السلام عليكم ورحمة الله وبركاته

انا اولا كده حاطط موضوع مش فى مكانه بس قلت اسأل علشان عارف الناس بتاعة البيجو دول مابيسيبوش حاجة مبيدوروش فيها وخصوصا الفرنساوى ... انا كنا عندى سؤال على عربية رينو وحطيته فى قسم الرينو ومحدش رد عليا بصراحة

هو الموضوع اللى انا حاطه هناك اهو ... اتمنى ان انا الاقى حد هنا يساعدنى فيه

انا قدامى عربية رينو كليو هاتش باك صاحبها بيتكلم فى 22 ألف كده وهى موديل 94 ولسه شاددها وعامل عمرة موتور (ده على كلامه) والعربية فيها تكيف بس هو كان شايل الكمبريسور ووراهولى فى الشنطة قالى علشان الموتور لسه فى التليين ... المهم العربية انا شفتها صدفة وانا ماشى الشارع بس حالتها عجبتنى والدواخل بتاعتها نضيفة أوى.

انا دلوقتى حابب اعرف معلومات عنها بس للأسف انا بقالى كتير قاعد ادور على المنتدى مش لاقى معلومات عنها ... فلو سمحتم ممكن تساعدونى مثلا اسعار قطع غيارها ايه؟

والعربية نفسها حلوة ولا لأ؟

وسعر العربية كده كويس ولا عالى؟؟

ولو عاوز اكشف عليها ترشحولى ميكانيكى معين؟؟

ألف شكر ليكو من الأول كده :) وانا مستنى مساعدتكو ليا ان شاء الله