الموضوع: عملوها وحوش تويوتا ... (مقابلة تويوتا بالربوة)

السادة الاعضاء الكرام ...

أسعد الله أيامكم بكل الخير ...

اليوم الجمعة 30/07/2010 و في الساعة السادسة مساء بدأت فعاليات مقابلة "تويوتا" بربوة الزهراء

حيث وصلت في تمام السادسة و بدأ بعدها السادة الاعضاء في الوصول حيث شرفنا بالحضور كل من :
1- الدكتور محمود
2- الاستاذ/ احمد سمير
3- الباشمهندس/ وائل عبد الرازق
4- الاستاذ/ حسين كامل
5- الاستاذ/ أكرم
6- و العبد لله (سمير الشهاوي)

في البداية بدأنا بألتقاط الصور التذكارية لسيارات تويوتا و الاعضاء ثم توجهنا الي الكافيتريا حيث جلسنا و بدأنا في الحديث و كان الموضوع الاساسي للمقابلة هو "الكورولا ال mmt" , المشاكل الشائعة بالكورولا

بصراحة كانت جلسة أكثر من رائعة ..
- الجو العام للمقابلة ودي للغاية و الحديث شيق جدا
- الطقس في الربوة أكثر من ممتاز

الحوارات أمتدت لأكثر من 3 ساعات حيث أنصرفنا في تمام الحادية عشرة و أتفقنا علي النقاط التالية :
- تكرار المقابلات بأذن الله بعد رمضان
- أن تكون المقابلة القادمة بالمقطم أن شاء الله
- محاولة توجيه دعوة لتوكيل تويوتا للحضور في حالة وجود حضور قوي من أعضاء تويوتا

بصراحة .. أنا شخصيا أستمتعت جدا بالمقابلة و تشرفت بمعرفة ناس محترمة جدا و أود ان أشكرهم علي حضورهم

أما بالنسبة لصور المقابلة أن شاء الله هأنزلها الصبح لما أصحي لأني لسه راجع

مع خالص تحياتي
م/ سمير الشهاوي

المشاركة الأصلية كتبت بواسطة oilman

بالفعل انا شخصيا أستمتعت جدا بالمقابلة و تشرفت بمعرفة ناس محترمة جدا جدا و أود ان أشكرهم علي حضورهم وبالاخص اود اشكر المهندس سمير بجد على المجهود الرائع الذى بذل من اجل تحقيق الحلم وهو مقابلة الوحوش وبجد الحوار كان اكثر من شيق وممتع وودى للغاية وكاننا نعرف بعض من زمان اتمنى ان تكرر وان يكون العدد اكبر
اشكركم مرة اخرى على الوقت الجميل وفعلا الوقت عدى ولا كانه 3 ساعات لدرجة اننا بعد ما قررنا نمشى وقفنا ساعة تانيه عند العربيات من كتر جمال الحوار والمواضيع الشيقة التى تفضلتم بطرحها وبالاخص مواضيع الاستاذ حسين كمال

ألف شكر ياجماعة على المقابلة الجميلة دى اللى فعلا الواحد استفاد منها كثير وفعلا معرفة الناس كنوز وخصوصا لو ناس محترمين زى اللى كانوا فى المقابلة

ملحوظة لتصحيح الاسم : مهندس / حسام كمال