الساجا السوده بقت منقطه ابيض.......محتاج مساعده

**mosho1985** · 31-07-2010 03:29 PM

فى ليله من ذات الليالى كنت مع واحد صاحبى فى عربيته الساجا عادى جدا......... الراجل ركن العربيه بليل تحت كوبرى الازهر وطلع بيتهم ينام فى امان الله عادى جدا ........... المحافظه بقى محليش ليها نظافة الكوبرى ودهانه غير فى الليله دى............... صحى تانى يوم زى بقيت البنى ادمين عشان يركب عربيته ويروح شغله عادى جدا................ وهو لابيه ولا عليه اتسمر فى مكانه وجتله صدمه عربيته السوده مبقتش سوده فاكرين فيلم 101 كلب بتاع الكلاب المنقطه اهى العربيه بقت شبهه بالظبط مش نقصها غير الديل ومن ساعتها حلف انه مش حيركبها وغطاها وراكنها برضه تحت الكوبرى بالعند فى المحافظه وبصراحه عايز اعرف رايكوا ايه فى حل المشكله دى
1- هل فى طريقه ممكن تشيل بقع البويه البيضه والعربيه ترجع زى ما كانت
2- هل ممكن نعملها احنا وازاى ؟
3- هل الافضل ان احنا نوديها لواحد يظبطها؟ ولو ده احسن هل حد كان عنده تجربه مع صناعيى ايده نضفيه ومجربه قبل كده وواثق فيه وياريت عنوانه كمان ؟
4- اخيرا بقى تتكلف كام ؟

ياجماعه انا معتمد على الله ثم على خبراتكوا عشان ارد على صاحبى ده فياريت رجالة بروتون يفيدونى فى الموضوع ده

**Osama.shihata** · 31-07-2010 03:35 PM

موقف صعب جدا
قدر الله وماشاء فعل
بص هو البوية بتطلع بالتنر عادى جدا بس مش عارف هيكون ليها تاثير على دهان العربيةولا لا محتاجة تجربة الاول
وجزاك الله خيرا انك عايز تساعد صحبك
وان شاء الله حد يكون عنده صنيعى كويس وبيفهم وترحله بيها وهو يعملها وترجع بيها لصحبك ويرجع سعيد بيها زى الاول كمان

**mosho1985** · 31-07-2010 03:50 PM

المشاركة الأصلية كتبت بواسطة osama.shihata

موقف صعب جدا
قدر الله وماشاء فعل
بص هو البوية بتطلع بالتنر عادى جدا بس مش عارف هيكون ليها تاثير على دهان العربيةولا لا محتاجة تجربة الاول
وجزاك الله خيرا انك عايز تساعد صحبك
وان شاء الله حد يكون عنده صنيعى كويس وبيفهم وترحله بيها وهو يعملها وترجع بيها لصحبك ويرجع سعيد بيها زى الاول كمان

اولا انا متشكر لردك يا استاذ اسامه

المشكله انى سمعت ان التنر ممكن يشيل لون العربيه كمان مع البويه او يخلى لونه باهت
فى ناس بتقولى ممكن الجاز بس مش عارف حد جرب قبل كده ولا لأ والموضوع نفع ولا لأ ؟

**M.almaghraby** · 31-07-2010 04:03 PM

ممكن سبرتو يشيلها او كومباوند

**mido_soliman** · 31-07-2010 04:12 PM

بص يباشا موقف مشابة حصل لعربية واحد صاحبى والعربية بقت منقطة واللى حصل التالى
روحنا لواحد بتاع دوكو عربيات محترم شاف العربية سالنا بقالها قد اية والدهان ناشف عليها قلنالة فترة مش طويلة اوى قلنا سبوهالى يوم من اولة
حتعمل اية ياعم ؟ قال حطلعها بتنر بس حخففة علشان مياثرش على البوية وقد كان مسح النقط بتنر مخفف بمية والعربية رجعت زي الاول تانى واداها كمان وش بولش متقلقش بس اهم حاجة متسيبش البوية تلزق على العربية فترة طويلة
تحياتى

**mosho1985** · 31-07-2010 04:25 PM

متشكر اوى ياجماعه على الردود بتاعتكوا

وياريت حضرتك تدينى عنوان الصناعيى ده ؟ واتكلفت معاك كام ؟

وكنت عايز اعرف رايكوا فى الخل ؟ فى ناس بتقول انه جامد فى الموضوع ده وملوش اى تأثير على الدهان ؟

**mido_soliman** · 31-07-2010 04:30 PM

المشاركة الأصلية كتبت بواسطة mosho1985

متشكر اوى ياجماعه على الردود بتاعتكوا

وياريت حضرتك تدينى عنوان الصناعيى ده ؟ واتكلفت معاك كام ؟

وكنت عايز اعرف رايكوا فى الخل ؟ فى ناس بتقول انه جامد فى الموضوع ده وملوش اى تأثير على الدهان ؟

العربية كانت لانسر والصنايعى دة فى الشرقية واخد من صاحبى 220 جنية انا استغلتهم بصراحة لكن الحق يتقال الراجل طلعها من غير ديفووو واحد ورجعها زيرو تانى
تحياتى