الموضوع: لكل مالكى الأوبل فكترا 95 التكييف

يا ريت لو حد عندو التكييف شغال يؤلى عملوا فين و أعد أد إسة معاه لحد ما شحنوا تانى لحسن صاحبكوا جاله إحباط من التكييف ده

المشاركة الأصلية كتبت بواسطة bluegene

يا ريت لو حد عندو التكييف شغال يؤلى عملوا فين و أعد أد إسة معاه لحد ما شحنوا تانى لحسن صاحبكوا جاله إحباط من التكييف ده

بص يا باشا كان عندى نفس العيب لمدة 5 سنين كل سنه فى الصيف اروح لواحد جديد يعد يفتكس واشحن فريون جديد وبالكتير يعد شهر ومره اسبوعين يهرب تانى لدرجة انى كنت هبيع العربيه بسبب العيب ده لغايت لما روحت لواحد جامد عرف العيب وشكله كان فاهم جدا غيرت طقم اويل سيل للكومبريسور كان 350 جنبه وبعدها اشتغل ذى الفل هو المشكله ان الراجل ده عندنا فى المنصورة وانا تحت امرك لو عايز تيجى وتشرفنا

ممكن تدلنى يا باشا على مكان الراجل ده بتاع المنصوره و اسمه ايه -- عشان انا عاوز اضبط التكييف اوبل فكترا 99 -- مشكورين جدا على اى مساعده -- و ربنا يديمها علينا خير و نقدر نتواصل دايما ان شاء الله

المشاركة الأصلية كتبت بواسطة cayman69300

بص يا مدير
اتعب مرة واحدة و ريح دماغك بعدين
روح عند الكابتن او اللى قالك عليهم طنانى
تمام لغاية كدة
و خلية يطلع التكييف كله " و انا بقصد الكلمة بكل حزافيرها "
و خلية يغسلة غسلة جامدة موت . و يكشف علية حتة حتة و يتاكد انه زى الفل . و يراجع على الورد اللى بتركب و الشجرة و التلاجة و الكباس يشيك علية و يكملة زيت . و يشوف الفلتر و الاكبانشن و بعد ما يتاكد ان كلة تمام
يركب و جيب فريون نضيف و اخصم تمن الفريون من المصنعية
و بعد كدة احكم على التكيف بحق ربنا اذا كان كويس و لا لا
المشكلة فى اية يا باشا ؟
التكييف وحدة متكاملة اى عيب فى اى جزء يبوظ الباقى كلة
يعنى لو عندك التكييف فوق الممتاز من اول الكباس الى الفريون و الفلتر مسدود و لا كانك عملت حاجة و التكييف يبقى معفن
فعلشان كدة بقولك فكة حتة حتة و لو حتى اصغر وردة فية
و توكل على الله و ركب و جرب و ادعيلى

معلش يادكتور
بس اللى حضرتك بتقول علية دة استحالة اى صنايعى يعملة واستحالة انت هتقدر تستحمل القعدة ولو هملعولك هيضربلك رقم مصنعية هلامى لأن ببساطة الوقت اللى هيعمل فية الحوار دة يشحن فية اكتر من 10 عربيات تانية

وكمان مش هتخلص من مشاكل الفك والتركيب