كرولا مستعمل ولا سيراتو زيرو

**mazika838** · 30-07-2010 08:57 PM

انا قدامي عربية كرولا 2007 متور 1300 ب 97000 ج والعربية حالتها تمام تمام وعاملة 40000 كم
وممكن احط 10ج كمان واجيب سيراتو 2010 زيرووووووووووووو خليجي
أعمل ايه ... ارجوكم افيدوتي لاني بايع عربيتي ومحتار ما بين الاتنين دول بين الياباني والكوري ارجوكم ردوا عليا

**yahiahelaly** · 30-07-2010 09:06 PM

هقولك حاجة واجري قبل ما ملاك السيراتوا يجوا هههههه
والله صحبي عربيتة سيراتوا اتخبطت ونزلنا نجيبلة سدر من الحرفيين شنب يعني بلاستيك وشيلتة بصباعين بس اسئل على سعر الكورلا حاسس انة عالي

**mazika838** · 30-07-2010 09:11 PM

يعني كرولا يا باشا ولا سيراتو

**waleedelpiloot** · 31-07-2010 01:12 AM

انا معايا سيراتوا بس بقوللك خليك فى الكرولا
واعمل صلاة اسنخارة وربنا يقدم الى فية الخير

**Tarek Gen 2** · 31-07-2010 03:01 AM

لو قلتلى كرولا ولا مستعمل ولا سوزوكى ماروتى زيرو هاقولك سوزوكى لسبب واحد بس
الزيرو و اول ايد شعور يتسابله اى عربية فما بالك بقى سيراتو ولا كرولا مستعملة

**ahmedbibo** · 31-07-2010 09:31 AM

الباشا الى بيقول ماروتى زيرو و كورولا مستعمل

بص انا هرد عليك بعدين

اولا لصاحب الموضوع انت ما دام فى قدرتك تزود 10 الف ممكن حضرتك تجيب عربيه تيوتا كورولا 1600 سى سى 2007

وهتكون حالتها نضيفه جدا وبنسبه للسعر اكيد العربيه حالتها كويسه جدا عشان سعرها كويس مش عالى اوى فا أكيد هتدفع هيجبلك حاجه احسن و الكورولا بصراحه الخامات الداخليه و الخارجيه الصاج و التقفيل الخارجى و الماتور و اجزاء الميكانيكا افضل
السيراتو بلاش نتكلم عليها علشان كل لما حد يتكلم يقعد كل واحد يتخانق فبلاش اتكلم

الباشا الى بيقول بقى ماروتى و مش ماروتى و ما بالك بقى السيراتو

بص حضرتك لسه جايب العربيه جديد صح و انا بيتحكيلى و بشوف قدام عينى من ناس معاها سيراتو ان بلاش اتكلم احسن
و فيه حاجه اسمها( لاتجادل و ان كنت محقا ) فانا مش هتكلم كتير و خلاص يا باشا مفيش عربيه بعد السيراتو عادى هو كلامى قرآن ياعنى واحسن من الكورولا و السيفيك و احسن عربيه فى العالم خلاص عادى جدا بس كده

عشان لو اتكلمت يبقى انا بفتى وانا وانا وانا و بهول ياعنى لو قولت زرار دخل لجوه مثلا هتقولولى هيا ناقصه فتى ومش فتى وبتاع وعلى فكره ممكن يحصل كده فى البى ام بس هيا عشان سيراتو لايمكن يكون فيها غلطه

**yahiahelaly** · 31-07-2010 09:52 AM

المشاركة الأصلية كتبت بواسطة mazika838

يعني كرولا يا باشا ولا سيراتو

كـــــــــورولا

**Nile Heart** · 31-07-2010 10:07 AM

برغم انى عاشق لكورولتى اللى شايلانى من 2003 وعملت بيها 200 الف الى ألأن
الا ان شراء المستعمل فى مصر مغامره فعلا الا كنت عارفها وعارف صاحبها
الزيرو راحة بال وتبقى انت مربيها على ايدك

وبعدين بص.. كل برغوت على قد دمه... السيراتو ب 108 والبى ام ب 240.. اكيد فى فرق! يبقى ماتخوتش دماغك بامكانيات والكماليات والهم ده... شوف انت شخصيتك بتميل ل ايه؟ ممكن تاخد risk وتشترى مستعمل وتتحمل مشاكله (لو طلع مشاكل) .. ولا انت انسان مشغول وخلقك ضيق ومش هاتستحمل مشاوير للميكانيكى والكهربائى والهم ده وعايز تريخ دماغك ويادوب تروح الصيانه كل 6 اشهر

**ahmedbibo** · 31-07-2010 11:27 AM

الخلاصه لو العربيه حالتها حلوه كيلو مترات قليل و اكشف عليها كويس جدا جدا و خد معاك حد فاااااهم وخبره فى شراء المستعمل و اتأكد هتبقى احسن طبعا

الخلاصه لو هنقارن عربيه بعربيه بدون جديد او مستعمل يبقى الكورولا اكيد احسن من السيراتو وشوف ايه الى يناسبك

**meso76** · 31-07-2010 12:00 PM

حتلاقى اراء مختلفة كتير فى الموضوع ده بس انا عن تجارب شخصية كتير ... ارشحلك الكرولا
انا بحب اغير عربيات كتير وكل مره بيكون قدامى الإختيارين بين عربية محترمة مستعملة وعربيه تانية أقل جودة بس زيرو وكنت دايما باختار المستعمل
أول تجربة 1998 اشتريت ابيزا موديل 94 (وكان البديل زيرو بنفس السعر تقريبا هيونداى اكسنت)
مرورا بتجارب اخرى
اخر تجربة 2008 اشتريت رينو ميجان 2006 (والبديل زيرو كان شيفورليه اوبترا)
بس خلى بالك لو قررت تشترى مستعمل:
1- لآزم تكشف على العربيه كويس جدا (يستحسن فى التوكيل)
2- ما تستعجلششششششش