صوت احتكاك فى جنب العربية اليمين

**ahmedfra** · 29-02-2008 07:35 PM

من يومين رحت اظبط زوايا اصل كنت حاسس ان العربية معومة شوية . و بعد الظبط جربت العربية و مكنش فيه مشكلة خالص . لغاية مخرجت على الطريق السريع بدأت احس بصوت حكة غريبة حاسس انها خارجة من الجانب اليمين و غالبا من ناحية العجلة اليمين ( ده تخمينى ) صوت كأن الكاوتش بيحك فى حاجة . و طول السكة شوية يظهر الصوت و شوية يختفى . بعد ما وصلت رفعت العربية بالكوريك عجلة عجلة الفها و شوف صوتها مش لاقى حاجة . بس امشى بالعربية الصوت يظهر كل شوية . مش عارف احدد الصوت دا ايه و لا جى منين بالظبط . و الصوت دا خلانى قرفان من العربية اخر قرف . و الى مجننى ان ظبط الزويا ملوش دعوة بالكلام ده المفروض يعنى . بس الصوت ظهر بعدها . فى حد ممكن يفدنى فى الموضوع ده ؟

**SEATLOVER** · 29-02-2008 07:41 PM

شوف الطنبورة و كليبس التيل للعجلة اليمين دى ..شيك عليهم ..ممكن يكون من زبط الزوايا اتحركت .

**ahmedfra** · 29-02-2008 07:46 PM

طب اروح لعفشجى و لا لبتاع الزوايا تانى .

**MEDO80** · 29-02-2008 07:52 PM

يا سيدي شوف التيل ممكن يكون قارس علي الطنبورة دية حصلت معايا قبل كدا كانت بتعمل صوت بحة متقطعة

**SEATLOVER** · 29-02-2008 07:56 PM

المشاركة الأصلية كتبت بواسطة ahmedfra

طب اروح لعفشجى و لا لبتاع الزوايا تانى .

لأ لعفشجى طبعاً ..ممكن يكون العيب دة كان عندك من الاول بس التيل كان مطبع على الطنبورة فى وضعها الغلط ..و بان لما ظبطت الزوايا .

**kh_talaat** · 30-03-2008 12:43 PM

أنا كان عندي صوت مشابة ورحت لعفشجي فقالي روح إغسل الشاسية الأول وبعدين لو الصوت ظهر تاني إبقى تعالا ، ورحت غسلت الشاسية لقيت الصوت راح والحمد لله ، فجرب تغسل الشاسية سعات بيبقى في طين معشش من تحت وناشف وبيعمل الصوت دة