يا اخوانا حد يفيدني فى الموضوع ده
أنا عندي عربية لانوس 99 عملت بيها حادثة منذ سنة تقريبا
الحادثة فى الجانب الأمامي شمال فى وش العربية
غيرت رفرف واكصدام وفانوس وحصل ان فردة الشاسيه اللى فوق العجلة اتتنت أو اتعصرت شوية والكارتيرة اتكفت كلها لتحت شوية يعني مجرد استعدال لفوق ماتعجنتش يعني
فالسمكري زرجنها فرجعت كل حاجة لوضعها دون أى لحامات ولكن البوية طبعا فوق الكارتيرة طقطقت فالسمكري ظبطها ورشتها جزء لا يزيد عن 20 سم
المشكلة إني عايز أبيع العربية ومش عارف الخبطة دي تنزلها كام مع العلم ان الحالة العامة للعربية بعد الحادثة ممتازة ومش عايز أقول ان العربية الحمد لله من ساعتها مش تعباني فى أى حاجة وأحسن من الأول
فمش عارف لما أجي أبيعها أقول للمشتري على الموضوع ده و أصارحه ولا أعمل ايه؟؟؟
طبعا الواحد فى الأول والاخر يهمه رضا ربنا
فدلوني أعمل ايه؟؟؟
وأقيمها ازاى؟؟؟؟