أسوأ يوم في حياتي في أسوأ توكيل في العالم... المقطم

أولا أنا محروق دمي فا هابعبع بكلام كتير أرجو ماتزهقوش...
يوم الأحد اللي فات كلمت المهندس حسام مصطفى(توكيل رينو المقطم - مهندس الاستقبال) وقلتله انا عايز اعمل صيانة ال 10.000 أجي إمتى عشان جيت قبل كده وانا حاجز واتلطعت في الطابور زيي زي أي حد... قاللي بكره 8 الصبح
وقد كان... وصلت 8 صباحا بالدقيقة...
الصورة: 3 سيارات أمامي... فلوانس الأولى ثم لوجان ثم كليو سايقاها واحدة ثم أنا...
نزلت من عربيتي ورحت للأستاذ حسام سلمت عليه وقاللي هي فين قلتله نمرة 4 دي قاللي كويس جدا...
رجعت عربيتي تاني... تحرك الطابور بسرعة بسبيا... المهم جه دوري ... بص عليها ودار الحوار التالي:

انا: هو ايه اللي هايتم بالضبط
هو: تغيير زيت وفلتر زيت
انا: طب ينفع اظبط زوايا كمان؟
هو: الاسبوع ده كله مافيش زوايا عشان بنجدد الورشة... بس هاحاول أعملهالك
انا: تمام... يا ريت... هايتكلف كام كل ده
هو: 450 كله على بعضه
انا: هاتخلص امتى ؟
هو: (بص في الساعة لقاها 8:30 ) بالكتير 12 الظهر
انا: ماشي

دخلت الصالة المكيفة... كان فيه 4-5 بني أدمين غيري...

شويه والتليفزيون اشتغل و كان فيه فيلم غريب مالوش ملامح على MBC2
المهم، شوية لعب في الموبايل لغاية مابقى Battery Low... بدأ فيلم عن قصة حياة بروس لي... والضرب اشتغل من هنا والناس كلها اتسمرت قدام التليفزيون... شوية اعجاب بالأكشن وشوية سخرية من انه ازاي كان الحاجات دي زمان بتعجبنا ...
المهم تجاذبت أطراف الحديث مع راجل حنبي... من شبرا ومعاه لوجان نبيتي فول (مش بتاعته) وصاحبها خبط بطن العربية والغيارات بتدقر... وهو جايبهاله التوكيل...
المهم حكينا شوية والفيلم خلص وهو قام يستلم عربيته وانا قاعد !!!!
الساعة الآن : 11:15

خرجت من التكييف على عيني!!! رحت لغاية بوابة الورشة لقيت عربيتي مرفوعة في السما ! قلت كويس شغالين فيها... جه واحد ببرميل مربع فوقه قمه مربع ووقف تحتها.. فتح الطبه وفي ثواني الزيت نزل... ربط ... نزل ... حط الزيت الجديد... تمام.

الساعة الآن : 11:20 !!!!!!!!!

رجعت الصالة لأن الجو ولعة وقلت كلها دقايق ويندهوا عليا ... (لكن هيهات !!!!!)

الساعة الآن: 2:00

خرجت أدور على الأستاذ حسام... لقيت موتوسيكل فضي مرعب... والتوكيل كله واقف بيتفرج عليه وماحدش بيشتغل... ماقاطعهمش غير واحد معاه فلونس ملطوع ومحدش معبره ودار أمامي الحوار التالي:

صاحب الفلونس: انا بقالي ساعة ملطوع ومحدش معبرني... مش هانخلص النهاردة ؟؟ دي كلها صيانة 5000
الأستاذ (راجل طوييييل وأبيضاني وحالق زيرو ومحترم جدا) : يافندم ماتزعلش نفسك دفيفة وكله يكون عندك
صاحب الفلونس: كل ماكلم حد يقولي ثواني باشوف الموتوسيكل ؟؟؟ انا ممكن أكلم رينو واخربلكوا الدنيا وييجوا يقلبولكوا التوكيل ده ويعملوه من الأول وجديد
- - هنا بدأالجميع في التوتر وسابوا الموتوسيكل وبدأوا في التوجه للفلونس، مع الاحتفاظ بخطى هادئة عشان برضه مايفتكرش انه خوفهم !!! --
الاستقبال: فيها ايه ؟
صاحب الفلونس: فيها قيب الفلوانس اللي أعلنتوا عنه... دواسة البنزين مابتسعفنيش... ممكن أكبس مرة واحدة ماتسحبش...
الاستقبال: احنا ما أعلنناش عن أي عيوب
صاحب الفلونس: بس الناس كلها قايلة كدة
الاستقبال: (كلام كتير مجمله ان انت مابتعرفش تسوق)
صاحب الفلونس: انا باسوق رينو من 1970 ومابركبش غيرها... !!!! مش هاتعرفني العربيات عامله ازاي !
تدخل الأستاذ الطويل المحترم... وهنا انا زهقت ودخلت للتكييف تاني...

الساعة الآن : 2:30

خرجت أشوف الموضوع إيه... لقيت الأستاذ حسام قلتله إيه النظام ؟ قاللي اتقل بس باحاول أخلصلك موضوع الزوايا ده

سكتت

الساعة الآن 3:00

مش طايق نفسي لكن لسة ماتعصبتش (انا صعب جدا اتنرفز بسهولة)
ايه يا باشمهندس (وقد بدأت أشك في كونه باشمهندس أصلا)
هو: أسل وهم بيجربوها لقيوا فيه تقل في الغيارات...
انا : تقل إيه ؟ مافيش أي تقل عندي في الغيارات ...
هو : بس هايشوفوها وهاقوللك على طول...

الساعة : 3:30

خير يا باشمهندس ؟؟؟

روح استلم...
رحت الساحة بعد ما دفعت واخدت الإيصال... لقيتها منورة من التراب... مش مشكله هاغسلها... ركبت ، دورت، جبت أولاني ..... بارفع دبرياج.... مابتطلعش... أرفع تاني ... مابتطلعش... رفعت نص الدواسة بدأت تتحرك !!!!! نعم ؟؟؟؟ إيه ده .؟؟؟؟؟؟؟؟؟؟؟؟؟؟؟؟؟

ندهت الواد اللي بيسلم العربيات قلتله هم لعبوا في واير الدبرياج ليه ؟؟؟ قاللي وريني أمر الشغل ... بص فيه ... قاللي : آآآآآآآه العربية دي عايزة جير بوكس ! قلتله نعم ؟ جير بوكس بعد 10.000 ؟؟؟ ليه ان شاء الله ؟؟؟ انا أصلا ماشتكيتش من أى حاجة في الغيارات هم يلعبوا في واير الدبرياج ليه ؟؟؟ قاللي طب ثواني.... وراح ناحية الورشة وسقت وراه....
رحت كان دخل وماشفتوش... 10 دقايق طلع واداني الورقة وقاللي : لأ لأ دي عربية تانية خالص !!!
ندهت الأستاذ حسام...
هو : فيه حاجة ؟
انا : ارتفاع الدبرياج ده مش بتاعي... مش دي اللي متعود عليها !
هو : محدش جه جنب الدبرياج
انا : اركب وسوق...
هو : (ركب وطلع قدام ووقف) ماهو كويس أهو... ماله
انا : كويس ليك . انت أول مرة تسوقها... لكن دي مش بتاعتي... مش ارتفاع دبرياجي ده !!!
هو : بس على فكرة ده الصح
انا : صح ولا غلط.. لعبوا فيه ليه
هو: على فكرة ماحدش لعب في الدبرياج.... اللوجان بالذات فيها نظام ان لو لعبت في الدبراج العصاية دي (وبيشاور على الفيتيس) تقف خالص وماتشتغلش...
انا : ده اللي هو ليه يعني ؟؟؟ من كتر التكنولوجيا اللي فيها ؟ دي حتى هاف أوبشن وموتور بقاله 100 سنة (نرفزني لدرجة اني أعيب في عربيتي)
هو : بس كدة الغيارات أخف والمارشيدير كان بيعض ودلوقتي مابيعضش...
انا : (منتصرا) طب جربه كده !
هو: (خخخخخخك) (خخخك) (خخك) <بعد رابع مرة دخل من غير مايعض >
انا : هاه ؟؟؟ ايه رأيك ؟؟؟
هو: ماهو مابيعضش أهو...
انا : يعني وانا باركن أجيب قدام وأجيب ورا أربع مرات ب 3 عشات عشان الرابعة ماتعضش ؟؟؟ (وهنا كانت القشة اللتي قصمت ظهر البعير)

انا : انا اصلا طلبت ظبط زوايا في صيانة ال5000 واشتغلتني وظبطتها أي كلام وعديتها.... قلتلي في ال5000 هاعمللك عضة المارشيدير وانا أصلا ماشتكيتش منها عشان انا عارف حلها وقلنا ماشي و ماظبتهاش وعديتها... جاي النهارده تلطعني 7 ساعات وانا مش من القاهرة وورايا 100 حاجة عاى حس انك هاتعمللي الزوايا اللي انت أصلا عاملهالي أي كلام المرة اللي فاتت وفي الآخر ماتعملتش برضه رغم انك قلتلي عملتها... وكمان اللطعه بسسب واحد أهبل افتكر ان عضة الدبرياج سببها الواير قام لاعب فيه الناصح ... ماكانش حد غلب... يعني كل الناس مابتدوسش دبرياج كويس ؟؟؟ وفي الآخر جاي تشتغلني وتستعماني وتقوللي قال إيه الواير لو اتلعب فيه الفيتيس مايشتغلش ؟؟؟

هو : طب سيبهالي...

بعد 10 دقايق ...

خرج بالعريبة... وقاللي جربها.. ركبت جربتها... لقيت الدبرياش رجع زي ماكان... قلتله يعني اللي لعب فيها رجعها !!! كان لزومه إيه ال*)&^&^ من الأول في حاجة انا أصلا ماشتكيتش منها !!؟؟

وأخدت العربية ومشيت من غير سلام ولا كلام... وانا مكتئب على الآخر وباسب والعن اليوم اللي جيت فيه توكيل المقطم... وقررت بعد كده أروح العبور وهي أصلا كدة كدة أقربلي بس انا عملت حساب للمهندس اللي تأكدت الآن انه مش مهندس...
ودي أول خطوه اني ابلغكم باللي حصل... الخطوة اللي جاية حماية النستهلك وبعدين ربنو فرنسا !!!
يا يانتوا يا مصريين لغاية ماتبطلوا تفتوا وتتعلموا تقولوا معرفش !

اقتباس:

---

المشاركة الأصلية كتبت بواسطة josephedward

أولا أنا محروق دمي فا هابعبع بكلام كتير أرجو ماتزهقوش...
يوم الأحد اللي فات كلمت المهندس حسام مصطفى(توكيل رينو المقطم - مهندس الاستقبال) وقلتله انا عايز اعمل صيانة ال 10.000 أجي إمتى عشان جيت قبل كده وانا حاجز واتلطعت في الطابور زيي زي أي حد... قاللي بكره 8 الصبح
وقد كان... وصلت 8 صباحا بالدقيقة...
الصورة: 3 سيارات أمامي... فلوانس الأولى ثم لوجان ثم كليو سايقاها واحدة ثم أنا...
نزلت من عربيتي ورحت للأستاذ حسام سلمت عليه وقاللي هي فين قلتله نمرة 4 دي قاللي كويس جدا...
رجعت عربيتي تاني... تحرك الطابور بسرعة بسبيا... المهم جه دوري ... بص عليها ودار الحوار التالي:

انا: هو ايه اللي هايتم بالضبط
هو: تغيير زيت وفلتر زيت
انا: طب ينفع اظبط زوايا كمان؟
هو: الاسبوع ده كله مافيش زوايا عشان بنجدد الورشة... بس هاحاول أعملهالك
انا: تمام... يا ريت... هايتكلف كام كل ده
هو: 450 كله على بعضه
انا: هاتخلص امتى ؟
هو: (بص في الساعة لقاها 8:30 ) بالكتير 12 الظهر
انا: ماشي

دخلت الصالة المكيفة... كان فيه 4-5 بني أدمين غيري...

شويه والتليفزيون اشتغل و كان فيه فيلم غريب مالوش ملامح على MBC2
المهم، شوية لعب في الموبايل لغاية مابقى Battery Low... بدأ فيلم عن قصة حياة بروس لي... والضرب اشتغل من هنا والناس كلها اتسمرت قدام التليفزيون... شوية اعجاب بالأكشن وشوية سخرية من انه ازاي كان الحاجات دي زمان بتعجبنا ...
المهم تجاذبت أطراف الحديث مع راجل حنبي... من شبرا ومعاه لوجان نبيتي فول (مش بتاعته) وصاحبها خبط بطن العربية والغيارات بتدقر... وهو جايبهاله التوكيل...
المهم حكينا شوية والفيلم خلص وهو قام يستلم عربيته وانا قاعد !!!!
الساعة الآن : 11:15

خرجت من التكييف على عيني!!! رحت لغاية بوابة الورشة لقيت عربيتي مرفوعة في السما ! قلت كويس شغالين فيها... جه واحد ببرميل مربع فوقه قمه مربع ووقف تحتها.. فتح الطبه وفي ثواني الزيت نزل... ربط ... نزل ... حط الزيت الجديد... تمام.

الساعة الآن : 11:20 !!!!!!!!!

رجعت الصالة لأن الجو ولعة وقلت كلها دقايق ويندهوا عليا ... (لكن هيهات !!!!!)

الساعة الآن: 2:00

خرجت أدور على الأستاذ حسام... لقيت موتوسيكل فضي مرعب... والتوكيل كله واقف بيتفرج عليه وماحدش بيشتغل... ماقاطعهمش غير واحد معاه فلونس ملطوع ومحدش معبره ودار أمامي الحوار التالي:

صاحب الفلونس: انا بقالي ساعة ملطوع ومحدش معبرني... مش هانخلص النهاردة ؟؟ دي كلها صيانة 5000
الأستاذ (راجل طوييييل وأبيضاني وحالق زيرو ومحترم جدا) : يافندم ماتزعلش نفسك دفيفة وكله يكون عندك
صاحب الفلونس: كل ماكلم حد يقولي ثواني باشوف الموتوسيكل ؟؟؟ انا ممكن أكلم رينو واخربلكوا الدنيا وييجوا يقلبولكوا التوكيل ده ويعملوه من الأول وجديد
- - هنا بدأالجميع في التوتر وسابوا الموتوسيكل وبدأوا في التوجه للفلونس، مع الاحتفاظ بخطى هادئة عشان برضه مايفتكرش انه خوفهم !!! --
الاستقبال: فيها ايه ؟
صاحب الفلونس: فيها قيب الفلوانس اللي أعلنتوا عنه... دواسة البنزين مابتسعفنيش... ممكن أكبس مرة واحدة ماتسحبش...
الاستقبال: احنا ما أعلنناش عن أي عيوب
صاحب الفلونس: بس الناس كلها قايلة كدة
الاستقبال: (كلام كتير مجمله ان انت مابتعرفش تسوق)
صاحب الفلونس: انا باسوق رينو من 1970 ومابركبش غيرها... !!!! مش هاتعرفني العربيات عامله ازاي !
تدخل الأستاذ الطويل المحترم... وهنا انا زهقت ودخلت للتكييف تاني...

الساعة الآن : 2:30

خرجت أشوف الموضوع إيه... لقيت الأستاذ حسام قلتله إيه النظام ؟ قاللي اتقل بس باحاول أخلصلك موضوع الزوايا ده

سكتت

الساعة الآن 3:00

مش طايق نفسي لكن لسة ماتعصبتش (انا صعب جدا اتنرفز بسهولة)
ايه يا باشمهندس (وقد بدأت أشك في كونه باشمهندس أصلا)
هو: أسل وهم بيجربوها لقيوا فيه تقل في الغيارات...
انا : تقل إيه ؟ مافيش أي تقل عندي في الغيارات ...
هو : بس هايشوفوها وهاقوللك على طول...

الساعة : 3:30

خير يا باشمهندس ؟؟؟

روح استلم...
رحت الساحة بعد ما دفعت واخدت الإيصال... لقيتها منورة من التراب... مش مشكله هاغسلها... ركبت ، دورت، جبت أولاني ..... بارفع دبرياج.... مابتطلعش... أرفع تاني ... مابتطلعش... رفعت نص الدواسة بدأت تتحرك !!!!! نعم ؟؟؟؟ إيه ده .؟؟؟؟؟؟؟؟؟؟؟؟؟؟؟؟؟

ندهت الواد اللي بيسلم العربيات قلتله هم لعبوا في واير الدبرياج ليه ؟؟؟ قاللي وريني أمر الشغل ... بص فيه ... قاللي : آآآآآآآه العربية دي عايزة جير بوكس ! قلتله نعم ؟ جير بوكس بعد 10.000 ؟؟؟ ليه ان شاء الله ؟؟؟ انا أصلا ماشتكيتش من أى حاجة في الغيارات هم يلعبوا في واير الدبرياج ليه ؟؟؟ قاللي طب ثواني.... وراح ناحية الورشة وسقت وراه....
رحت كان دخل وماشفتوش... 10 دقايق طلع واداني الورقة وقاللي : لأ لأ دي عربية تانية خالص !!!
ندهت الأستاذ حسام...
هو : فيه حاجة ؟
انا : ارتفاع الدبرياج ده مش بتاعي... مش دي اللي متعود عليها !
هو : محدش جه جنب الدبرياج
انا : اركب وسوق...
هو : (ركب وطلع قدام ووقف) ماهو كويس أهو... ماله
انا : كويس ليك . انت أول مرة تسوقها... لكن دي مش بتاعتي... مش ارتفاع دبرياجي ده !!!
هو : بس على فكرة ده الصح
انا : صح ولا غلط.. لعبوا فيه ليه
هو: على فكرة ماحدش لعب في الدبرياج.... اللوجان بالذات فيها نظام ان لو لعبت في الدبراج العصاية دي (وبيشاور على الفيتيس) تقف خالص وماتشتغلش...
انا : ده اللي هو ليه يعني ؟؟؟ من كتر التكنولوجيا اللي فيها ؟ دي حتى هاف أوبشن وموتور بقاله 100 سنة (نرفزني لدرجة اني أعيب في عربيتي)
هو : بس كدة الغيارات أخف والمارشيدير كان بيعض ودلوقتي مابيعضش...
انا : (منتصرا) طب جربه كده !
هو: (خخخخخخك) (خخخك) (خخك) <بعد رابع مرة دخل من غير مايعض >
انا : هاه ؟؟؟ ايه رأيك ؟؟؟
هو: ماهو مابيعضش أهو...
انا : يعني وانا باركن أجيب قدام وأجيب ورا أربع مرات ب 3 عشات عشان الرابعة ماتعضش ؟؟؟ (وهنا كانت القشة اللتي قصمت ظهر البعير)

انا : انا اصلا طلبت ظبط زوايا في صيانة ال5000 واشتغلتني وظبطتها أي كلام وعديتها.... قلتلي في ال5000 هاعمللك عضة المارشيدير وانا أصلا ماشتكيتش منها عشان انا عارف حلها وقلنا ماشي و ماظبتهاش وعديتها... جاي النهارده تلطعني 7 ساعات وانا مش من القاهرة وورايا 100 حاجة عاى حس انك هاتعمللي الزوايا اللي انت أصلا عاملهالي أي كلام المرة اللي فاتت وفي الآخر ماتعملتش برضه رغم انك قلتلي عملتها... وكمان اللطعه بسسب واحد أهبل افتكر ان عضة الدبرياج سببها الواير قام لاعب فيه الناصح ... ماكانش حد غلب... يعني كل الناس مابتدوسش دبرياج كويس ؟؟؟ وفي الآخر جاي تشتغلني وتستعماني وتقوللي قال إيه الواير لو اتلعب فيه الفيتيس مايشتغلش ؟؟؟

هو : طب سيبهالي...

بعد 10 دقايق ...

خرج بالعريبة... وقاللي جربها.. ركبت جربتها... لقيت الدبرياش رجع زي ماكان... قلتله يعني اللي لعب فيها رجعها !!! كان لزومه إيه ال*)&^&^ من الأول في حاجة انا أصلا ماشتكيتش منها !!؟؟

وأخدت العربية ومشيت من غير سلام ولا كلام... وانا مكتئب على الآخر وباسب والعن اليوم اللي جيت فيه توكيل المقطم... وقررت بعد كده أروح العبور وهي أصلا كدة كدة أقربلي بس انا عملت حساب للمهندس اللي تأكدت الآن انه مش مهندس...
ودي أول خطوه اني ابلغكم باللي حصل... الخطوة اللي جاية حماية النستهلك وبعدين ربنو فرنسا !!!
يا يانتوا يا مصريين لغاية ماتبطلوا تفتوا وتتعلموا تقولوا معرفش !

---

كان الله فى عونك من الفتايين...و بالمناسبة كل اللى فى الإستقبال مش مهندسيين و لا يمتوا للهندسة بصلة.....:I_angr1[1]:

أن مريح دماغي وبعمل الصيانة فى العبور
أهدي مكان فى العالم :E_braces[1]:

بصراحه عندك حق توكيل رينو المقطم التعامل فيه زبالة انا مجربه وعملت موضوع اشتكيت منه قبل كده
معامله غير اداميه فيه بصراحه ولا احترام للوقت والواسطه هى اللى بتمشى برضوا هناك يعنى لو اللى معاه عربيه ده يعرف حد جوه يخلص عربيته الاول وتتلطع انت
انا اتلطعت اربع ساعات هناك وانا شكوتى ضعيفه جدا وفيه كذه واحد جيهم بعدى ومشيوا قبلى
ودائما محاولات منهم لاقناعك ان العيب منك فى كل العيوب مش من العربية وان انت حمار مبتعرفش تسوق :I_angr1[1]:

اقتباس:

---

المشاركة الأصلية كتبت بواسطة foxoo7

أن مريح دماغي وبعمل الصيانة فى العبور
أهدي مكان فى العالم :e_braces[1]:

---

الحمد لله معملتش الصيانه غير فى العبور و هما ممتازين اوى

انا لسه جاي من العبور من غير حجز ورحت ليهم الساعه 11.30 ودخلت طلبت مهندس يجي يبص معايه على حاجه في الدهان وقالولي معلش السمكره مش النهارده بكل ذوق قالي انا مهندس كهرباء ميكانيكا مش هقدر افيدك قلتلوا طيب تعالى بص هيه مش فنيه قوي

المهم جه معايا على طول وبص وقالي انا مقدرش اقولك دي ميزه والا عيب اللي ممكن اعمله اوريك واحده من المعروضين زيرو ونشوف وفعلا مشكورا جه معايا وفتح العربيه وبصيت لقيت نفس الملاحظه واطمنت ان ده الطبيعي بتاع العربيه وشكرته ومشيت قام قالي لو عندك اي ملاحظات تانيه اكتبهالي في ورقه وفي ال5000 كلها هتتعمل

اسمه مهندس محمد

منتهى الذوق والرقي في فرع العبور

المشكلة دلوقتي : ينفع أعمل باقي الصيانات في العبور ؟؟؟ مع العلم ان الجهلة بتوع المقطم مش بيختموا الدليل بتاع الصيانة... أبيض تماما !!
ايه اللي يضمن لبتاع العبور اني عملت صيانة ال 5000 وال 10.000 .؟؟؟

اقتباس:

---

المشاركة الأصلية كتبت بواسطة josephedward

المشكلة دلوقتي : ينفع أعمل باقي الصيانات في العبور ؟؟؟ مع العلم ان الجهلة بتوع المقطم مش بيختموا الدليل بتاع الصيانة... أبيض تماما !!
ايه اللي يضمن لبتاع العبور اني عملت صيانة ال 5000 وال 10.000 .؟؟؟

---

أيوة حضرتك تقدر تعمل الصيانة في أى فرع يعجبك
وانت بتتصل تحجز قول للاستقبال انك عايز تحجز في فرع العبور.
هما مختموش برضه ليا فى صيانة ال 5000

المعلومات كلها بتتسجل فى الكمبيوتر روح العبور وان اشاء الله تلاقى خدمه ممتازه

اقتباس:

---

المشاركة الأصلية كتبت بواسطة foxoo7

أن مريح دماغي وبعمل الصيانة فى العبور
أهدي مكان فى العالم :e_braces[1]:

---

وانا مريح دماغي وبعتها

اقتباس:

---

المشاركة الأصلية كتبت بواسطة amrdiab

وانا مريح دماغي وبعتها

---

ههههههههههههه
ماشى يا عم الله يباركلك فى الفكترا
وانا بقى مريح دماغى ومبعملش صيانات اصلآ
يا راجل 450 جنيه ؟؟؟
ده هو الزيت ب 200 جنيه والفلتر ب 35 جنيه
يعنى الحساب كله لو غيرته بره 235 جنيه قول مصنعيه للواد بتاع الزيت 5 جنيه مع انه بياخد 3 جنيه :E_braces[1]:
بياخدهم ويظيط طول اليوم وممكن يرقص على الكبوت من السعاده
قولى بقى ال 215 الزياده دول ليـــــــه فرده يعنى ولا ايه النظام
يا راجل بلا شغل نصب

اقتباس:

---

المشاركة الأصلية كتبت بواسطة Super_Star_h

ههههههههههههه
ماشى يا عم الله يباركلك فى الفكترا
وانا بقى مريح دماغى ومبعملش صيانات اصلآ
يا راجل 450 جنيه ؟؟؟
ده هو الزيت ب 200 جنيه والفلتر ب 35 جنيه
يعنى الحساب كله لو غيرته بره 235 جنيه قول مصنعيه للواد بتاع الزيت 5 جنيه مع انه بياخد 3 جنيه :E_braces[1]:
بياخدهم ويظيط طول اليوم وممكن يرقص على الكبوت من السعاده
قولى بقى ال 215 الزياده دول ليـــــــه فرده يعنى ولا ايه النظام
يا راجل بلا شغل نصب

---

وحياتك يا سوبر يا غالي
انا جيبت انضف زيت في مصر شل الترا هايلكس
وده 235 جنيه 10000كم
والفلتر جبت الانجليزي
Vauxhall ب 25 جنيه
ولما دورت اكتر لقيت ال gm اللي بيركب في التوكيل ب 15 جنيه واديت الواد 2 جنيه


وسلم لي ع الصياعه قصدي الصيانه

واللهي انتو اساتذه

اقتباس:

---

المشاركة الأصلية كتبت بواسطة Galilioz

بصراحه عندك حق توكيل رينو المقطم التعامل فيه زبالة انا مجربه وعملت موضوع اشتكيت منه قبل كده
معامله غير اداميه فيه بصراحه ولا احترام للوقت والواسطه هى اللى بتمشى برضوا هناك يعنى لو اللى معاه عربيه ده يعرف حد جوه يخلص عربيته الاول وتتلطع انت
انا اتلطعت اربع ساعات هناك وانا شكوتى ضعيفه جدا وفيه كذه واحد جيهم بعدى ومشيوا قبلى
ودائما محاولات منهم لاقناعك ان العيب منك فى كل العيوب مش من العربية وان انت حمار مبتعرفش تسوق :I_angr1[1]:

---

:I_angr1[1]::I_angr1[1]::I_angr1[1]:

اقتباس:

---

المشاركة الأصلية كتبت بواسطة super_star_h

ههههههههههههه
ماشى يا عم الله يباركلك فى الفكترا
وانا بقى مريح دماغى ومبعملش صيانات اصلآ
يا راجل 450 جنيه ؟؟؟
ده هو الزيت ب 200 جنيه والفلتر ب 35 جنيه
يعنى الحساب كله لو غيرته بره 235 جنيه قول مصنعيه للواد بتاع الزيت 5 جنيه مع انه بياخد 3 جنيه :e_braces[1]:
بياخدهم ويظيط طول اليوم وممكن يرقص على الكبوت من السعاده
قولى بقى ال 215 الزياده دول ليـــــــه فرده يعنى ولا ايه النظام
يا راجل بلا شغل نصب

---

+111111111
هو ده الصح.....التوكيل لما تبقي مشكلة كبيرة و الصنايعية مش عارفين يتعاملو معاها

العبور :verygood:
http://www.nilemotors.net/Nile/166263-a.html

اقتباس:

---

المشاركة الأصلية كتبت بواسطة amrdiab

وحياتك يا سوبر يا غالي
انا جيبت انضف زيت في مصر شل الترا هايلكس
وده 235 جنيه 10000كم
والفلتر جبت الانجليزي
Vauxhall ب 25 جنيه
ولما دورت اكتر لقيت ال gm اللي بيركب في التوكيل ب 15 جنيه واديت الواد 2 جنيه


وسلم لي ع الصياعه قصدي الصيانه

---

الفكترا عربيه جميله جدآ ربنا يباركلك فيها
على فكره الفلتر بتاع اللوجان اما جبته من محل قطع غيار رينو
كان مكتوب على العلبه بتاعة الفلتر .. رينو .. اوبل ... ونوع تالت كده مش فاكره
يعنى بيشتغل على الـ3 انواع دول
اكيد يركب عندك فى الاوبل والا مكنوش كاتبين عليه ...
حتى بتاع الكاوتش اما بيحل الفرده فى عربيتى بيقولى المسامير بتاعتها نفس الاوبل
وفى فلتر كمان بيركب على اللوجان وارخص من بتاعها الاصلى
فلتر هيونداى ب 25 جنيه فقط لا غير :36_1_1[1]: الكلام ده عن تجربه واشتغل تمام بس شيلته تانى وحطيت بتاعها الاصلى
بالنسبه للزيوت يا معلم احسنت الاختيار فعلآ .. احسن زيت استعملته لغايت دلوقتى هو شيل
واردء زيت استعملته هو موبيل hxp ده زفت
انا بحط معدنى من البدايه مش بستخدم تخليقى بحط زيت شيل هيلكس الاصفر 5 الاف

اقتباس:

---

المشاركة الأصلية كتبت بواسطة Super_Star_h

الفكترا عربيه جميله جدآ ربنا يباركلك فيها

ربنا يكرمك ويخليلك لوجي

على فكره الفلتر بتاع اللوجان اما جبته من محل قطع غيار رينو
كان مكتوب على العلبه بتاعة الفلتر .. رينو .. اوبل ... ونوع تالت كده مش فاكره
يعنى بيشتغل على الـ3 انواع دول
اكيد يركب عندك فى الاوبل والا مكنوش كاتبين عليه ...

دايما بتدينا المعلومات اللي ناقصانا يا سوبر هتاكد من المعلومه واقولك بس الفلتر اسمه ايه؟؟

حتى بتاع الكاوتش اما بيحل الفرده فى عربيتى بيقولى المسامير بتاعتها نفس الاوبل

وفى فلتر كمان بيركب على اللوجان وارخص من بتاعها الاصلى
فلتر هيونداى ب 25 جنيه فقط لا غير :36_1_1[1]:

الكلام ده عن تجربه واشتغل تمام بس شيلته تانى وحطيت بتاعها الاصلى

والله اللي استغربت له ان فلتر الزيت الاصلي ال vauxhall الانجليزي ب 25 جنيه وال gm منصور الاصلي ب 15 جنيه وطقم الفلاتر هوا زيت بنزبن ب 85 وفي الاخر يقولك الاوبل قطع غياره غاليه ومش عملي ولا المرايات عاده الجوز ب 290 والكهربا الجوز ب 450 جنيه اصلي يا باشا وما ادراك ما شكل مرايات الفيكترا تحفه فنيه:makeup:

بالنسبه للزيوت يا معلم احسنت الاختيار فعلآ .. احسن زيت استعملته لغايت دلوقتى هو شيل
واردء زيت استعملته هو موبيل hxp ده زفت
انا بحط معدنى من البدايه مش بستخدم تخليقى بحط زيت شيل هيلكس الاصفر 5 الاف

سيبك انت شل ده زيت استاذ:vctry:

---

اقتباس:

---

المشاركة الأصلية كتبت بواسطة amrdiab

وانا مريح دماغي وبعتها

---

وانا اقول النور ده منين .. يا باشا ليك وحشة ودايماً تنورنا وتشارك معانا .. واللا هابيع اللوجان واشترى فيكترا .. صدقنى قدامى فيكترا مستعملة بحالة جيدة للبيع ودماغى عماله تزقزق:star1:

مش فاكر يا باشا والله اسمه ايه الفلتر للأسف
بس هو لونه اسود
وكان مكتوب عليه رينو واوبل والتالت ده نوع غريب كده مش منتشر

اقتباس:

---

المشاركة الأصلية كتبت بواسطة best2010

وانا اقول النور ده منين .. يا باشا ليك وحشة ودايماً تنورنا وتشارك معانا .. واللا هابيع اللوجان واشترى فيكترا .. صدقنى قدامى فيكترا مستعملة بحالة جيدة للبيع ودماغى عماله تزقزق:star1:

---

بسوتا يا جامد
واحشني موت يابن الايه
ازيك يا بست يا لذيذ
اذا كان حالتها كويسه توكل وتنور عصابه الاوبل في منتدي الاوبل
علي فكره اهونا محمد حامد كان في المنتدي من كام بوم وبيسئل علي فيكترا في الخباثه

اقتباس:

---

المشاركة الأصلية كتبت بواسطة super_star_h

مش فاكر يا باشا والله اسمه ايه الفلتر للأسف

بس هو لونه اسود
وكان مكتوب عليه رينو واوبل والتالت ده نوع غريب كده مش منتشر

---

افتكر وقولي يا ابو السوابر

اقتباس:

---

المشاركة الأصلية كتبت بواسطة amrdiab

وانا مريح دماغي وبعتها

---

أزيك يا محمــــــــــــــــــــــ ـــود

مبرووك على الفكترا وربنا يبارك لك فيها ........



رجـــــــــــــــــــــــ ـــــــــــــــــــــاء

تعمل موضوع عن ........ اسباب بيع اللوجان بكل صدق وحيادية _ المعهودة عنك ...


وانا بطلب دة منك امام اخونا ... لاننا كلنا عارفينك ...

فخبط براحتك فى اللوجان واشكر فيها وعيب عليها زى ما انت عايز


الهدف كله ....علشان يكون الموضوع مفيدد للناس اللى لسه ما اشتروش .....


يمكن تخوفهم من حاجات مهمة بالنسبة لهم زيك تمام


وعلشان يحصل نوع من الامانة فى التقييم .........


مستنى موضوعك ............

Update !!!
كلمني النهاردة الأستاذ حسام على موبايلي !
قاللي باشوف ايه اخبار العربية بعد الصيانة ؟
قلتله مالها ؟ الزوايا زي ما هي... مانتوا ماعملتوهاش !
قاللي طب هاحاول في أقرب وقت اخدلك معاد تيجي نعملهالك
انا: (مقاطعا) انا مش فاضي أنزل مصر تاني الفترة دي...
هو: عموما مش الاسبوع ده ... ممكن الاسبوع الجاي
انا: ماشي هابقى أشوف... شكرا !

وقفلت...

بس مش عارف ليه يا إما شاف الكلام اللي اتكتب هنا يا إما حد أكبر منه شافه و كلمه على الكلام ده... مش مصدق انها تكون صدفة...
عموما انا خلاص قررت أروح العبور لحد مالضمان يخلص وبعد كدة هاعيش حياتي انا براحتي !!!

اقتباس:

---

المشاركة الأصلية كتبت بواسطة josephedward

update !!!
..................

بس مش عارف ليه يا إما شاف الكلام اللي اتكتب هنا يا إما حد أكبر منه شافه و كلمه على الكلام ده... مش مصدق انها تكون صدفة...
عموما انا خلاص قررت أروح العبور لحد مالضمان يخلص وبعد كدة هاعيش حياتي انا براحتي !!!

---

أنا كنت لسه ها قولك كدة بردة ...

اي من الاحتمالين كويس ....

علشان كدة راي انك ماتذكرش نص الحوار....

وفى كل الاحوال دة كويس يمكن المنتدي بالنسبة لهم له سمعه كويسة ومؤثرة ...

المهم على خير ان شاء الله صيانتك .... وابقى طمنا

اقتباس:

---

المشاركة الأصلية كتبت بواسطة أبو أدم

أنا كنت لسه ها قولك كدة بردة ...

اي من الاحتمالين كويس ....

علشان كدة راي انك ماتذكرش نص الحوار....

وفى كل الاحوال دة كويس يمكن المنتدي بالنسبة لهم له سمعه كويسة ومؤثرة ...

المهم على خير ان شاء الله صيانتك .... وابقى طمنا

---

يعني إيه "نص الحوار" ؟ وهو انا خايف من إيه ؟؟؟ انا عميل وبادفع فلوس مقابل خدمة - ده بغض النظر عن ان فيه أصلا سمعة للشركة معروفة - ومن حقي أتعامل كويس.... :rfds:
على الأقل تعامل موازي لآدميتي... مش هاقول حتى لكوني دكتور عشان دي بتزعل ناس هنا في المنتدى (لأن فيه اعتقاد ان الأطباء بيتعمدوا يتفاخروا بكونهم دكاترة عمال على بطال)
فاهم قصدي ؟

اقتباس:

---

المشاركة الأصلية كتبت بواسطة أبو أدم

أزيك يا محمــــــــــــــــــــــ ـــود
مبرووك على الفكترا وربنا يبارك لك فيها ........
رجـــــــــــــــــــــــ ـــــــــــــــــــــاء
تعمل موضوع عن ........ اسباب بيع اللوجان بكل صدق وحيادية _ المعهودة عنك ...
وانا بطلب دة منك امام اخونا ... لاننا كلنا عارفينك ...
فخبط براحتك فى اللوجان واشكر فيها وعيب عليها زى ما انت عايز
الهدف كله ....علشان يكون الموضوع مفيدد للناس اللى لسه ما اشتروش .....
يمكن تخوفهم من حاجات مهمة بالنسبة لهم زيك تمام
وعلشان يحصل نوع من الامانة فى التقييم .........
مستنى موضوعك ............

---

ابو ادم الغالي
انا في قمه الاسف والاستياء من نفسي لاني مقدرتش ارد بسرعه علي مشاركتك الكريمه
اقبل عذري يا اكثرهم احتراما
عزائي اني اعرف اخلاقك الكريمه والتسامح شيم الاتقياء الانقياء

اما بالنسبه لموضوع اسباب البيع ففي اقرب فرصه سوف اكتبها ولكن لن تكون في موضوع مستقل ولكن في مشاركه
مثل هذه حتي نبعد بانفسنا عن القيل والقال
واما بالنسبه للتخبيط
فلن استطيع الزم في سياره ظفرت باختياركم الكريم واحتراما لكل مالكي السياره الكرام

اقتباس:

---

المشاركة الأصلية كتبت بواسطة amrdiab

ابو ادم الغالي
انا في قمه الاسف والاستياء من نفسي لاني مقدرتش ارد بسرعه علي مشاركتك الكريمه
اقبل عذري يا اكثرهم احتراما
عزائي اني اعرف اخلاقك الكريمه والتسامح شيم الاتقياء الانقياء

اما بالنسبه لموضوع اسباب البيع ففي اقرب فرصه سوف اكتبها ولكن لن تكون في موضوع مستقل ولكن في مشاركه
مثل هذه حتي نبعد بانفسنا عن القيل والقال
واما بالنسبه للتخبيط
فلن استطيع الزم في سياره ظفرت باختياركم الكريم واحتراما لكل مالكي السياره الكرام

---

ازي حضرتك ياستاذ محمود منورنا والله
اخيرا افتكرتنا وافتكرت لوجى :3mla: ............... كل سنة وحضرتك طيب وفى انتظار مشاركاتك دايما ان شاء الله :ask:

اقتباس:

---

المشاركة الأصلية كتبت بواسطة hobby10

ازي حضرتك ياستاذ محمود منورنا والله
اخيرا افتكرتنا وافتكرت لوجى :3mla: ............... كل سنة وحضرتك طيب وفى انتظار مشاركاتك دايما ان شاء الله :ask:

---

الله
كلامك زي نسمه هوا اسكندراني بتلطف حر الصعيد الجواني
وانتي بالصحه والسلامه
طول عمري مانساكم ولا استغني عن الناس المحترمه اللي مهما بعدت بحن لهم وبيستقبلواني بالترحاب
سلامي ليكي يا اجدع اسكندرانيه في بر مصر
مع ان كل اهل اسكندريه جدعان
علي فكره بعت الولاد والمدام مع جدهم يصيفو وكنت واعدهم اني اروح بعد ماخلص شويه شغل
لكن للاسف خلصت التصييفه:boat: ومخلصش الشغل

اقتباس:

---

المشاركة الأصلية كتبت بواسطة josephedward

update !!!
كلمني النهاردة الأستاذ حسام على موبايلي !
قاللي باشوف ايه اخبار العربية بعد الصيانة ؟
قلتله مالها ؟ الزوايا زي ما هي... مانتوا ماعملتوهاش !
قاللي طب هاحاول في أقرب وقت اخدلك معاد تيجي نعملهالك
انا: (مقاطعا) انا مش فاضي أنزل مصر تاني الفترة دي...
هو: عموما مش الاسبوع ده ... ممكن الاسبوع الجاي
انا: ماشي هابقى أشوف... شكرا !

وقفلت...

بس مش عارف ليه يا إما شاف الكلام اللي اتكتب هنا يا إما حد أكبر منه شافه و كلمه على الكلام ده... مش مصدق انها تكون صدفة...
عموما انا خلاص قررت أروح العبور لحد مالضمان يخلص وبعد كدة هاعيش حياتي انا براحتي !!!

---

هما بيعملوا كده بعد كل صيانة
بيتصلوا يسألوا عملو كده معايا الكام صيانة الأخيرة

انا برضو كنت بعمل صيانة ال10000 وطلبت منهم يزبطو الفارمل ولا قربو منها خالص وكمان العربية بعد ماخلصو تغير الزيت ليها نسيو ينادو عليا وقعدو راكنينى لحد الساعة 4 ونص !! حاجة تقرف

اقتباس:

---

المشاركة الأصلية كتبت بواسطة amrdiab

الله
كلامك زي نسمه هوا اسكندراني بتلطف حر الصعيد الجواني
وانتي بالصحه والسلامه
طول عمري مانساكم ولا استغني عن الناس المحترمه اللي مهما بعدت بحن لهم وبيستقبلواني بالترحاب
سلامي ليكي يا اجدع اسكندرانيه في بر مصر
مع ان كل اهل اسكندريه جدعان
علي فكره بعت الولاد والمدام مع جدهم يصيفو وكنت واعدهم اني اروح بعد ماخلص شويه شغل
لكن للاسف خلصت التصييفه:boat: ومخلصش الشغل

---

استاذنا كل عام وانت و الأسرة الكريمة بكل خير . فينك و فين ايامك الحلوه . :120105~352:و ازاي الصيف يعدي كده عليك من غير ما تبلبط في البحر . اذا كان علي الشغل فالشغل مبيخلصش . الحقلك غطسين في اليومين الحر دول .

اقتباس:

---

المشاركة الأصلية كتبت بواسطة frhateg

استاذنا كل عام وانت و الأسرة الكريمة بكل خير . فينك و فين ايامك الحلوه . :120105~352:و ازاي الصيف يعدي كده عليك من غير ما تبلبط في البحر . اذا كان علي الشغل فالشغل مبيخلصش . الحقلك غطسين في اليومين الحر دول .

---

فرحات يا جامد


مش لسه بقول كل اهل اسكندريه جدعان
واستاذنا فرحات الغالي مكدبش خبر
وبعت لي احلي سلام معطر بهوا المالح
اما عن ان انت واحشني حدث ولا حرج

واما عن البلبطه فربنا يخلي البانيو:36_1_58[1]:

اقتباس:

---

المشاركة الأصلية كتبت بواسطة amrdiab

وانا مريح دماغي وبعتها

باشا ممكن تعرفنا بكل حيادية سبب البيع لأني بفكر اشتري العربية ودي هتبقى تحويشة العمر وخايف اجيب حاجة اندم عليها

---

اقتباس:

---

المشاركة الأصلية كتبت بواسطة josephedward

يعني إيه "نص الحوار" ؟ وهو انا خايف من إيه ؟؟؟ انا عميل وبادفع فلوس مقابل خدمة - ده بغض النظر عن ان فيه أصلا سمعة للشركة معروفة - ومن حقي أتعامل كويس.... :rfds:
على الأقل تعامل موازي لآدميتي... مش هاقول حتى لكوني دكتور عشان دي بتزعل ناس هنا في المنتدى (لأن فيه اعتقاد ان الأطباء بيتعمدوا يتفاخروا بكونهم دكاترة عمال على بطال)
فاهم قصدي ؟

---

أكيد فاهم قصدك يا دكتور

أنت مش بتقول فوازير ...

بس انت بقى اللى ما فيهمتش قصدى بــ ( نص الحوار ) ؟؟

انا ببساطة عجبتنى نظرية اللى انت فرضتها بان الموضوع اكيد قرأ هنا او حد اخبرهم ....

علشان كدة كان راي انك تقول موضوع صيانتك من غير ما تحكى اللى حصل بالضبط علشان

البصاصين والعيون اللى بتنقل الكلام ....

عايزين نشوفهم ها يعملوا ايه لوحدهم .....


ام بالنسبة للاخ اللى بيقول ان دة بيحصل بعد كل صيانة ...

دة من المركز الرئيسى او حد متابع من االصيانة لكن اللى

حصل مع الدكتور دة مكالمة خاصة....

وعلى فكرة انا من الناس اللى فى المنتدي اللى ما بزعلش انك دكتور ولا يفرق معايا ولا عايز اعرف الموضوع دة حتى ..

انت عميل زيك زي حد

فهمت بقى قصدى دلوقتى .............

اقتباس:

---

المشاركة الأصلية كتبت بواسطة amrdiab

.....

اما بالنسبه لموضوع اسباب البيع ففي اقرب فرصه سوف اكتبها ولكن لن تكون في موضوع مستقل ولكن في مشاركه
مثل هذه حتي نبعد بانفسنا عن القيل والقال
واما بالنسبه للتخبيط
فلن استطيع الزم في سياره ظفرت باختياركم الكريم واحتراما لكل مالكي السياره الكرام

---

أنت الغالى يا اخي الكريم .... وانا لست ممن تقول وارجوا ان اكون منهم ....

موضوع اسباب البيع مهم صراحة

لاي حد مقبل على السيارة

ودة لانى انا متاكد انك هاتكون محايد ....

واحتراما لكل مالكى اللوجان ...

اذكر اسباب البيع من وجهة نظرك الخاصة والتى تتفق مع احتياجاتك من السيارة ............

اقتباس:

---

المشاركة الأصلية كتبت بواسطة أبو أدم

أكيد فاهم قصدك يا دكتور

أنت مش بتقول فوازير ...

بس انت بقى اللى ما فيهمتش قصدى بــ ( نص الحوار ) ؟؟

انا ببساطة عجبتنى نظرية اللى انت فرضتها بان الموضوع اكيد قرأ هنا او حد اخبرهم ....

علشان كدة كان راي انك تقول موضوع صيانتك من غير ما تحكى اللى حصل بالضبط علشان

البصاصين والعيون اللى بتنقل الكلام ....

عايزين نشوفهم ها يعملوا ايه لوحدهم .....


ام بالنسبة للاخ اللى بيقول ان دة بيحصل بعد كل صيانة ...

دة من المركز الرئيسى او حد متابع من االصيانة لكن اللى

حصل مع الدكتور دة مكالمة خاصة....

وعلى فكرة انا من الناس اللى فى المنتدي اللى ما بزعلش انك دكتور ولا يفرق معايا ولا عايز اعرف الموضوع دة حتى ..

انت عميل زيك زي حد

فهمت بقى قصدى دلوقتى .............

---

فهمت قصدك... لكن انا من مضايقتي منهم مش شايف قدامي... وعايزهم يفضلوا منفضين...
لو توكيل المقطم ده قفل هايبقى بسبب الشكاوي الكتيرة اللي على نايل موتورز وابقى قول انا قلت كدة...
وعلى فكرة.. انا لو حلفت على الميه تجمد لأي حد مابيصدقش اني دكتور فكدة كدة مابحاولش استخدم الكلمة دي كتير :-)

اقتباس:

---

المشاركة الأصلية كتبت بواسطة أبو أدم

أنت الغالى يا اخي الكريم .... وانا لست ممن تقول وارجوا ان اكون منهم ....

موضوع اسباب البيع مهم صراحة

لاي حد مقبل على السيارة

ودة لانى انا متاكد انك هاتكون محايد ....

واحتراما لكل مالكى اللوجان ...

اذكر اسباب البيع من وجهة نظرك الخاصة والتى تتفق مع احتياجاتك من السيارة ............

---

ياريت نعرف اسباب البيع لعلنا نستفيد بمعلومة وكل عام وانتم بخير جميعا

فعلا الشكاااااوى كتير اوووى من توكيل فرع المقطم
انا ساكن فى المقطم وبرووح العبور دليل المقطم