كده
بس ربنا يستر من الليلي ده
أصل انا رخصتي اتسحبت 5 مرات لحد دلوقتي السنة دي و كمان لسه ماجبتهاش و كلهم رادار

**hany79** · 30-07-2010 11:52 PM

خد بالك بعد ما بتلف و تدخل طريق سيناء من طريق السويس قبل الميدان اللي فيه بنزينة وطنية قبل النفق في تقريبا 2 او 3 كيلو مكسرين فمتسحبش و تفاجئ بالتكسير في وشك و توصل بالسلامة

**MaZaGAngeE** · 31-07-2010 01:26 AM

المشاركة الأصلية كتبت بواسطة hany79

خد بالك بعد ما بتلف و تدخل طريق سيناء من طريق السويس قبل الميدان اللي فيه بنزينة وطنية قبل النفق في تقريبا 2 او 3 كيلو مكسرين فمتسحبش و تفاجئ بالتكسير في وشك و توصل بالسلامة

الله يسلمك
هخلي بالي ان شاء الله

**ashrafsadany** · 31-07-2010 03:25 AM

يا باشا انتا جيت فى وقتك والله كنت عايز شويه معلومات عن راس سدر يعنى حضرتك نازل فين وبكام الليله وتقييم شامل عنها لانى بفكر اشترى هناك بس مليش اى خبره او معلومات عنها بارك الله فيك واجازه سعيده ان شاء الله ومتنساش دعاء السفر

**MaZaGAngeE** · 31-07-2010 07:08 AM

المشاركة الأصلية كتبت بواسطة ashrafsadany

يا باشا انتا جيت فى وقتك والله كنت عايز شويه معلومات عن راس سدر يعنى حضرتك نازل فين وبكام الليله وتقييم شامل عنها لانى بفكر اشترى هناك بس مليش اى خبره او معلومات عنها بارك الله فيك واجازه سعيده ان شاء الله ومتنساش دعاء السفر

أنا مالقيتش حد عارف الدنيا هناك ماشية ازاي و حجزت في قرية اسمها جولدن بيتش ب 400 جنيه لفردين بالفطار و العشا 3 ايام و عليهم يوم هدية
بس الصراحة انا شايف ان السعر ده غالي و ناوي لما اروح هعمل جولة و اظبط سمسار هناك عشان لما اخد اجازات اروح بسعر رخيص عن كده
ان شاء الله هعمل موضوع بالصور تقييم للقرية و البلد و البحر و الطريق و الكماين ..

انت هتشتري ارض و لا شاليه و الاسعار ايه ؟

الموضوع: الرادار فين بين القاهرة و راس سدر ؟

LinkBack

أدوات الموضوع

عرض

الرادار فين بين القاهرة و راس سدر ؟ - انشر الموضوع فى :

-

-

-

-

-

المواضيع المتشابهه

مساعدة: قادم بزيارة خاطفة القاهرة بورسعيد القاهرة و غالبا في العيد

توقف الحركة بشرق القاهرة-استغاثة لمدير مرور القاهرة

أنتبهوا من مدخل القاهرة طريق القاهرة السويس

احساسك اية وانتا راكب ملاكى القاهرة (اصدى اجرة القاهرة)

الكلمات الدلالية لهذا الموضوع

المفضلات

المفضلات

ضوابط المشاركة