ده كلام زي ضرب النار...الحقيقة المرة بوشها الحقيقى
للأسف الأجتماعيات راحت و محدش بقى عارف حد اللى عايز يتجوز يقول لفلان شوفلى و بعدين تروح جواز الصالونات عشان يشوفوا بعض...
أنا جربت موضوع الصالونات مش حب بس لأنه بقى الوسيلة الوحيدة و كمان بتفشل لو معارفك مش كتير.
بعد كل مرة من المرات القليلة اللى رحتها بيجيلى اكتئاب نفسى بعدها. لأنى بحس هناك ان الموضوع كأنه زي ما قلت بالضبط سلعتين بيتعرضوا... و بعدين لما ميحصلش نصيب بيبقى ألم نفسى انك - لو الرفض من عندك - ممكن تكون جرحت الانسانة التانية برفضك ده بس انت مضطر لأن القلب اللى بيختار و القلوب بيد الرحمن زي ما قالوا. مش بقول ان جواز الصالونات غلط .. فى جواز صالونات بينجح أحسن من الجواز العادي...بس جواز الصالونات بصفة عامة حاجة مصطنعة و طريقة قاسية شوية بالنسبة لحاجة المفروض انها تقوم على المشاعر و ان كنت لا أنكر انه الحل المتاح