الموضوع: تكلفة تركيب مرايات الكورسا الكهرباء للفكترا ايه

المشاركة الأصلية كتبت بواسطة amralfy

عليكم سلام الله و رحمته و بركاته.

انا عندى موضوع عامللى ازعاج شوية و هى ان عربتى اتخبطت من فترة وهى راكنة و الفوانيس الشمال اتكسرت, وبعدها بكام يوم المراية الشمال و العربية راكنة بردو نزلت ملقتهاش, وحتى يومنا هذا انا دفعت ثلاث مخالفات بحجة الامن والمتانة, ده غير رذاله الظابط بقى و هو عاوز يفهمنى ان ده كده عامل معايا واجب انو بياخد منى 90 جنيه بس, دا المفروض مفيش تصالح.

المهم, انهاردة جبت فنوس الاشارة الشمال, والازازة بتاعت الفنوس الشمال و ركبتهم. و كنت عاوز اجيب المرايات بتاعت الاسترا علشان مش كل شوية المراية تقع, فلقيت اللى يقوللى 150و 170و 175 اخر واحد كنت عنده هنتش قاللى التايوانى 170 قولتلو دا انا سامع فيها 140, قاللى ديه الصينى.

المهم و انا بتكلم معاه سالته عن اذا كنت ممكن اركب مرايات كهرباء, قاللى لو عندك ضفيرة فى الباب ينفع, قولتلو فيه ضفيرة فى الباب, قاللى يبقى هتحتاج مخدعو زرار و المرايتين و التكلفة كالاتى:

المخدع استيراد : 100
الزراير استيراد : 150
المرايات الجوز تايوانى: 340
المرايات الجوز استيراد : 700


هل كده التكلفة معقولة ؟ ولا مغالى فى الارقام؟؟ لكم جزيل الشكر يا اخوانىز

غاليه أوى الإستيراد
معرفش الجديد ايه نظامه

شكرا لردك يا اخى

طب يعنى المعقول فى الاستيراد يكون كام؟؟؟

و مين احسن حد اجيب من عنده حاجة الاستيراد ويكون سعره من الاخر؟؟؟

مش عارف بالظبط بس الإتنين الإستيراد اليدوي ب 300 مايزيدوش

بس بينى و بينك الاستيراد الاصلى انضف الف مرة من الجداد التيوانى بجد كفايى المراية نفسها ( اللى هى الجزىء العاكس, فيه فرق رهيب, بس انا معاك مش للدرجة ديه 700 جنيه كتير قوى, بس بردو انا شايف لو الاتنين ب 400 او بالكتير 500 يبقى حلو قوى, بس فين نلاقى حد عندو ضمير.

منين يامحمد الاسعار ديه ربنا يكرمك, اصل بتوع الاستيراد حدث ولا حرج

سؤال ساذج حبتين بقى, انا بسمع كتير موضوع الوكالة ده بس معرفش فين.

ممكن تدلنى يا صاحبى