الموضوع: مصرع فتاه مصريه 13 سنه في رفح بنيران اسرائيليه

مصرع فتاه مصريه 13 سنه في رفح بنيران اسرائيليه أمس في رفح نتيجه طلق ناري من برج مراقبه من الجانب الاسرائيلي
المهم ان الكلام حصل اثُناء وقوفها امام منزلها اللي لاسف مجاور للحدود وكانت اثناء ذلك تقف بين افراد اسرتها حيث انطلقت رصاصه من برج المراقبه الي راس الفتاه
السؤال دلوقتي هو المصريين مش ليهم ثمن يعني ايه البنت ده الله يرحمها طبعا (ماتت شهيده) ملهاش ثمن يعني كلبه و راحت يعني انا بجد يا جماع لما شوفت الكلام ده مكتوب في الاهرام والله دمي اتحرق أخر حاجه انا مش فاهم هي وقفه قدام بيتها ومع اهلها في الاراضي المصريه و مش فاهم انا واحد واقف في البرج بيتسلي و عمال بيصطاد في المصريين ولا ايه
المهم برضو ان شيخ القبيله بيتاعت البنت ده قال ان ده مش اول مره و في رجل برضه اتضرب بنفس الطريقه ده في يناير اللي فات تقريبا بيصطادوا واحد كل شهر ولا ايه انا مش عارف فين وزير الخارجيه و الداخليه و فين و فين و فين
البنت و الراجل دول لو مكانوش مصريين لو كانوا اي حاجه تانيه كانت الدنيا كلها قامت بس المشكله انهم مصريين تقريبا و مفيش حد يدافع عنهم ولا عنا طبعا
حسبي الله و نعم الوكيل و ربنا يرحمهم

الكلام ده منقول من جريدة الاهرام
يوم الجمعه29/2